ആലപ്പുഴ മാവേലിക്കരയിൽ DYFI-SDPI സംഘർഷം; മൂന്ന് പേർക്ക് പരിക്കേറ്റു
(പ്രതീകാത്മക ചിത്രം)
ഇക്കഴിഞ്ഞ വ്യാഴാഴ്ച രാത്രി തഴക്കര വെട്ടിയാര്‍ കിഴക്ക് ജുമാ മസ്ജിദിൽവെച്ചാണ് സംഭവങ്ങളുടെ തുടക്കം
- News18 Malayalam
- 1-MIN READ
- Last Updated :
- Alappuzha
ആലപ്പുഴ: മങ്കാംകുഴിയില്‍ ഡിവൈഎഫ്‌ഐ, എസ്ഡിപിഐ പ്രവര്‍ത്തകര്‍ തമ്മിലുണ്ടായ സംഘർഷത്തിൽ മൂന്ന് പേര്‍ക്ക് പരിക്കേറ്റു. രണ്ട് എസ്ഡിപിഐ പ്രവര്‍ത്തകരെ പൊലീസ് അറസ്റ്റ് ചെയ്തു. ഡിവൈഎഫ്‌ഐ മാങ്കാംകുഴി മേഖലാ സെക്രട്ടറി വെട്ടിയാര്‍ പാറക്കുളങ്ങര ഷൈജി ഭവനത്തില്‍ ഷഹനാസ് ഷൗക്കത്തലി (35), എസ്ഡിപിഐ പ്രവര്‍ത്തകരായ വെട്ടിയാര്‍ നാലുമുക്ക് ഷഹനാസ് മന്‍സില്‍ ഷഹനാസ് (30), വെട്ടിയാര്‍ മാമ്പ്ര കിഴക്കേതില്‍ ഷെമീര്‍ (29) എന്നിവര്‍ക്കാണു പരിക്കേറ്റത്.
ഡിവൈഎഫ്‌ഐ പ്രവര്‍ത്തകനെ ആക്രമിച്ചതിന് എസ്ഡിപിഐ പ്രവർത്തകരായ ഷഹനാസിനെയും ഷെമീറിനെയും കുറത്തികാട് പൊലീസ് അറസ്റ്റു ചെയ്തു. എസ്ഡിപിഐ പ്രവര്‍ത്തകരെ ആക്രമിച്ചതിനു ഡിവൈഎഫ്‌ഐ പ്രവര്‍ത്തകരായ ഷഹനാസ് ഷൗക്കത്ത് അലി, സലാം, കൊച്ചുമോന്‍ അഫ്‌സല്‍, നൈസാം എന്നിവര്‍ക്കെതിരെ പൊലീസ് കേസെടുത്തു.
ഇക്കഴിഞ്ഞ വ്യാഴാഴ്ച രാത്രി തഴക്കര വെട്ടിയാര്‍ കിഴക്ക് ജുമാ മസ്ജിദിൽവെച്ചാണ് സംഭവങ്ങളുടെ തുടക്കം. നോമ്പു നമസ്‌കാരത്തിനു ശേഷം ഷഹനാസ് ഷൗക്കത്തലി പള്ളി കഴുകി വൃത്തിയാക്കവേ ഷെമീറും ഷഹനാസും പള്ളിയിലെത്തി. വൃത്തിയാക്കിയ വശത്തു കൂടി കയറരുതെന്നു ഷഹനാസ് ഷൗക്കത്തലി പറഞ്ഞതിനെ തുടര്‍ന്നുണ്ടായ തര്‍ക്കമാണ് സംഘര്‍ഷത്തിൽ കലാശിച്ചതെന്ന് പൊലീസ് പറഞ്ഞു.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
