• HOME
  • »
  • NEWS
  • »
  • crime
  • »
  • TWO MORE ARRESTED IN KOZHIKKOD MASS RAPE CASE AFTER GIVING DRUGS JK TV

കോഴിക്കോട് കൂട്ടബലാത്സംഗ കേസ്; ഒളിവില്‍ പോയ രണ്ടു പ്രതികളെ വനത്തില്‍ നിന്ന് പിടികൂടി

കൊല്ലം സ്വദേശിനിയായ യുവതിയെ ഫ്ലാറ്റിലെത്തിച്ച് കൂട്ടബലാത്സം ചെയ്ത കേസിൽ രണ്ട് പേർ കൂടി പിടിയിലായി

News 18 Malayalam

News 18 Malayalam

  • Share this:
കോഴിക്കോട്: നവ മാധ്യമം വഴി പരിചയപ്പെട്ട കൊല്ലം സ്വദേശിനിയായ യുവതിയെ ഫ്ലാറ്റിലെത്തിച്ച് കൂട്ടബലാത്സം ചെയ്ത കേസിൽ രണ്ട് പേർ കൂടി പിടിയിലായി. അത്തോളി സ്വദേശികളായ നിജാസ്, ഷുഹൈബ് എന്നിവരാണ് പിടിയിലായത്. സംഭവശേഷം ഒളിവിൽ പോയ പ്രതികളെ തലയാട് വനത്തിൽ വെച്ചാണ് പിടി കൂടിയതെന്ന് കേസ് അന്വേഷിക്കുന്ന എ. സി. പി സുദർശനൻ അറിയിച്ചു.

കൊല്ലം സ്വദേശിയായ 32 കാരിയാണ് കൂട്ടബലാത്സംഗത്തിന് ഇരയായത്. കൂട്ടബലാത്സംഗത്തിന് ഇരയായ യുവതി, പ്രതികളിലൊരാളായ അജ്‌നാസുമായി പരിചയപ്പെട്ടത്  നവമാധ്യമം  വഴിയായിരുന്നു. അത്തോളി സ്വദേശിയായ അജ്നാസുമായി  ആരംഭിച്ച ബന്ധമാണ് യുവതിയെ കോഴിക്കോട്ട് എത്തിച്ചത്. ബുധനാഴ്ച ട്രെയിനിൽ കോഴിക്കോടെത്തിയ യുവതിയെ അജ്നാസും സുഹൃത്തും കാറിലെത്തിയാണ് കൂട്ടിക്കൊണ്ടുപോയത്. ചേവരമ്പലത്തെ ഫ്ലാറ്റിൽ രണ്ട് മുറികൾ അജ്നാസും സുഹൃത്തുക്കളും എടുത്തിരുന്നു. ഇങ്ങോട്ടേക്കാണ് യുവതിയെ കൊണ്ടുപോയത്. ഇവിടെ വച്ച് അജ്നാസാണ് ആദ്യം യുവതിയെ പീഡിപ്പിച്ചത്. ഈ സമയത്ത് സുഹൃത്തുക്കൾ തൊട്ടടുത്ത മുറിയിലായിരുന്നു.

അജ്നാസ് മദ്യവും മയക്കുമരുന്നും നൽകി തന്നെ അർധബോധാവസ്ഥയിലാക്കിയെന്നാണ് യുവതിയുടെ മൊഴി. അജ്നാസിന് പിന്നാലെ മുറിയിലെത്തിയ മൂന്ന് സുഹൃത്തുക്കളും യുവതിയെ പീഡിപ്പിക്കുകയായിരുന്നു. ആദ്യം അജ്‌നാസാണ് ആദ്യം യുവതിയെ ശാരീരികമായി പീഡിപ്പിച്ചത്. തുടർന്ന് അടുത്ത മുറിയിൽ കാത്തിരിക്കുകയായിരുന്ന രണ്ടും, മൂന്നും, നാലും  പ്രതികളെ വിളിച്ച് വരുത്തുകയും മദ്യവും, ലഹരി വസ്തുക്കളും നൽകി യുവതി പീഡിപ്പാക്കുയും ചെയ്തു. ഈ ദൃശ്യങ്ങൾ മൊബൈൽ ഫോണിൽ പകർത്തി.

കൂട്ടബലാത്സംഗത്തിൽ ഗുരുതരമായി പരുക്കേൽക്കുകയും, ശ്വാസ തടസ്സം ഉണ്ടാവുകയും ബോധക്ഷയം സംഭവിക്കുകയും ചെയ്തു. തുടർന്ന് യുവതിയെ നഗരത്തിലെ സ്വകാര്യശുപത്രിയിൽ എത്തിച്ച ശേഷം പ്രതികൾ കടന്നുകളഞ്ഞു. ആശുപത്രി അധികൃതർ പീഡന വിവരം പൊലീസിൽ അറിയിച്ചതിനെ തുടർന്ന് എ. സി. പി യുടെ നേതൃത്വത്തിൽ നടത്തിയ സംഭവത്തിൽ ആദ്യം അജ്നാസിനെയും, ഫഹദിനെയും പിടികൂടിയത്. ഇവർ നൽകിയ മൊഴിയുടെ അടിസ്ഥാനത്തിലാണ് രണ്ട് പ്രതികളെ പിടികൂടിയത്. പ്രതിക്ക് മുൻ കാലത്തും ഇത്തരം കുറ്റകൃത്യങ്ങൾ നടത്തിയിട്ടുണ്ടോയെന്നും പൊലീസ് അന്വേഷിക്കുന്നുണ്ട്.

Also Read-കോഴിക്കോട് കൂട്ടബലാത്സംഗം: യുവതിയെ നാല് പേർ ചേർന്ന് മയക്കുമരുന്ന് നൽകി പീഡിപ്പിച്ചു

ഇന്നലെ പിടിയിലായ അജ്‌നാസിനെയും, എൻ. പി ഫഹദിനെയും കോടതിയിൽ ഹാജരാക്കി. കോടതി ഇവരെ റിമാൻ്റ് ചെയ്തു. ഇവരെ കസ്റ്റഡിയിൽ വിട്ട് കിട്ടുവാൻ പൊലീസ് കോടതിയിൽ അപേക്ഷ നൽകും. കസ്റ്റഡിയിൽ വാങ്ങിയ ശേഷമായിരിക്കും പ്രതികളെ വിശദമായി ചോദ്യം ചെയ്യുക. ഇന്ന് പിടിയിലായ അത്തോളി സ്വദേശികളായ നിജാസ്, സുഹൈബ് എന്നിവരെ ഇന്ന് പീഡനം നടന്ന ഫ്ലാറ്റിൽ എത്തിച്ച് തെളിവെടുക്കും. ഇതിന് ശേഷം വൈകുന്നേരതോടെ ഇരുവരെയും കോടതിയിൽ ഹാജരാക്കും. ഇന്നലെ പിടിയിലായ രണ്ട് പ്രതികളെയും സംഭവ സ്ഥലത്ത് എത്തിച്ച് തെളിവെടുത്തിരുന്നു.

എ. സി. പി സുദർശനന് പുറമെ ഇൻസ്പെക്ടർ പി. ചന്ദ്രമോഹൻ, എസ്. ഐ മാരായ സുനിൽ കുമാർ, ഷാൻ, അഭിജിത്ത്, ഡെൻസാഫ് അംഗങ്ങളായ എ. എസ്. ഐ ഷാഫി, അഖിലേഷ്, ജോമോൻ, ജിനേഷ് എന്നിവരാണ് അന്വേഷണ സംഘത്തിലുള്ളത്
Published by:Jayesh Krishnan
First published:
)}