• HOME
  • »
  • NEWS
  • »
  • crime
  • »
  • കെഎസ്ആര്‍‌ടിസി സ്റ്റേഷന്‍മാസ്റ്റര്‍ പീഡിപ്പിക്കാന്‍ ശ്രമിച്ചു; പരാതിയുമായി സഹപ്രവർത്തക

കെഎസ്ആര്‍‌ടിസി സ്റ്റേഷന്‍മാസ്റ്റര്‍ പീഡിപ്പിക്കാന്‍ ശ്രമിച്ചു; പരാതിയുമായി സഹപ്രവർത്തക

പൊലീസ് അന്വേഷണം തുടങ്ങിയതോടെ വേണുഗോപാലൻ നായർ ഒളിവിൽ ആണ്

  • Last Updated :
  • Share this:
    തിരുവനന്തപുരം: നെടുമങ്ങാട് കെഎസ്ആര്‍‌ടിസി സ്റ്റേഷൻ മാസ്റ്റർക്ക് എതിരെ സഹപ്രവർത്തകയുടെ പീഡന പരാതി. അഞ്ച് മാസം മുൻപ് സ്റ്റേഷൻ മാസ്റ്ററുടെ മുറിയിൽ വച്ച് അതിക്രമം കാട്ടിയെന്നാണ് ആരോപണം. പരാതിയിൽ അന്വേഷണം തുടങ്ങിയതോടെ സ്റ്റേഷൻ മാസ്റ്റർ ഒളിവിൽ പോയി. കെഎസ്ആര്‍‌ടിസി നെടുമങ്ങാട് സ്റ്റേഷൻ മാസ്റ്റർ മേലാംകോട് സ്വദേശി വേണുഗോപാലൻ നായർക്ക് എതിരെയാണ് സഹപ്രവർത്തകയുടെ പീഡന പരാതി.

    Also Read- കോട്ടയത്തെ ദൃശ്യം മോഡൽ കൊലപാതകത്തിന് പിന്നില്‍ ഭാര്യയുമായി അടുപ്പമുണ്ടെന്ന സംശയമെന്ന് റിമാന്‍ഡ് റിപ്പോര്‍ട്ട്

    ഏപ്രിൽ മാസത്തിൽ ജോലിസ്ഥലത്ത് വച്ച് വച്ച് അപമര്യാദയായി പെരുമാറിയെന്നും കടന്നുപിടിച്ചെന്നുമാണ് പരാതി. സ്റ്റേഷൻ മാസ്റ്ററുടെ മുറിയിൽ വച്ചായിരുന്നു 38 കാരിയായ കീഴ് ജീവനക്കാരിക്ക് നേരെ അതിക്രമം നടന്നത്. കഴിഞ്ഞ ദിവസമാണ് ഭർത്താവിനൊപ്പം നെടുമങ്ങാട് സ്റ്റേഷനിൽ എത്തി ജീവനക്കാരി പരാതി നൽകിയത്.

    Also Read- കമ്പിളി പുതപ്പ് കച്ചവടത്തിന്റെ മറവിൽ വീടുകളിൽ കവർച്ച; ഉത്തരേന്ത്യൻ സംഘാംഗം പൊലീസ് പിടിയിൽ

    സ്ത്രീത്വത്തെ അപമാനിച്ചതിന് സ്റ്റേഷൻ മാസ്റ്റർക്ക് എതിരെ ഐപിസി 354, ഐപിസി 354 എ വകുപ്പുകള്‍ പ്രകാരം എഫ്ഐആര്‍ രജിസ്റ്റർ ചെയ്ത് പൊലീസ് അന്വേഷണം തുടങ്ങി. ഓഫീസിൽ ചെന്ന് നടത്തിയ അന്വേഷണത്തിൽ മറ്റ് വനിതാ ജീവനക്കാർ ഇയാൾക്കെതിരെ മൊഴി നൽകിയിട്ടുണ്ടെന്നാണ് സൂചന. പൊലീസ് അന്വേഷണം തുടങ്ങിയതോടെ വേണുഗോപാലൻ നായർ ഒളിവിൽ ആണ്.
    Published by:Rajesh V
    First published: