• HOME
  • »
  • NEWS
  • »
  • crime
  • »
  • TWO CRIMINALS WHO SNATCHED CHAINS OF FORTY WOMEN OF FOUR DISTRICTS IN TWO WEEKS NABBED

രണ്ടാഴ്ച കൊണ്ട് രണ്ടുപേർ പൊട്ടിച്ചത് നാലുജില്ലകളിലെ നാല്‍പതോളം സ്ത്രീകളുടെ സ്വര്‍ണമാല

കഴിഞ്ഞ എട്ടിന് ആലപ്പുഴ ജില്ലയില്‍ രണ്ട് മണിക്കൂറിനുള്ളില്‍ വനിതാ പൊലീസ് ഉദ്യോഗസ്ഥയുടെ അടക്കം അഞ്ച് സ്ത്രീകളുടെ മാല പൊട്ടിച്ച് രക്ഷപ്പെട്ടിരുന്നു

അറസ്റ്റിലായ പ്രതികള്‍

അറസ്റ്റിലായ പ്രതികള്‍

  • Share this:
    മലപ്പുറം: നാല്‍പതോളം സ്ത്രീകളുടെ മാല പൊട്ടിച്ച് രക്ഷപ്പെട്ട പിടികിട്ടാപ്പുള്ളികള്‍ അറസ്റ്റില്‍. മലപ്പുറം, പാലക്കാട്, തൃശൂര്‍, ആലപ്പുഴ ജില്ലകളിലായാണ് ഇവര്‍ മാല മോഷണം നടത്തിയിരുന്നത്. ഹരിപ്പാട് മണ്ണാറശാലയില്‍ തറയില്‍ ഉണ്ണി(31), കൊല്ലം അഞ്ചാലുംമൂട് പെരുനാട് സ്വദേശി കൊച്ചുഴിയത്ത് പാണയില്‍ വീട്ടില്‍ ശശി(43) എന്നിവരാണ് പിടിയിലായത്. ദേശീയ പാതയിലെ പാലപ്പെട്ടി കാപ്പിരിക്കാട് നടത്തിയ വാഹനപരിശോധനയിലാണ് പ്രതികള്‍ പിടിയിലായത്.

    നിരവധി മോഷണക്കേസുകളില്‍ പ്രതിയായ ഇവര്‍ കഴിഞ്ഞ വര്‍ഷമാണ് ജാമ്യത്തിലിറങ്ങിയത്. കഴിഞ്ഞ എട്ടിന് ആലപ്പുഴ ജില്ലയില്‍ രണ്ട് മണിക്കൂറിനുള്ളില്‍ വനിതാ പൊലീസ് ഉദ്യോഗസ്ഥയുടെ അടക്കം അഞ്ച് സ്ത്രീകളുടെ മാല പൊട്ടിച്ച് രക്ഷപ്പെട്ടിരുന്നു. പ്രതികളെ പിടികൂടുന്നതിനായി മലപ്പുറം ജില്ലാ പൊലീസ് മേധാവിയുടെ നേതൃത്വത്തില്‍ 'സ്‌നാച്ചിങ് കോമറ്റ്' സംഘത്തിന് രൂപം നല്‍കിയിരുന്നു.

    തുടര്‍ന്ന് നടത്തിയ അന്വേഷണത്തിലാണ് മാല പൊട്ടിക്കാന്‍ ഇവര്‍ ഉപയോഗിക്കുന്ന ബൈക്ക് മോഷ്ടിച്ചതാണെന്ന് വ്യക്തമാക്കി. ബൈക്ക് റൈഡിങ്ങില്‍ വിദഗ്ധരായ പ്രതികളെ പിടികൂടുന്നതിനായി ബൈക്ക് റൈഡിങ് വിദഗ്ധരായ യുവാക്കളെ ഉപയോഗിച്ച് നിരീക്ഷണം നടത്തിയിരുന്നു.

    വിവിധ സ്ഥലങ്ങളില്‍ വ്യാജ ആധാര്‍ കാര്‍ഡുണ്ടാക്കിയാണ് താമസിച്ചിരുന്നത്. ഇത്തരത്തില്‍ നിരവധി വ്യാജ തിരിച്ചറിയല്‍ കാര്‍ഡും ഒരു വര്‍ഷത്തിനിടെ നൂറോളം സിം കാര്‍ഡുകളും പ്രതികള്‍ ഉപയോഗിച്ചു. പ്രതികളിലൊരാളായ ഉണ്ണി ആലപ്പുഴ വീയപുരം സ്റ്റേഷനിലെ കൊലപാതക കേസിലെ പ്രതികൂടിയാണ്.

    മോഷ്ടിക്കുന്ന സ്വര്‍ണം വിറ്റു കിട്ടുന്ന പണം ആഡംബര ജീവിതത്തിനാണ് പ്രതികള്‍ ചെലവഴിച്ചിരുന്നതെന്ന് പൊലീസ് പറഞ്ഞു. പെരുമ്പടപ്പ് സിഐ വി എം കേഴ്‌സണിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
    Published by:Jayesh Krishnan
    First published:
    )}