പെൺകുട്ടികളെ പ്രണയിച്ച ശേഷം പീഡനത്തിനിരയാക്കി; രണ്ടു സംഭവങ്ങളിൽ രണ്ടുപേർ അറസ്റ്റിൽ

സമൂഹ മാധ്യമങ്ങൾ വഴി വഴി പരിചയപ്പെട്ട 17 കാരിയുമായി ഇയാൾ പ്രണയത്തിലായി. തുടർന്നാണ് പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ചത്. 

News18 Malayalam | news18-malayalam
Updated: September 30, 2020, 7:04 PM IST
പെൺകുട്ടികളെ പ്രണയിച്ച ശേഷം പീഡനത്തിനിരയാക്കി; രണ്ടു സംഭവങ്ങളിൽ രണ്ടുപേർ അറസ്റ്റിൽ
kannur pocso arrest
  • Share this:
കണ്ണൂർ: പ്രണയിച്ചതിന് ശേഷം പെൺകുട്ടികളെ പീഡനത്തിനിരയാകുന്ന സംഭവങ്ങൾ കണ്ണൂരിൽ വർധിക്കുന്നു. ഇന്ന് വ്യത്യസ്ത സംഭവങ്ങളിലായി രണ്ട് യുവാക്കളെയാണ് പൊലീസ് പോക്സോ വകുപ്പ് പ്രകാരം അറസ്റ്റ് ചെയ്തത്.

മട്ടന്നൂർ പോലീസ് സ്റ്റേഷൻ പരിധിയിൽ രജിസ്റ്റർ ചെയ്ത കേസിൽ അഴിയൂർ രാധാ നിവാസിൽ അമൽജിത്ത് അറസ്റ്റിലായി. സമൂഹ മാധ്യമങ്ങൾ വഴി വഴി പരിചയപ്പെട്ട 17 കാരിയുമായി ഇയാൾ പ്രണയത്തിലായി. തുടർന്നാണ് പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ചത്.

മട്ടന്നൂര്‍ ഇന്‍സ്പെക്ടര്‍ പി ആര്‍ മനോജിന്‍റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. മട്ടന്നൂര്‍ സബ്ബ് ഇന്‍സ്പെക്ടര്‍ സി വിജേഷ്, സിവില്‍ പോലീസ് ഓഫീസര്‍ സിജു എന്നിവരും അന്വേഷണ സംഘത്തിലുണ്ടായിരുന്നു. ഐ പി സി 376 (1) വകുപ്പും പോക്ക്സോ നിയമത്തിലെ 4,6 വകുപ്പുകളും പ്രകാരമാണ് പ്രതിക്കെതിരെ കേസ് രജിസ്റ്റർ ചെയ്തിരിക്കുന്നത്.

പതിനേഴുകാരിയായ മറ്റൊരു പെൺകുട്ടിയെ പീഡിപ്പിച്ച സംഭവത്തിൽ കണ്ണാടിപ്പറമ്പ വാരം റോഡിലെ അഷ്കറി(23)നെയും പോലീസ് പിടികൂടി. പെൺകുട്ടിയെ വിവാഹ വാഗ്ദാനം നൽകിയാണ് ഇയാൾ പീഡിപ്പിച്ചത്. പതിനേഴുകാരി ഗർഭിണിയാണ്.

മയ്യിൽ ഇൻസ്പെക്ടർ ഷാജി പട്ടേരിയുടെ നേതൃത്വത്തിലുള്ള അന്വേഷണ സംഘമാണ് പ്രതിയെ പിടികൂടിയത്. പെൺകുട്ടിയുടെ മൊഴിയുടെ അടിസ്ഥാനത്തിൽ പ്രതിക്കെതിരെ പോക്സോ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്. പതിനേഴുകാരി ആശുപത്രിയിൽ ചികിത്സയിൽ തുടരുകയാണ്.
Published by: Anuraj GR
First published: September 30, 2020, 6:59 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading