അങ്കമാലിക്ക് പിന്നാലെ തിരുവാങ്കുളം; ആറ് മാസം പ്രായമായ കുഞ്ഞിന്റെ ദേഹം അച്ഛൻ പൊള്ളിച്ചു

എറണാകുളം: തിരുവാങ്കുളത്ത് ആറ് മാസം പ്രായമുള്ള പെൺകുഞ്ഞിന് നേരെ അച്ഛന്റെ ക്രൂരത. ശിശുക്ഷേമ സമിതിയ്ക്ക് ലഭിച്ച പരാതിയുടെ അടിസ്ഥാനത്തിൽ അച്ഛൻ ആനന്ദിനെ പോലീസ് അറസ്റ്റ് ചെയ്തു. സ്ഥലത്തെ ആശാവർക്കർ നൽകിയ വിവരത്തിന്റെ അടിസ്ഥാനത്തിൽ ശിശുക്ഷേമ സമിതി നടത്തിയ അന്വേഷണത്തിലാണ് കുഞ്ഞിനെ അച്ഛൻ ക്രൂരമായി മർദ്ദിച്ചിരുന്നതായി വ്യക്തമായത്.

കുട്ടിയുടെ ദേഹത്ത് പൊള്ളലേറ്റതിന്റെയും അടിയേറ്റതിന്റെയും പാടുകളുണ്ട്. തൃപ്പൂണിത്തറ ആശുപത്രിയിലെത്തിച്ച് വിശദമായ പരിശോധനകൾ നടത്തിയ ശേഷം ആരോഗ്യ നില തൃപ്തികരമായതിനാൽ കുഞ്ഞിനെ വീട്ടിലേക്ക് തന്നെ മാറ്റി.
TRENDING:ടിക് ടോക്ക് പോയതോടെ ചിങ്കാരിക്ക് പ്രിയമേറുന്നു; ഇതുവരെ ഡൗൺലോഡ് ചെയ്തത് ഒരു കോടിയിലേറെ പേർ [NEWS]ഉത്തർപ്രദേശിൽ റെയ്ഡിനിടെ വെടിവെയ്പ്പ്; എസ്പി അടക്കം എട്ട് പൊലീസുകാർ കൊല്ലപ്പെട്ടു
[NEWS]സാഫല്യം കോംപ്ലക്സിന് പുറമേ പാളയം മാർക്കറ്റും അടച്ചു; തിരുവനന്തപുരത്ത് അതീവ ജാഗ്രത [NEWS]
കഴിഞ്ഞ ദിവസം അച്ഛൻ കുഞ്ഞിനെ  വലിച്ചെറിഞ്ഞതായി അമ്മ പൊലീസിന് മൊഴി നൽകിയിരുന്നു. മദ്യപിച്ച് എത്തുമ്പോഴാണ് മർദ്ദനം. കുഞ്ഞ് ജനിച്ചതിന് പിന്നാലെ ദോഷങ്ങൾ ഉണ്ടായെന്ന അന്ധവിശ്വാസ തുടർന്നാണ് ആനന്ദ് മർദ്ദിച്ചതെന്ന് നാട്ടുകാർ പറയുന്നു. അമ്മയുടെ മൊഴിയുടെ അടിസ്ഥാനത്തിൽ അച്ഛനെ പൊലീസ് കസ്റ്റഡിയിലെടുത്തു.

തിരുവാങ്കുളം ഏറമ്പാകത്തെ ഒറ്റ മുറി വാടക വീട്ടിലാണ് കുടുംബത്തിൻറെ താമസം. ഭക്ഷണം പാകം ചെയ്യുന്നതിനുള്ള സൗകര്യം പോലും മുറിയിലില്ല. കുടുംബത്തിൻറെ സംരക്ഷണവും ഭക്ഷണം അടക്കമുള്ള ക്രമീകരണങ്ങളും ക്ഷേമസമിതി ഏർപ്പെടുത്തുമെന്ന് അധികൃതർ അറിയിച്ചു.

അങ്കമാലിയിലും  സമാനരീതിയിൽ പിഞ്ചുകുഞ്ഞിന് അച്ഛൻറെ ക്രൂരമായ മർദനം ഏറ്റിരുന്നു. രണ്ടുമാസം പ്രായമുള്ള കുഞ്ഞ് കുഞ്ഞ് ആരോഗ്യവതിയായി നാളെ ആശുപത്രി വിടാൻ  തയ്യാറെടുക്കുന്നതിനിടെയാണ് വീണ്ടും ഞെട്ടിക്കുന്ന വാർത്ത.