• HOME
  • »
  • NEWS
  • »
  • crime
  • »
  • വീർ സവർക്കർ-ടിപ്പു സുൽത്താൻ പോസ്റ്ററിനെ ചൊല്ലി സംഘർഷം; കർണാടകത്തിലെ ഷിവമോഗയിൽ 20കാരന് കുത്തേറ്റു

വീർ സവർക്കർ-ടിപ്പു സുൽത്താൻ പോസ്റ്ററിനെ ചൊല്ലി സംഘർഷം; കർണാടകത്തിലെ ഷിവമോഗയിൽ 20കാരന് കുത്തേറ്റു

സ്വാതന്ത്ര്യസമരത്തില്‍ പങ്കെടുത്തതിന് മാപ്പപേക്ഷിച്ച സവര്‍ക്കറുടെ ചിത്രം പ്രദര്‍ശിപ്പിക്കരുതെന്ന് ആവശ്യപ്പെട്ട് ഒരു വിഭാഗം രംഗത്തെത്തിയതോടെയാണ് സംഘർഷം ആരംഭിച്ചത്...

  • Last Updated :
  • Share this:
    ബെംഗളൂരു: വീർ സവര്‍ക്കറുടെ പോസ്റ്റർ പതിപ്പിക്കുന്നതിനെച്ചൊല്ലി ഉണ്ടായ തര്‍ക്കം സംഘര്‍ഷത്തില്‍ കലാശിച്ചു. കർണാടകത്തിലെ ഷിമോഗയിലാണ് സംഭവം. സംഘർഷത്തിനിടെ 20കാരന് കുത്തേറ്റു. പ്രേം സിങ് എന്നയാൾക്കാണ് കുത്തേറ്റത്. സംഘര്‍ഷം നിയന്ത്രണാധീതമായതോടെ ജില്ലാ ഭരണകൂടം നിരോധനാജ്ഞ പുറപ്പെടുവിച്ചു. 75-ാം സ്വാതന്ത്ര്യ ദിനാഘോഷത്തിന്റെ ഭാഗമായി ഹിന്ദുത്വ സംഘടനകളാണ് അമീര്‍ അഹമ്മദ് സര്‍ക്കിളില്‍ സവര്‍ക്കറുടെ പോസ്റ്റർ പതിപ്പിച്ചത്. സര്‍ക്കിളിന്റെ പേര് മാറ്റാനുള്ള ശ്രമത്തിന്റെ ഭാഗമായാണ് ചിത്രം സ്ഥാപിച്ചതെന്ന് ഒരു വിഭാഗം പറയുന്നു. സ്വാതന്ത്ര്യസമരത്തില്‍ പങ്കെടുത്തതിന് മാപ്പപേക്ഷിച്ച സവര്‍ക്കറുടെ ചിത്രം പ്രദര്‍ശിപ്പിക്കരുതെന്ന് ഒരു വിഭാഗം ആവശ്യപ്പെട്ടു. ഇതിനെതിരേ ഹിന്ദുത്വ സംഘടനാ പ്രവർത്തകർ രംഗത്തുവന്നത് സംഘര്‍ഷത്തിന് കാരണമായി. തുടര്‍ന്നാണ് ജില്ലാ ഭരണകൂടം 144 പ്രഖ്യാപിച്ചത്.

    സവര്‍ക്കറുടെ ചിത്രത്തിനെതിരേ പ്രതിഷേധിച്ച ഏതാനും മുസ്‌ലിം യുവാക്കളെ ഹിന്ദുത്വസംഘടനാ പ്രവർത്തകർ മര്‍ദ്ദിച്ചിരുന്നു. പ്രതിഷേധക്കാരെ പിരിച്ചുവിടാന്‍ പോലിസ് ലാത്തി വീശി. നിരോധനാജ്ഞക്ക് പുറമെ വ്യാപാരസ്ഥാപനങ്ങള്‍ അടച്ചിടാനും പോലിസ് നിര്‍ദേശിച്ചു. യുവാവിനെ കുത്തിയതുമായി ബന്ധപ്പെട്ട് രണ്ട് പേരെ പൊലീസ് അറസ്റ്റ് ചെയ്തിട്ടുണ്ട്, രണ്ട് പേരെ കൂടി തിരിച്ചറിഞ്ഞിട്ടുണ്ട്, അവരെയും പോലീസ് ഉടൻ പിടികൂടുമെന്നാണ് വിവരം.

    ഓഗസ്റ്റ് 15 ന്, തീവ്ര വലത് ഗ്രൂപ്പുകൾ തിങ്കളാഴ്ച ശിവമോഗയിലെ അമീർ അഹമ്മദ് സർക്കിളിൽ വീർ സവർക്കറുടെ പോസ്റ്റർ പതിച്ചു, ടിപ്പു സുൽത്താന്റെ ഫ്ലെക്‌സ് അവിടെ സ്ഥാപിക്കണമെന്ന് ആവശ്യപ്പെട്ട് മറ്റൊരു സംഘം ഇതിനെ എതിർത്തു. തുടർന്ന് പോസ്റ്റർ നീക്കം ചെയ്യാൻ ശ്രമിച്ചപ്പോൾ ഹിന്ദു അനുകൂല സംഘടനകൾ പ്രതിഷേധവുമായി രംഗത്തെത്തി. സ്ഥിതിഗതികൾ നിയന്ത്രണവിധേയമാക്കാനും ജനക്കൂട്ടത്തെ പിരിച്ചുവിടാനും പോലീസിന് നേരിയ ലാത്തിച്ചാർജ് നടത്തേണ്ടിവന്നു.

    ശിവമോഗയിലെ സംഘർഷത്തെക്കുറിച്ച് മുഖ്യമന്ത്രി ബസവരാജ് ബൊമ്മൈ പ്രതികരിച്ചു, സംഭവത്തിന് ശേഷം പോലീസ് ഇതിനകം നടപടി സ്വീകരിച്ചിട്ടുണ്ടെന്നും പ്രാദേശിക നേതാക്കൾ പോലീസുമായി സഹകരിക്കുന്നുണ്ടെന്നും അദ്ദേഹം പറഞ്ഞു. “ഇത്തരം സംഭവങ്ങൾ ഉണ്ടാകാൻ പാടില്ല. ഇത്തരം കുറ്റകൃത്യങ്ങൾ ചെയ്യുന്നവർക്കെതിരെ കർശന നടപടിയെടുക്കാൻ പൊലീസിന് നിർദേശം നൽകിയിട്ടുണ്ടെന്നും മുഖ്യമന്ത്രി പറഞ്ഞു.

    “അനിഷ്‌ട സംഭവങ്ങളൊന്നും ഉണ്ടാകില്ലെന്ന് ഞങ്ങൾ ഉറപ്പാക്കും. കുറ്റകൃത്യങ്ങളിൽ ഏർപ്പെട്ടാൽ നിയമപ്രകാരം കർശന നടപടി സ്വീകരിക്കുമെന്ന് സാമൂഹിക വിരുദ്ധർക്ക് മുന്നറിയിപ്പ് നൽകുന്നു. ഇത്തരം സംഭവങ്ങൾ ആവർത്തിക്കുന്നത് നാം കാണുന്നുണ്ട്. ഞങ്ങൾ കർശന നടപടിയെടുക്കും."- ക്രമസമാധാന വകുപ്പ് എഡിജിപി അലോക് കുമാർ പറഞ്ഞു.

    സംഭവത്തെ തുടർന്ന് നഗരത്തിലുടനീളമുള്ള ഫ്‌ളക്‌സുകൾ നീക്കം ചെയ്യാൻ ജില്ലാ കളക്ടർ നഗരസഭയോട് ഉത്തരവിട്ടു. നിർദേശപ്രകാരം മുനിസിപ്പൽ കോർപ്പറേഷൻ ശിവമോഗ നഗരത്തിന് ചുറ്റുമുള്ള ഫ്ലെക്സുകൾ നീക്കം ചെയ്തു.

    പ്രതികളുടെ സ്വത്ത് കണ്ടുകെട്ടാൻ പോലീസ് ആലോചിക്കുന്നുണ്ടെന്ന് കർണാടക ക്രമസമാധാന ചുമതലയുള്ള എഡിജിപി പറഞ്ഞു. സംസ്ഥാനത്ത് ഇത്തരം കുറ്റകൃത്യങ്ങൾ ആവർത്തിക്കുന്നത് കണ്ടാണ് നടപടിയെന്ന് പോലീസ് പറഞ്ഞു. "ഗുണ്ടാ ആക്ട് പ്രകാരം പ്രതികൾക്കെതിരെ കേസെടുക്കുന്നതിൽ മാത്രം അധികാരികൾ നടപടി അവസാനിപ്പിക്കില്ല. അത്തരം കുറ്റകൃത്യങ്ങളിൽ ഏർപ്പെട്ടിരിക്കുന്ന പ്രതികളുടെ സ്വത്തുക്കൾ കണ്ടുകെട്ടാൻ ജില്ലാ അധികാരികളോട് ആവശ്യപ്പെടുകയും ചെയ്യുന്നു" എന്ന് മുതിർന്ന പോലീസ് ഓഫീസർ പറഞ്ഞു.
    Published by:Anuraj GR
    First published: