വായിൽ ഒളിപ്പിച്ച് കടത്താൻ ശ്രമിച്ചത് സ്വർണ ചെയിൻ; അടിവസ്ത്രത്തിൽ സ്വർണ നാണയങ്ങള്‍; കരിപ്പൂരിൽ മൂന്നു പേർ അറസ്റ്റിൽ

മലപ്പുറം: കരിപ്പൂരിൽ വീണ്ടും സ്വർണ്ണ വേട്ട. 140 ,145 ഗ്രാം തൂക്കം വരുന്ന സ്വർണ ചെയിനാണ് കസ്റ്റംസ് വിജിലൻസ് പിടിക്കൂടിയത്. വായിൽ ഒളിപ്പിച്ച നിലയിലായിരുന്നു സ്വർണ ചെയിൻ കടത്താൻ ശ്രമിച്ചത്. ദുബൈയിൽ നിന്ന് എത്തിയ അഹമ്മദ് ഷബീർ, നൂറുദ്ദിൻ എന്നിവരാണ് വായ്ക്കകത്ത് ഒളിപ്പിച്ച് സ്വർണ ചെയിനുകൾ കടത്താൻ ശ്രമിച്ചത്.

Also read-ശരീരത്തിനുള്ളില്‍ ഒളിപ്പിച്ച് കടത്താൻ ശ്രമിച്ച 62 ലക്ഷം രൂപയുടെ സ്വർണവുമായി കരിപ്പൂരിൽ യുവാവ് പിടിയിൽ

കൂടാതെ ഷാർജയിൽ നിന്ന് എത്തിയ കാസർകോട് സ്വദേശി ഇബ്രാഹിം മുഹമ്മദ് യാസിറിൽ നിന്ന് 210 ഗ്രാം തൂക്കമുള്ള സ്വർണ നാണയങ്ങൾ പിടിച്ചെടുത്തു. അടിവസ്ത്രത്തിൽ ഒളിപ്പിച്ച നിലയിലായിരുന്നു സ്വർണ നാണയങ്ങൾ.