• HOME
  • »
  • NEWS
  • »
  • crime
  • »
  • കൊച്ചിയില്‍ ബാറിലെ വെടിവയ്പ്പ്; രണ്ടുപേർ പിടിയിൽ, ദൃശ്യങ്ങൾ പുറത്ത്

കൊച്ചിയില്‍ ബാറിലെ വെടിവയ്പ്പ്; രണ്ടുപേർ പിടിയിൽ, ദൃശ്യങ്ങൾ പുറത്ത്

പ്രതികള്‍ക്ക് ക്രിമിനല്‍ പശ്ചാത്തലം ഉണ്ടെന്നാണ് പ്രാഥമിക വിവരം

  • Share this:
കൊച്ചി: കുണ്ടന്നൂരിലെ ബാര്‍ ഹോട്ടലില്‍ വെടിവയ്പ്പ് നടത്തിയ സംഭവത്തില്‍ രണ്ട് പേര്‍ പിടിയില്‍. എഴുപുന്ന നീണ്ടകര സ്വദേശി റോജന്‍, സുഹൃത്ത് അർത്തുങ്കൽ സ്വദേശി ഹെറാള്‍ഡ് എന്നിവരാണ് പിടിയിലായത്. മരട് പൊലീസാണ് ആലപ്പുഴ അർത്തുങ്കലിൽ നിന്ന് ഇവരെ കസ്റ്റഡിയിലെടുത്തത്. കുണ്ടന്നൂരിലെ 'ഓജീസ് കാന്താരി' എന്ന ബാര്‍ ഹോട്ടലില്‍ ബുധനാഴ്ച വൈകുന്നേരത്തോടെയാണ് വെടിവയ്പ്പുണ്ടായത്. എയര്‍ ഗണ്‍ ഉപയോഗിച്ചാണ് വെടിവെച്ചത് എന്നാണ് സൂചന.

Also Read- വിദ്യാർഥിയെ ലൈംഗിക പീഡനത്തിന് ഇരയാക്കിയ മദ്രസ അധ്യാപകൻ അറസ്റ്റിൽ

മദ്യപിച്ചതിന് ശേഷം പുറത്തേക്ക് ഇറങ്ങുന്നതിനിടെയാണ് കൗണ്ടറിലെ ഭിത്തിയിലേക്ക് ഒരാള്‍ വെടിവെച്ചത്. രണ്ട് തവണ നിറയൊഴിച്ചു. പ്രതികളെ പൊലീസ് വിശദമായി ചോദ്യം ചെയ്തുവരികയാണ്. പ്രതികള്‍ക്ക് ക്രിമിനല്‍ പശ്ചാത്തലം ഉണ്ടെന്നാണ് പ്രാഥമിക വിവരം.

Also Read- Bribery | മരം മുറിക്കാൻ പാസിനു വേണ്ടി കാറിലിരുന്ന് കൈക്കൂലി വാങ്ങുന്നതിനിടെ വില്ലേജ് ഓഫീസർ പിടിയിൽ

ഉച്ചയ്ക്ക് മൂന്നരയോടെയാണ് സംഭവം നടന്നതെങ്കിലും ഏഴു മണിയോടെ മാത്രമാണ് ബാര്‍ അധികൃതര്‍ പരാതി നല്‍കിയത്. സംഭവത്തെ തുടര്‍ന്ന് ബാര്‍ പൊലീസ് അടച്ചുപൂട്ടിയിട്ടുണ്ട്. ഹോട്ടലില്‍ ഇന്ന് ഫോറന്‍സിക് വിദഗ്ധരെത്തി പരിശോധന നടത്തും.
Published by:Rajesh V
First published: