നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • crime
    • »
    • Money Seized| രേഖകളില്ലാതെ 35 ലക്ഷം രൂപ പിടികൂടി; ബാറുകൾക്ക് കമ്മീഷൻ നൽകാൻ കൊണ്ടുവന്ന പണമെന്ന് പ്രതികൾ

    Money Seized| രേഖകളില്ലാതെ 35 ലക്ഷം രൂപ പിടികൂടി; ബാറുകൾക്ക് കമ്മീഷൻ നൽകാൻ കൊണ്ടുവന്ന പണമെന്ന് പ്രതികൾ

    ബാറുകൾക്ക് നൽകാനായി പണവുമായെത്തിയ മദ്യക്കമ്പനി (Liquor Company Agents) ഏജൻ്റുമാരാണ് പിടിയിലായത്.

    രേഖകളില്ലാതെ  35 ലക്ഷം രൂപ പിടികൂടി; ബാറുകൾക്ക് കമ്മീഷൻ നൽകാൻ കൊണ്ടുവന്ന പണമെന്ന് പ്രതികൾ

    രേഖകളില്ലാതെ 35 ലക്ഷം രൂപ പിടികൂടി; ബാറുകൾക്ക് കമ്മീഷൻ നൽകാൻ കൊണ്ടുവന്ന പണമെന്ന് പ്രതികൾ

    • Share this:
    പാലക്കാട്:  ബാറുകൾക്ക് കമ്മീഷൻ (Commission for Bars) നൽകുന്നതിനായി ഹൈദരാബാദിൽ (Hyderabad) നിന്നും പണവുമായെത്തിയ മദ്യക്കമ്പനി (Liquor Company Agents) ഏജൻ്റുമാർ പിടിയിൽ. രേഖകളില്ലാതെ 35 ലക്ഷം രൂപയുമായി വന്ന ഏജൻ്റുമാരെയാണ് പാലക്കാട് ആർ പി എഫ് (Palakkad RPF) പിടികൂടിയത്.

    ഹൈദരാബാദിൽ നിന്നും ഒലവക്കോട് റെയിൽവേ സ്റ്റേഷനിലെത്തിയ ശബരി എക്സ്പ്രസിൽ ആർപിഎഫ് നടത്തിയ പരിശോധനയിലാണ് രേഖകളില്ലാതെ ബാഗിലൊളിപ്പിച്ച് കടത്തിയ പണം കണ്ടെത്തിയത്. സംഭവത്തിൽ ഹൈദരാബാദ് സോലാപൂർ സ്വദേശികളായ രാജു ഗൗഡ്, സായികൃഷ്ണ എന്നിവരെ അറസ്റ്റ് ചെയ്തു.  ശബരി എക്സ്പ്രസിൽ സെക്കൻ്റ് എ സി കമ്പാർട്ട്മെൻ്റിലായിരുന്നു  ഇവർ പണം കടത്തിയിരുന്നത്.

    Also Read- Bevco Self Service shop | ഷോപ്പിൽ നിന്നും ഫുൾ ബോട്ടിൽ മോഷ്ടിച്ച 'മാന്യനെ' കണ്ടെത്തി

    പിടിച്ചെടുത്ത 35 ലക്ഷം രൂപയും പ്രതികളെയും തുടരന്വേഷണത്തിനായി പാലക്കാട് ഇൻകം ടാക്സ് ഇൻവെസ്റ്റിഗേഷൻ വിഭാഗത്തിന് കൈമാറി. ഹൈദരാബാദ് കേന്ദ്രീകരിച്ച് പ്രവർത്തിയ്ക്കുന്ന മരീഡിയൻ മാർക്കറ്റിംഗ് എന്ന കമ്പനിയിലെ ജീവനക്കാരാണ് പിടിയിലായവർ. ഇവർ കേരളത്തിൽ വിപണനം നടത്തുന്ന മദ്യം കൂടുതലായി വിൽക്കുന്ന ബാറുകൾക്ക് കമ്മീഷൻ നൽകി വരാറുണ്ട്. സംസ്ഥാനത്തെ എല്ലാ ബാറുകൾക്കും ഇത്തരത്തിൽ പണം നൽകാറുണ്ടെന്ന് ഇവർ മൊഴി നൽകിയിട്ടുണ്ട്. മറ്റു മദ്യ കമ്പനികളും സമാന രീതിയിൽ കമ്മീഷൻ നൽകി വരാറുണ്ട്.

    Also Read- Bevco Facebook Instagram: ഇനി ധൈര്യമായി 'ഷെയറിടാം' ബെവ്കോ ഫേസ്ബുക്ക്, ഇൻസ്റ്റഗ്രാം അക്കൗണ്ട് തുടങ്ങി

    ആർപിഎഫ് കമാൻഡന്റ് ജെതിൻ B രാജിന്റെ നിർദ്ദേശപ്രകാരം സി ഐ എൻ കേശവദാസ്, എസ് ഐ ദീപക് എ പി, എഎസ്ഐ സജു കെ, ഹെഡ് കോൺസ്റ്റബിൾ അശോക്, കോൺസ്റ്റബിൾ മാരായ  വി. സവിൻ,  അബ്ദുൽ സത്താർ, അജീഷ് ഒ കെ എന്നിവരായിരുന്നു പരിശോധനാ സംഘത്തിലുണ്ടായിരുന്നത്.

    Also Read- Karunya Lottery| KSEB ജീവനക്കാരന് അടിച്ചത് 80 ലക്ഷം രൂപ; കാരുണ്യ ലോട്ടറിയുടെ ഒന്നാം സമ്മാനം
    Published by:Rajesh V
    First published:
    )}