• HOME
  • »
  • NEWS
  • »
  • crime
  • »
  • Arrest |നടുറോഡില്‍ റീല്‍സ് ചിത്രീകരണം; ഗതാഗതകുരുക്ക്; സല്‍മാന്‍ ഖാന്റെ ഡ്യൂപ്പ് പിടിയില്‍

Arrest |നടുറോഡില്‍ റീല്‍സ് ചിത്രീകരണം; ഗതാഗതകുരുക്ക്; സല്‍മാന്‍ ഖാന്റെ ഡ്യൂപ്പ് പിടിയില്‍

ഇന്‍സ്റ്റഗ്രാമില്‍ 77000-ഓളം ഫോളോവേഴ്‌സുള്ള ഇയാള്‍ക്ക് യൂട്യബില്‍ 1.64 ലക്ഷം സബ്‌സ്‌ക്രൈബേഴ്‌സുമുണ്ട്.

  • Share this:
    ലഖ്‌നൗ: നടുറോഡില്‍ റീല്‍സിന് വേണ്ടിയുള്ള വീഡിയോ ചിത്രീകരിച്ചതിന് പിന്നാലെ യൂട്യൂബ് താരം അറസ്റ്റില്‍. ഒരുലക്ഷത്തിലേറെ സബ്‌സ്‌ക്രൈബേഴ്‌സുള്ള യൂട്യൂബര്‍, ലഖ്‌നൗ സ്വദേശി അസം അന്‍സാരിയെയാണ് താക്കുര്‍ഗഞ്ച് പോലീസ് ഞായറാഴ്ച രാത്രി അറസ്റ്റ് ചെയ്തത്. അതേസമയം, പൊതുസ്ഥലത്ത് പുകവലിച്ചതിനാണ് യുവാവിനെ അറസ്റ്റ് ചെയ്തതെന്നാണ് പോലീസ് നല്‍കിയ വിശദീകരണം.

    ഞായറാഴ്ച ലഖ്‌നൗവിലെ ക്ലോക്ക് ടവറിന് സമീപത്തുവെച്ചാണ് ഇയാള്‍ ഇന്‍സ്റ്റഗ്രാം റീല്‍സ് ചിത്രീകരിച്ചത്. നിരവധിപേര്‍ ഇത് കാണാന്‍ പ്രദേശത്ത് തടിച്ചുകൂടിയിരുന്നു. ഇതോടെ ഗതാഗതം തടസ്സപ്പെടുകയും രൂക്ഷമായ ഗതാഗതക്കുരുക്കുണ്ടാവുകയും ചെയ്തു. തുടര്‍ന്ന് യാത്രക്കാരില്‍ ചിലര്‍ പോലീസിനെ വിവരമറിയിച്ചു. ഇതോടെ പോലീസ് സംഘം സ്ഥലത്തെത്തി യുവാവിനെ കസ്റ്റഡിയിലെടുക്കുകയായിരുന്നു.

    ബോളിവുഡ് താരം സല്‍മാന്‍ ഖാന്റെ ഡ്യൂപ്പായാണ് അസം അന്‍സാരി സാമൂഹികമാധ്യമങ്ങളില്‍ അറിയപ്പെടുന്നത്. സല്‍മാന്‍ ഖാന്റെ ഗാനങ്ങളും നടനെ അനുകരിച്ചുള്ള ദൃശ്യങ്ങളുമാണ് ഇയാളുടെ മിക്ക വീഡിയോകളിലുമുള്ളത്. ഇന്‍സ്റ്റഗ്രാമില്‍ 77000-ഓളം ഫോളോവേഴ്‌സുള്ള ഇയാള്‍ക്ക് യൂട്യബില്‍ 1.64 ലക്ഷം സബ്‌സ്‌ക്രൈബേഴ്‌സുമുണ്ട്.

    Liquor | മദ്യപിച്ചിട്ട് 'കിക്ക്' കിട്ടുന്നില്ല; വെള്ളം ചേര്‍ത്തെന്ന് സംശയം; മന്ത്രിക്ക് പരാതി നല്‍കി 42കാരന്‍

    മദ്യപിച്ചിട്ടും ‘കിക്ക്’ കിട്ടുന്നില്ലെന്ന പരാതിയുമായി മന്ത്രിക്ക് മുന്നിലെത്തി മദ്യപൻ. മധ്യപ്രദേശിലെ ഉജ്ജയിൻ ജില്ലയിൽനിന്നുള്ള ലോകേന്ദ്ര സത്യ എന്നയാളാണ്, മദ്യത്തിന് കിക്ക് കിട്ടുന്നില്ലെന്നും വിൽക്കുന്നത് വെള്ളം ചേർത്ത മദ്യമാണെന്ന് സംശയിക്കുന്നതായും പരാതി നൽകിയത്. മധ്യപ്രദേശ് ആഭ്യന്തരമന്ത്രി നരോത്തം മിശ്രയ്ക്കു പുറമേ എക്സൈസ് വകുപ്പിനും പോലീസ് ഉദ്യോഗസ്ഥർക്കും ലോകേന്ദ്ര സത്യ ഇതുമായി ബന്ധപ്പെട്ട് പരാതി നൽകിയിട്ടുണ്ട്.

    കഴിഞ്ഞ ഏപ്രിൽ 12ന് രണ്ടു കുപ്പി മദ്യം വാങ്ങി കുടിച്ചിട്ടും ലഹരി ഇല്ലാതെ വന്നതോടെയാണ് മദ്യത്തിൽ വെള്ളം ചേർത്തതായി ലോകേന്ദ്ര സത്യയ്ക്ക് സംശയം തോന്നിയത്. ഇതോടെയാണ് ആഭ്യന്തര മന്ത്രിക്ക് പരാതി നൽകാൻ തീരുമാനിച്ചതെന്ന് റിപ്പോർട്ടുകൾ പറയുന്നു.

    മദ്യപിച്ചിട്ടും ലഹരി കിട്ടുന്നില്ലെന്ന് ഇയാൾ മദ്യം വാങ്ങിയ കടയിലെ ജീവനക്കാരോട് പരാതിപ്പെട്ടിരുന്നു. എന്നാൽ, തന്റെ പരാതി കേൾക്കാൻ ഇവർ തയാറായില്ലെന്ന് ലോകേന്ദ്ര സത്യ പറയുന്നു. ഇതിന്റെ പേരിൽ എന്തു വേണമെങ്കിലും ചെയ്യാനും ഇവർ വെല്ലുവിളിച്ചു. ഇതോടെയാണ്  മന്ത്രിക്കും മറ്റ് അധികാരികള്‍ക്കും  പരാതി നല്‍‌കാന്‍ ലോകേന്ദ്ര തീരുമാനിച്ചത്.

    ആഭ്യന്തര മന്ത്രിക്കു നൽകിയ പരാതിക്കു പുറമേയാണ് ഇവിടെ വിൽക്കുന്ന മദ്യത്തിൽ വെള്ളം ചേർക്കുന്നതായി സംശയമുണ്ടെന്നു കാട്ടി എക്സൈസ് വകുപ്പിലെ ഉന്നത ഉദ്യോഗസ്ഥർക്കും ലോകേന്ദ്ര പരാതി നൽകിയിട്ടുണ്ട്. പരാതിക്ക് തെളിവായി അന്ന് വാങ്ങിയ രണ്ടു കുപ്പി മദ്യവും ഇയാൾ ഹാജരാക്കിയിട്ടുണ്ട്. മദ്യം പരിശോധിച്ച് തന്റെ വാദം ശരിയാണെന്ന് കണ്ടെത്തിയാൽ ഉത്തരവാദിത്തപ്പെട്ടവർക്കെതിരെ കേസെടുക്കണമെന്നാണ് ഇയാളുടെ ആവശ്യം.

    വർഷങ്ങളായി മദ്യപിക്കുന്ന ആളാണ് താൻ. മദ്യത്തിന്റെ രുചിയും ഗുണവും തനിക്ക് നന്നായി അറിയാം. ഈ വഞ്ചനയ്ക്ക് എതിരെ പരാതിയുമായി ഞാന്‍ ഉപഭോക്തൃഫോറത്തെ സമീപിക്കും. അവശേഷിച്ച രണ്ട് കുപ്പി തെളിവിനായി എന്റെ കയ്യിലുണ്ട്. ലോകേന്ദ്ര പറയുന്നു.
    Published by:Sarath Mohanan
    First published: