'യുഎപിഎ ചുമത്തിയത് തിരുത്തും; സര്‍ക്കാര്‍ നിലപാടനുസരിച്ച് പൊലീസ് മാറണം': എം.വി ജയരാജൻ

കണ്ണൂർ: കോഴിക്കോട് രണ്ട് സി.പി.എം അംഗങ്ങളെ യു.എ.പി.എ ചുമത്തി അറസ്റ്റു ചെയ്ത സംഭവത്തിൽ പൊലീസിനെതിരെ കണ്ണൂർ ജില്ലാ സെക്രട്ടറി എം.വി ജയരാജൻ. വിദ്യാര്‍ഥികള്‍ക്കെതിരെ യു.എ.പി.എ ചുമത്തിയ നടപടി തിരുത്തും. യു.എ.പി.എ ചുമത്തിയത് സര്‍ക്കാര്‍ നയമനുസരിച്ചല്ല. സര്‍ക്കാര്‍ നിലപാടനുസരിച്ച് മാറാൻ  പൊലീസ് തയാറാകണമെന്നും മുഖ്യമന്ത്രിയുടെ മുൻ പൊളിറ്റിക്കൽ സെക്രട്ടറി കൂടിയായിരുന്ന ജയരാജന്‍ ആവശ്യപ്പെട്ടു.

വിദ്യാർഥികളുടെ അറസ്റ്റിനെതിരെ സി.പി.എമ്മിൽ പ്രതിഷേധം ശക്തമായതിനു പിന്നാലെ നിഷ്പക്ഷ അന്വേഷണം നടത്തി നടപടിയെടുക്കാൻ സംസ്ഥാന പൊലീസ് മേധാവി നിർദ്ദേശം നൽകി. അതേസമയം അറസ്റ്റിലായവർ വലിയൊരു സംഘത്തിന്റെ ഭാഗമാണെന്ന നിലപാടിലാണ് പൊലീസ്. നഗരം കേന്ദ്രീകരിച്ച് വിവരശേഖരണവും ആശയപ്രചരണവും നടത്തിയിരുന്നത് അറസ്റ്റിലായ വിദ്യാർഥികളായിരുന്നെന്നും പൊലീസ് വ്യക്തമാക്കുന്നു.

Also Read 'നാല്‍പ്പത്തേഴായിരത്തിലേറെ അംഗങ്ങളില്‍ രണ്ട് പേർ മാത്രം'; അറസ്റ്റ് ചെയ്ത പാർട്ടി അംഗങ്ങളെ തള്ളി സിപിഎം

Also Read സിപിഎം അംഗങ്ങൾക്കെതിരേ യുഎപിഎ; നിഷ്പക്ഷ അന്വേഷണത്തിന് ഡി.ജി.പിയുടെ നിർദ്ദേശം