ഇത്തവണ ഒളിച്ചോടിയത് കുട്ടികളെയും ഭര്‍ത്താവിനെയും ഉപേക്ഷിച്ച്; മൂന്നാം ഒളിച്ചോട്ടത്തിലും യുവതിയെ പിടികൂടി പൊലീസ്

കൊട്ടിയം: കുട്ടികളെയും ഭര്‍ത്താവിനെയും ഉപേക്ഷിച്ച് ഒളിച്ചോടിയ വീട്ടമ്മയെയും കാമുകനെയും പൊലീസ് കണ്ടെത്തി. 29 വയസുള്ള നെടുമ്പന സ്വദേശിയായ യുവതി, മലയിന്‍കീഴ് സ്വദേശിയായ സനല്‍(39) എന്നിവരെ കണ്ണനല്ലൂര്‍ പൊലീസാണ് അറസ്റ്റ് ചെയ്തത്.

യുവതിക്ക് മൂന്നും ആറും വയസ്സുള്ള രണ്ട് പെണ്‍മക്കളുണ്ട്. ഈ കുട്ടികളെയും ഭർത്താവിനെയും ഉപേക്ഷിച്ചാണ് യുവതി സനലിനൊപ്പം ഒളിച്ചോടിയത്. മൂന്നാം തവണയാണ് യുവതി വീട് വിട്ടുപോകുന്നതെന്ന് പൊലീസ് പറയുന്നു. കഴിഞ്ഞവര്‍ഷം ഒരു കുട്ടിയുമായാണ് ഇവര്‍ വീടുവിട്ടത്. പിന്നീട് ചാത്തന്നൂര്‍ പൊലീസ് പിടികൂടി പരവൂര്‍ കോടതിയില്‍ ഹാജരാക്കുകയും വീട്ടുകാര്‍ക്കൊപ്പം വിട്ടയയ്ക്കുകയും ചെയ്തു.

ഈ സംഭവത്തിനു പിന്നാലെ പിന്നീട് കുട്ടിയുമായി കാമുകനൊടൊപ്പം കടന്ന ഇവരെ കണ്ണനല്ലൂര്‍ പൊലീസ് പിടികൂടി കൊട്ടാരക്കര കോടതിയില്‍ ഹാജരാക്കിയിരുന്നു. ഇതിനുപിന്നാലെയാണ് മലയിന്‍കീഴ് സ്വദേശിയായ യുവാവിനൊപ്പം ഒളിച്ചോടിയത്.

Also Read വീട്ടമ്മ 'ഫേസ്ബുക്ക്' കാമുകനൊപ്പം ഒളിച്ചോടി; പണം തീര്‍ന്നപ്പോൾ യുവതിയെ ലോഡ്ജില്‍ പൂട്ടിയിട്ട് കാമുകന്‍