സാന്ദ്ര രണ്ടു വ‍ർഷമായി വിഷാദ രോഗത്തിന് ചികിത്സയിൽ; മുറിയിൽനിന്ന് പുറത്തിറങ്ങാതെ മൊബൈൽ ഗെയിം; ബന്ധുക്കളുടെ മൊഴി
മുറിയില്‍ നിന്ന് പുറത്തിറങ്ങാതെ ഗെയിം കളിക്കുന്നതായിരുന്നു യുവതിയുടെ പ്രധാന വിനോദമെന്ന് ബന്ധുക്കളുടെ മൊഴിയിൽ പറയുന്നു
- News18 Malayalam
- Last Updated :
തിരുവനന്തപുരം: പട്ടം പ്ലാമൂടിൽ ബിരുദ വിദ്യാർഥിയെ ദുരൂഹസാഹചര്യത്തിൽ മരിച്ച നിലയിൽ കണ്ടെത്തിയ സംഭവത്തിൽ ബന്ധുക്കളുടെ മൊഴി. മരിച്ച സാന്ദ്ര രണ്ടു വ‍ർഷമായി വിഷാദ രോഗത്തിന് ചികിത്സയിലായിരുന്നുവെന്നും കോളജിൽ പോകാറുണ്ടായിരുന്നില്ലെന്നും ബന്ധുക്കൾ പൊലീസിൽ മൊഴി നൽകി.
തിരുവനന്തപുരം മ്യൂസിയം പൊലീസ് സ്റ്റേഷനിലാണ് യുവതിയുടെ ബന്ധുക്കൾ മൊഴി നൽകിയത്. മുറിയില്‍ നിന്ന് പുറത്തിറങ്ങാതെ ഗെയിം കളിക്കുന്നതായിരുന്നു യുവതിയുടെ പ്രധാന വിനോദമെന്ന് ബന്ധുക്കളുടെ മൊഴിയിൽ പറയുന്നു. കഴിഞ്ഞ ദിവസം രാത്രി എട്ടുമണിയോടെ വീടിൻെറ താഴത്തെ നിലയിലുള്ള മുറിയിലാണ് സാന്ദ്രയെ മരിച്ച നിലയിൽ കണ്ടെത്തിയത്.
Also Read-വായില്‍ പ്ലാസ്റ്റർ, മൂക്കിൽ ക്ലിപ്പ്; തിരുവനന്തപുരത്ത് യുവതിയുടെ മൃതദേഹം കണ്ടെത്തി
വായില്‍ പ്ലാസ്റ്ററും മൂക്കില്‍ ക്ലിപ്പുമിട്ട നിലയിലായിരുന്നു മൃതദേഹം. സംഭവം നടക്കുമ്പോള്‍ അച്ഛനും സഹോദരനും വീട്ടിലുണ്ടായിരുന്നു. മുറിയിൽ നിന്നും മകള്‍ പുറത്തേക്കിറങ്ങാതിനാൽ സേവ്യറും മകനും ചേർന്ന് വാതിൽ തള്ളിതുറക്കുകയായിരുന്നു. ജനറൽ ആശുപത്രിലെത്തിച്ചപ്പോഴേക്കും മരിച്ചു.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
