HOME » NEWS » Crime » THREE PEOPLE INCLUDING WOMAN ARRESTED WITH LAKHS OF DRUGS IN KOCHI AR TV

ലക്ഷങ്ങളുടെ മയക്കുമരുന്നുമായി യുവതി ഉൾപ്പടെ മൂന്നുപേർ കൊച്ചിയിൽ അറസ്റ്റിൽ

മയക്കുമരുന്ന് സംഘങ്ങളെ കുടുക്കാൻ യോദ്ധാവ് എന്ന പേരിൽ വാട്സാപ്പ് ഗ്രൂപ്പ്. വാട്ട്സാപ്പ് ഗ്രൂപ്പിൻ്റെ പ്രത്യേകത രഹസ്യവിവരങ്ങൾ അയക്കുന്നയാളുടെ പേരുവിവരം ആർക്കും കണ്ടു പിടിക്കാൻ കഴിയില്ല എന്നതാണ്

News18 Malayalam | news18-malayalam
Updated: January 31, 2021, 4:37 PM IST
ലക്ഷങ്ങളുടെ മയക്കുമരുന്നുമായി യുവതി ഉൾപ്പടെ മൂന്നുപേർ കൊച്ചിയിൽ അറസ്റ്റിൽ
Drug arrest
  • Share this:
കൊച്ചി: ലക്ഷങ്ങളുടെ മയക്കുമരുന്നുകളുമായി കൊച്ചിയിൽ ഒരു യുവതി ഉൾപ്പടെ മൂന്ന് പേർ അറസ്റ്റിലായി. സിറ്റി ഡാൻസാഫും, സെൻട്രൽ പോലീസും ചേർന്ന് എറണാകുളം സൗത്ത് ഭാഗങ്ങളിൽ നടത്തിയ രഹസ്യ പരിശോധനയിൽ ഒരു യുവതിയുൾപ്പെടെ മൂന്നു പേരെ ലക്ഷങ്ങൾ വില വരുന്ന എം.ഡി.എം.എ, ഹാഷിഷ് ഓയിൽ, ഗഞ്ചാവ് മുതലായ മാരക ലഹരിമരുന്നുകളുമായി പിടികൂടി.

കാസർഗോഡ്, വടക്കേപ്പുറം, പടന്ന, നഫീസത്ത് വില്ലയിൽ സമീർ വി.കെ(35), കോതമംഗലം, നെല്ലിമറ്റം, മുളമ്പായിൽ വീട്ടിൽ അജ്മൽ റസാഖ് (32), വൈപ്പിൻ, ഞാറക്കൽ, പെരുമ്പിള്ളി, ചേലാട്ടു വീട്ടിൽ, ആര്യ ചേലാട്ട് (23) എന്നിവരാണ് അറസ്റ്റിലായത്.

ഇവരിൽ നിന്നും ലക്ഷങ്ങൾ വിലമതിക്കുന്ന 46 ഗ്രാം സിന്തറ്റിക് ഡ്രഗ്സായ എം.ഡി.എം.എ യും, 1.280 കിലോഗ്രാം ഹാഷിഷ് ഓയിലും, 340 ഗ്രാം ഗഞ്ചാവും കണ്ടെടുത്തു. കാസർഗോഡുകാരനായ സമീർ വർഷങ്ങളായി മലേഷ്യയിൽ ജോലി ചെയ്തതിന് ശേഷം നാട്ടിൽ തിരിച്ചെത്തി കൊച്ചിയിൽ ഹോട്ടൽ, സ്റ്റേഷനറി കടകൾ  നടത്തുന്നയാളാണ്. ഇതിൻ്റെ മറവിലാണ് ബാംഗ്ലൂരിൽ നിന്നും, ഗോവയിൽ നിന്നും നേരിട്ട് കൊണ്ടുവരുന്ന ലഹരിമരുന്നുകൾ ഇയാൾ വിറ്റഴിക്കുന്നത്.

ഒരുഗ്രാം എം.ഡി.എം. എഅയ്യായിരം മുതൽ ആറായിരം രൂപയും, ഹാഷിഷ് ഓയിൽ 3 മില്ലിഗ്രാമിന് ആയിരം മുതൽ രണ്ടായിരം രൂപ വരെയുമാണ് ഇവർ വില്പന നടത്തുന്നത്.
ഈ പ്രദേശത്ത് വലിയൊരു സൗഹൃദവലയം ഇയാൾക്ക് സഹായത്തിനായുണ്ട്. ക്വട്ടേഷൻ സംഘങ്ങളിലെ ആളുകളും രക്ഷയ്ക്കായി കൂടെയുണ്ട്.

കൊച്ചിൻ പോലീസ് കമ്മീഷണറേറ്റിൻ്റ 'ലഹരി മുക്ത കൊച്ചി'ക്കായി, മഹാനഗരത്തിൽ സജീവമായിക്കൊണ്ടിരിക്കുന്ന മയക്കുമരുന്ന് മാഫിയ സംഘങ്ങളെ പിടികൂടുന്നതിനു വേണ്ടി "യോദ്ധാവ് " എന്ന വാട്ട്സാപ്പ് ഗ്രൂപ്പ് കഴിഞ്ഞ വർഷമാണ്  കൊച്ചിയിൽ രൂപീകരിച്ചത്

ഈ വാട്ട്സാപ്പ് ഗ്രൂപ്പിൻ്റെ പ്രത്യേകത രഹസ്യവിവരങ്ങൾ അയക്കുന്നയാളുടെ വിവരങ്ങൾ ആർക്കും കണ്ടു പിടിക്കാൻ കഴിയില്ല എന്നതാണ്. ഇതുപോലുള്ള മയക്കുമരുന്ന്  സംഘങ്ങളെ കണ്ടാൽ വീഡിയോ ആയോ, ചിത്രങ്ങളായോ, സന്ദേശങ്ങളായൊ അയക്കാവുന്നതാണ്. മയക്കുമരുന്ന് കള്ളക്കടത്തിനും, ദുരുപയോഗത്തിനും എതിരെ ഫലപ്രദമായ നടപടികളാണ് ഇൻസ്പെക്ടർ ജനറലും പോലീസ് കമ്മീഷണറുമായ നാഗരാജു. ഐ.പി.എസിന്റെ നേതൃത്വത്തിൽ നടപ്പാക്കി വരുന്നത്.

ജനുവരിയിൽ കൊച്ചി നഗരത്തിൻ്റെ വിവിധ ഭാഗങ്ങളിൽ നടത്തിയ പരിശോധനയിൽ തൃക്കാക്കര ഭാഗത്ത് നിന്ന് അഞ്ച് ലക്ഷം രൂപ വിലവരുന്ന 45 ഗ്രാം എം.ഡി.എം.എ യുമായി വെണ്ണല, ചക്കരപറമ്പ് ,ഷിഹാബിനെയും, മലപ്പുറം കോട്ടക്കൽ ജുനൈദിനെയും, എളമക്കര ഭാഗത്തു നിന്നും മലപ്പുറം പൊന്നാനി സ്വദേശികളായ അജ്മൽ, അനസ് എന്നിവരെ 10 ഗ്രാം എം.ഡി.എ യുമായും, കളമശ്ശേരിയിൽ അരക്കിലോ ഗ്രാം ഗഞ്ചാവുമായി അങ്കമാലി മാർട്ടിനെയും അടക്കം അഞ്ചു പേരെ പിടികൂടി റിമാൻ്റ് ചെയ്ത് തുടർന്ന് അന്വേഷണം നടത്തി വരുന്നു.

Also Read- അധോലോക നായകന്‍ ദാവൂദ് ഇബ്രാഹിമിന്‍റെ സഹായി ആരിഫ് ഭൂജ്‌വാല പിടിയില്‍; അറസ്റ്റിലായത് മയക്കുമരുന്ന് കേസിൽ

യോദ്ധാവിൽ കമ്മീഷണർക്ക് ലഭിച്ച രഹസ്യവിവരത്തിൽ സൈബർ സെല്ലിൻ്റെ സഹായത്തോടെ ഒരു മാസമായി നടത്തിയ രഹസ്യാന്വേഷണത്തിലാണ് പ്രതികൾ അറസ്റ്റിലായത്.

മയക്കുമരുന്ന് കടത്ത് നിയന്ത്രിക്കുന്നതിനും, ഇല്ലായ്മ ചെയ്യുന്നതിനുമായി 100 ഓളം പോലീസ് ഉദ്യോഗസ്ഥരെയും  കമ്മീഷണറേറ്റിൽ വിന്യസിച്ചിട്ടുണ്ട്.

ഡെപ്യൂട്ടി കമ്മീഷണർ ഐശ്വര്യ ഡോംഗ്രേയുടെ നിർദ്ദേശപ്രകാരം നാർക്കോട്ടിക്ക് അസിസ്റ്റൻ്റ് കമ്മീഷണർ ബിജി ജോർജ്ജ്, സെൻട്രൽ ഇൻസ്പെക്ടർ വിജയ് ശങ്കർ, ഡാൻസാഫ് എസ്.ഐ ജോസഫ് സാജൻ, സെൻട്രൽ എസ്.ഐ തോമസ്, എന്നിവരുടെ നേതൃത്വത്തിൽ ഡാൻസാഫിലെയും, എസ്.ഒ.ജി യിലേയും പോലീസുകാരും ചേർന്നാണ് പ്രതികളെ അറസ്റ്റു ചെയ്തത്. സെൻട്രൽ പോലീസ് സ്റ്റേഷനിൽ എഫ്‌ ഐ‌ ആർ രജിസ്റ്റർ ചെയ്ത് മയക്കുമരുന്ന് വസ്തുക്കളുടെ ഉറവിടം കണ്ടെത്താൻ അന്വേഷണം തുടരുകയാണെന്ന് കമ്മീഷണർ അറിയിച്ചു.

കൊച്ചി സിറ്റിയിൽ മയക്കുമരുന്ന്, ഗഞ്ചാവ് മുതലായ മാരക ലഹരി വസ്തുക്കൾ വില്പന നടത്തുന്നതായി വിവരം ലഭിച്ചാൽ യോദ്ധാവ് വാട്ട്സാപ്പ് 9995966666 എന്ന നമ്പറിലോ, ഡാൻസാഫിൻ്റെ 9497980430 എന്ന നമ്പറിലോ അയക്കുക .അറിയിക്കുന്നവരുടെ പേരുവിവരങ്ങൾ രഹസ്യമായി സൂക്ഷിക്കുന്നതാണെന്ന് കമ്മീഷണർ അറിയിച്ചു.
Published by: Anuraj GR
First published: January 31, 2021, 4:25 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories