• HOME
  • »
  • NEWS
  • »
  • crime
  • »
  • എസ്ബിഐയുടെ വ്യാജ ബ്രാഞ്ച് സെറ്റിട്ടു ; ബാങ്ക് മുൻ ജീവനക്കാരുടെ മകൻ ഉൾപ്പടെ മൂന്നുപേർ അറസ്റ്റിൽ

എസ്ബിഐയുടെ വ്യാജ ബ്രാഞ്ച് സെറ്റിട്ടു ; ബാങ്ക് മുൻ ജീവനക്കാരുടെ മകൻ ഉൾപ്പടെ മൂന്നുപേർ അറസ്റ്റിൽ

ബാങ്ക് ജോലിക്കാരായിരുന്ന മാതാപിതാക്കളുടെ തൊഴിലില്ലാത്ത യുവാവാണ് എസ്ബിഐ വ്യാജ ബ്രാഞ്ചിന്‍റെ സൂത്രധാരൻ

News18

News18

  • Last Updated :
  • Share this:
    ചെന്നൈ: സ്റ്റേറ്റ് ബാങ്ക് ഓഫ് ഇന്ത്യയുടെ (എസ്‌ബി‌ഐ) വ്യാജ ബ്രാഞ്ച് നടത്തിയിരുന്ന മൂന്നു പേരെ തമിഴ്‌നാട് പോലീസ് അറസ്റ്റ് ചെയ്തു.  പിടിയിലായ മൂന്ന് പേരിൽ ഒരാൾ ബാങ്ക് മുൻ ജീവനക്കാരുടെ മകനായ കമൽ ബാബു എന്ന യുവാവാണ്.

    ബാങ്ക് ജോലിക്കാരായിരുന്ന മാതാപിതാക്കളുടെ തൊഴിലില്ലാത്ത യുവാവാണ് എസ്ബിഐ വ്യാജ ബ്രാഞ്ചിന്‍റെ സൂത്രധാരനായ കമൽ ബാബു. ഇയാൾ ഉൾപ്പെടെ മൂന്നുപേരെ പോലീസ് അറസ്റ്റ് ചെയ്തതായി പൻരുതിയിലെ പോലീസ് ഇൻസ്പെക്ടർ അംബേത്കർ പറഞ്ഞു.

    കമൽ ബാബുവിന്‍റെ അച്ഛൻ 10 വർഷം മുമ്പ് മരിച്ചു, അമ്മ രണ്ട് വർഷം മുമ്പ് ബാങ്കിൽ നിന്ന് വിരമിച്ചു.

    എല്ലാ രസീതുകളും ചെലാനുകളും മറ്റ് രേഖകളും അച്ചടിച്ച പ്രിന്റിംഗ് പ്രസ്സ് നടത്തുന്ന ഒരാളും അറസ്റ്റിലായി. ഇതുകൂടാതെ റബ്ബർ സ്റ്റാമ്പുകൾ വ്യാജമായി നിർമ്മിക്കുന്ന ഒരാളും അറസ്റ്റിലായി.

    പാൻരുതിയിൽ ഒരു എസ്‌ബി‌ഐ ഉപഭോക്താവ് ഇത് ശ്രദ്ധയിൽപ്പെട്ടതിനെത്തുടർന്നാണ് മൂന്ന് മാസം പഴക്കമുള്ള ബ്രാഞ്ചിനെക്കുറിച്ച് അന്വേഷണം വന്നത്. താമസിയാതെ, അന്വേഷണം സോണൽ ഓഫീസിലേക്ക് വ്യാപിപ്പിച്ചു, ഇത് എസ്‌ബി‌ഐയുടെ രണ്ട് ശാഖകൾ മാത്രമാണ് പൻ‌രുതിയിൽ പ്രവർത്തിക്കുന്നതെന്നും മൂന്നാമത്തെ ബ്രാഞ്ച് തുറന്നിട്ടില്ലെന്നും എസ്ബിഐ അധികൃതർ അന്വേഷണസംഘത്തോട് വ്യക്തമാക്കി.

    ഇതോടെ എസ്‌ബി‌ഐ ഉദ്യോഗസ്ഥർ സ്ഥലം സന്ദർശിച്ചു (വ്യാജ ബ്രാഞ്ച്), എല്ലാ സംവിധാനങ്ങളും അടിസ്ഥാന സൌകര്യങ്ങളുമുള്ള ഒരു ബാങ്ക് ബ്രാഞ്ച് പോലെയുള്ള മുഴുവൻ സെറ്റും കണ്ടപ്പോൾ അവർ ആശ്ചര്യപ്പെട്ടു. സംഭവത്തിൽ മൂന്നു പേർ അറസ്റ്റിലായതിനെത്തുടർന്ന് എസ്ബിഐ അധികൃതർ ഉടൻ പരാതി നൽകി.
    TRENDING:കുടുക്കിയത് ഫോൺ വിളി; NIA എഫ്.ഐ.ആർ രജിസ്റ്റർ ചെയ്ത് 24 മണിക്കൂറിനുള്ളിൽ സ്വപ്നയും സന്ദീപും പിടിയിലായി [NEWS]അഭിഷേക് ബച്ചനും കോവിഡ് സ്ഥിരീകരിച്ചു [NEWS]അന്യസംസ്ഥാന യുവതിയെ കടന്നുപിടിച്ചു; മലപ്പുറം സ്വദേശി പോലീസ് പിടിയിൽ [NEWS]
    ഇടപാടുകളൊന്നും നടന്നിട്ടില്ലെന്നും അതിനാൽ ആർക്കും പണം നഷ്ടപ്പെട്ടില്ലെന്നും ബാങ്ക് അധികൃതർ സ്ഥിരീകരിച്ചു. കേസിൽ അറസ്റ്റിലായ മൂന്നുപേരെയും കോടതിയിൽ ഹാജരാക്കി റിമാൻഡ് ചെയ്തു. സംഭവത്തിൽ കൂടുതൽ അന്വേഷണം നടക്കുകയാണെന്നും മറ്റാർക്കെങ്കിലും പങ്കുണ്ടോയെന്നും പരിശോധിക്കുന്നുണ്ടെന്നും പൊലീസ് അറിയിച്ചു.
    Published by:Anuraj GR
    First published: