വാഹന പരിശോധനയ്ക്കിടെ സൈനികൻ എസ്.ഐയുടെ കൈ അടിച്ചൊടിച്ചു; സംഭവം തിരുവനന്തപുരത്ത്

തിരുവനന്തപുരം: വാഹനപരിശോധനയ്ക്കിടെ പൊലീസ് സബ് ഇൻസ്പെക്ടറുടെ നേരെ സൈനികന്റെ ആക്രമണം. പൂന്തുറ സ്റ്റേഷനിലെ രണ്ട് എസ്‌ഐമാര്‍ക്ക് പരിക്കേറ്റു. ഒരു എസ്‌ഐയുടെ കൈയൊടിഞ്ഞു. സംഭവത്തില്‍ കെല്‍വിന്‍ വില്‍സ് എന്ന സൈനികനെ പോലിസ് അറസ്റ്റുചെയ്തു.

വാഹനപരിശോധനയ്ക്കിടെ വനിതാ പോലിസ് ഉദ്യോഗസ്ഥയോട് ഇയാള്‍ മോശമായി പെരുമാറിയെന്ന് പോലിസ് പറയുന്നു. കസ്റ്റഡിയിലെടുക്കാൻ ശ്രമിക്കുന്നതിനിടെയാണ് സൈനികന്‍ പോലീസിനെ ആക്രമിച്ചത്.

Also Read- ഒമ്പതു വയസുകാരനോട് കൊടുംക്രൂരത; ചട്ടുകവും തേപ്പുപെട്ടിയും വച്ച് പൊള്ളിച്ച സഹോദരീ ഭർത്താവ് അറസ്റ്റിൽ

കഴിഞ്ഞ ദിവസവും തലസ്ഥാനത്ത് പോലിസിന് നേരേ ഗുണ്ടാസംഘങ്ങളുടെ ആക്രമണമുണ്ടായി. വീടാക്രമിച്ച കേസിലെ പ്രതികളെ പിടികൂടുന്നതിനിടെ പോലിസ് വാഹനം ഇടിച്ചുതെറിപ്പിക്കാന്‍ ശ്രമിക്കുകയായിരുന്നു.

Also Read- പ്രസവത്തിനായി എത്തിയപ്പോൾ യുവതി ഗർഭിണിയല്ലെന്ന് ഡോക്ടർമാർ; ആശുപത്രിയിൽ ബഹളം

വിഷ്ണു, ദീപക് എന്ന ഫിറോസ്, ചന്ദ്രബോസ് എന്നിവരെ ഫോര്‍ട്ട് പോലിസ് അറസ്റ്റുചെയ്തു. കമലേശ്വരത്ത് വീടാക്രമിച്ച്‌ മോഷണം നടത്തിയ പ്രതികളെ പിടികൂടാനെത്തിയ പോലിസ് സംഘത്തിന് നേരെയാണ് ആക്രമണമുണ്ടായത്.soldier attacked police officer During the vehicle inspection in Thiruvananthapuram