• HOME
  • »
  • NEWS
  • »
  • crime
  • »
  • ഭർത്താവിനെ പട്ടാപ്പകൽ പോലീസ് കസ്റ്റഡിയിൽ നിന്നും നാടകീയമായി ഇറക്കിക്കൊണ്ടുപോയി ഭാര്യ

ഭർത്താവിനെ പട്ടാപ്പകൽ പോലീസ് കസ്റ്റഡിയിൽ നിന്നും നാടകീയമായി ഇറക്കിക്കൊണ്ടുപോയി ഭാര്യ

എട്ടോളം പോലീസ് ഉദ്യോഗസ്ഥർ നോക്കിനിൽക്കേയാണ് യുവതി നാടകീയമായി ഭർത്താവിനെ കൊണ്ടുപോയത്

(പ്രതീകാത്മക ചിത്രം)

(പ്രതീകാത്മക ചിത്രം)

  • Share this:
    12 ലക്ഷം രൂപ തട്ടിയെടുത്ത കേസിൽ കസ്റ്റഡിയിലുള്ള (police custody) ഭർത്താവിനെ പട്ടാപ്പകൽ പൊലീസിന് മുന്നിലൂടെ ഇറക്കിക്കൊണ്ടു പോയി ഭാര്യ. മൊഹാലി, യുടി പോലീസ് സ്റ്റേഷനിലാണ് സംഭവം. മുക്ത്‌സർ സാഹിബിലെ ഹിമാൻഷു കക്രിയയെയാണ് ഭാര്യ സീരത്ത് തന്റെ സ്വിഫ്റ്റ് കാറിൽ കൊണ്ടുപോയത്.

    “കക്രിയ സെക്ടർ 8 മാർക്കറ്റിൽ എത്തിയപ്പോൾ, ആരോ അയാളെ തിരിച്ചറിയുകയും സംഭവസ്ഥലത്തെത്തിയ പരാതിക്കാരനായ വീർ പർതപ്പിനെ അറിയിക്കുകയും അയാൾ മൊഹാലി പോലീസിനെ വിളിക്കുകയും ചെയ്തു. എ.എസ്.ഐ. ബി.എസ്. മന്ദിന്റെ സംഘം സ്ഥലത്തെത്തി. കക്രിയയെ പോലീസ് വാഹനത്തിൽ കയറ്റാൻ പോകുകയായിരുന്നു. അതിനിടെ, ഭാര്യ എത്തി പോലീസിനെ തള്ളിമാറ്റി, ഭർത്താവിനെ വലിച്ചുമാറ്റി രക്ഷപ്പെട്ടു,” പോലീസ് വൃത്തങ്ങൾ പറഞ്ഞു. ഇതുമായി ബന്ധപ്പെട്ട് പോലീസ് ജാഗ്രതാ നിർദ്ദേശം പുറപ്പെടുവിച്ചു. താൻ പോലീസ് വാഹനത്തിൽ പോകില്ലെന്നും സ്വന്തമായി സ്റ്റേഷനിൽ എത്താമെന്നും കക്രിയ പോലീസിനോട് പറഞ്ഞതായി വൃത്തങ്ങൾ അറിയിച്ചു.

    ജനുവരി 18 മുതൽ മൊഹാലി പോലീസ് അന്വേഷിക്കുന്ന കക്രിയ തന്റെ ഫോർച്യൂണറിൽ സെക്ടർ 8 മാർക്കറ്റിലേക്ക് പോയിരുന്നു. ഇയാളുടെ എസ്‌യുവിയിൽ നിന്ന് 9 എംഎം പിസ്റ്റളും രണ്ട് മൊബൈൽ ഫോണുകളും പോലീസ് കണ്ടെടുത്തു.

    ഭർത്താവിനെ പോലീസ് കസ്റ്റഡിയിൽ നിന്ന് കൊണ്ടുപോകുമ്പോൾ എട്ട് പോലീസുകാരെങ്കിലും സ്ഥലത്തുണ്ടായിരുന്നു. സെക്ടർ 3 പോലീസ് സ്റ്റേഷനിൽ കേസ് രജിസ്റ്റർ ചെയ്തു.

    Summary: Dramatic incident played out when a wife managed to whisk away her husband from police custody in broad daylight. The incident occured in a busy market place in Mohali with eight police personnel in attendance. The woman drove off with her husband, who was wanted in a cheating fraud of Rs 12 lakhs
    Published by:user_57
    First published: