• HOME
  • »
  • NEWS
  • »
  • crime
  • »
  • Robber on CCTV| പുലർച്ചെ പുരപ്പുറത്തൊരു കള്ളൻ; മകൾ കണ്ടത് ഫോണിലൂടെ; മാതാപിതാക്കൾ രക്ഷപെട്ടത് ഇങ്ങനെ

Robber on CCTV| പുലർച്ചെ പുരപ്പുറത്തൊരു കള്ളൻ; മകൾ കണ്ടത് ഫോണിലൂടെ; മാതാപിതാക്കൾ രക്ഷപെട്ടത് ഇങ്ങനെ

പ്രായമായ മാതാപിതാക്കൾ തനിച്ചു താമസിക്കുന്ന വീട്ടിലെ സിസി ടിവി ദൃശ്യങ്ങൾ പാലായിൽ താമസിക്കുന്ന മകൾ സോണിയ മാത്യു തൽസമയം സ്വന്തം ഫോണിൽ കാണുകയായിരുന്നു.

ബോബിൻസ് ജോൺ

ബോബിൻസ് ജോൺ

  • Share this:
    കോട്ടയം: സ്ത്രീകളുടെ നൈറ്റി ധരിച്ച് മുതിർന്ന ദമ്പതികൾ (Elderly Couple) താമസിക്കുന്ന വീട്ടിൽ കവർച്ചയ്ക്കെത്തിയ മോഷ്ടാവിനെ പൊലീസും സംഘവും സമയോചിതമായ ഇടപെടലിലൂടെ പിടികൂടി. സ്റ്റേഷൻ അതിർത്തിപോലും നോക്കാതെയാണ് ഒന്നര കിലോമീറ്റർ പിന്നാലെ ഓടി തലയോലപ്പറമ്പ് എസ് ഐ വി എം ജയ്മോനും സംഘവും മോഷ്ടാവിനെ പിടികൂടിയത്.

    വിമുക്തഭടനായ കീഴൂർ മേച്ചേരിൽ എം എം മാത്യുവിന്റെ (80) വീട്ടിൽ കവർച്ച നടത്താൻ ശ്രമിക്കുന്നതിനിടെയാണ് കീഴൂർ ചിറ്റേട്ട് പുത്തൻപുര ബോബിൻസ് ജോൺ (32) പിടിയിലായത്. വാതിൽ പൊളിക്കാനും പൂട്ടുതുറക്കാനും ഉപയോഗിക്കുന്ന സ്റ്റീൽ കൊണ്ടുള്ള ആയുധവും പൊലീസ് കണ്ടെടുത്തു.

    സംഭവം ഇങ്ങനെ- തലയോലപ്പറമ്പ് സ്റ്റേഷനിലെ പൊലീസ് സംഘം പൊതി മേഴ്സി ആശുപത്രിക്ക് സമീപം പട്രോളിങ് നടത്തുന്നതിനിടെ എസ്ഐ ജയ്മോന് ഫോൺ വന്നു. കീഴൂരിൽ ഒരു വീട്ടിൽ കയറിയ മോഷ്ടാവ് കവർച്ചയ്ക്ക് മുന്നോടിയായി സിസി ടിവി ക്യാമറകൾ തുണികൊണ്ടു മൂടുന്നു എന്നായിരുന്നു സന്ദേശം. പ്രായമായ മാതാപിതാക്കൾ തനിച്ചു താമസിക്കുന്ന വീട്ടിലെ സിസി ടിവി ദൃശ്യങ്ങൾ പാലായിൽ താമസിക്കുന്ന മകൾ സോണിയ മാത്യു തൽസമയം സ്വന്തം ഫോണിൽ കണ്ടതാണ്. ഭയന്നു പോയ മകൾ കീഴൂരിൽ അയൽവാസിയായ പ്രഭാത് കുമാറിനെ വിവരം അറിയിച്ചു. പ്രഭാത് എസ്ഐ ജയ്മോനു വിവരം കൈമാറുകയായിരുന്നു.

    Also Read- Unsolved Murder| വയോധികയെ കൊന്ന കേസിലെ പ്രതിയ്ക്ക് അഞ്ചു വർഷം മുൻപ് നടന്ന ദുരൂഹ മരണത്തിൽ പങ്കെന്ന് സംശയം

    വെള്ളൂർ സ്റ്റേഷൻ പരിധിയിലായിരുന്നു വീടെന്നത് കണക്കാക്കാതെ ജയ്മോനും സീനിയർ സിപിഒ രാജീവും സ്ഥലത്തേക്ക് പാഞ്ഞു. ഒപ്പം വെള്ളൂർ സ്റ്റേഷനിൽ വിവരം അറിയിക്കുകയും ചെയ്തു. വീടിന്റെ ഗേറ്റ് ചാടിക്കടന്ന് പിന്നിലെത്തിയ പൊലീസിനെ കണ്ട് മോഷ്ടാവ് രണ്ടാം നിലയിൽ നിന്നു മുറ്റത്തേക്ക് ചാടിയോടി. സ്ത്രീകളുടെ നൈറ്റിയാണ് ഇയാൾ ധരിച്ചിരുന്നത്.

    Also Read- Police Station Attack| പൊലീസ് വീട്ടിലെത്തിയതിന് പ്രതികാരം; പൊലീസ് സ്റ്റേഷന് നേരേ പെട്രോള്‍ ബോംബെറിഞ്ഞവര്‍ പിടിയില്‍

    അപ്പോഴേക്കും വെള്ളൂർ എസ്ഐ കെസജിയും സിപിഒ പി എസ് ബിബിനും സ്ഥലത്ത് എത്തി. റോഡിലൂടെയും റബർ തോട്ടത്തിലൂടെയും പാടത്തുകൂടിയും ഓടിയ മോഷ്ടാവിനെ പൊലീസ് സംഘം പിന്നാലെ ഓടി കുറ്റിക്കാട്ടിൽനിന്ന് പിടികൂടി വെള്ളൂർ പൊലീസിന് കൈമാറി. പ്രതിയെ കോടതിയിൽ ഹാജരാക്കിയതായി വെള്ളൂർ എസ്എച്ച്ഒ പ്രസാദ് അറിയിച്ചു.
    Published by:Rajesh V
    First published: