• HOME
  • »
  • NEWS
  • »
  • crime
  • »
  • WIFE OF A MALAYALI YOUTH WHO WAS THE VICTIM OF HONOUR KILLING IN SUPREME COURT TO CANCEL BAIL OF HER MOTHER

മലയാളി യുവാവിന്റെ ദുരഭിമാനക്കൊല: അമ്മയുടെ ജാമ്യം റദ്ദാക്കണമെന്ന ആവശ്യവുമായി മകൾ സുപ്രീംകോടതിയില്‍

ജാ​തി മാ​റി വി​വാ​ഹം ചെ​യ്​​ത പ​ത്ത​നം​തി​ട്ട സ്വ​ദേ​ശി അ​മി​ത്​ നാ​യ​രെ വെ​ടിവെ​ച്ചു കൊ​ല​പ്പെ​ടു​ത്തു​ക​യാ​യി​രു​ന്നു. ഭാര്യ മ​മ​തയാണ് തന്റെ അമ്മയുടെ ജാമ്യം റദ്ദാക്കണമെന്ന ആവശ്യവുമായി സുപ്രീംകോടതിയെ സമീപിച്ചിരിക്കുന്നത്.

Supreme Court

Supreme Court

  • Share this:
    ന്യൂ​ഡ​ൽ​ഹി: രാ​ജ​സ്ഥാ​നി​ൽ മ​ല​യാ​ളി​ യുവാവിന്റെ ദു​ര​ഭി​മാ​ന​ക്കൊ​ല കേ​സി​ൽ തന്റെ അമ്മയുടെ ജാ​മ്യം റ​ദ്ദാ​ക്ക​ണ​മെ​ന്ന ആവശ്യവുമായി ഭാര്യ സുപ്രീംകോടതിയിൽ. കൊ​ല്ല​പ്പെ​ട്ട അ​മി​ത് നാ​യ​രു​ടെ ഭാ​ര്യ മ​മ​ത​യാ​ണ് തന്റെ അ​മ്മ​യ്ക്ക്​ രാ​ജ​സ്ഥാ​ൻ ഹൈ​ക്കോ​ട​തി ന​ൽ​കി​യ ജാ​മ്യം ചോ​ദ്യം ചെ​യ്ത് സു​പ്രീം​കോ​ട​തി​യെ സ​മീ​പി​ച്ച​ത്. ജാ​തി മാ​റി വി​വാ​ഹം ചെ​യ്​​ത പ​ത്ത​നം​തി​ട്ട സ്വ​ദേ​ശി അ​മി​ത്​ നാ​യ​രെ വെ​ടിവെ​ച്ചു കൊ​ല​പ്പെ​ടു​ത്തു​ക​യാ​യി​രു​ന്നു. മ​മ​ത​യു​ടെ ഹ​ർജി​യി​ൽ ഇ​വ​രു​ടെ സ​ഹോ​ദ​ര​ൻ മു​കേ​ഷ് ചൗ​ധ​രി​യു​ടെ ജാ​മ്യം ​സു​പ്രീം​കോ​ട​തി നേ​ര​ത്തെ റ​ദ്ദാ​ക്കി​യി​രു​ന്നു.

    മ​മ​ത ഗ​ർ​ഭി​ണി​യാ​യി​രി​ക്കു​മ്പോഴാ​യി​രു​ന്നു ഭ​ർ​ത്താ​വി​നെ​ കൊ​ല​പ്പെ​ടു​ത്തി​യ​ത്. അ​മ്മ​ക്കും കൊ​ല​യി​ൽ പങ്കു​ണ്ടെ​ന്ന്​ മ​മ​ത ബോ​ധി​പ്പി​ച്ചു. ജ​യ്​​പൂ​ർ സ്വ​ദേ​ശി​യാ​യ മു​കേ​ഷ്​ ചൗ​ധ​രി​യു​ടെ സു​ഹൃ​ത്താ​യ അ​മി​ത്​ നാ​യ​ർ അ​ദ്ദേ​ഹ​ത്തി​ന്റെ സ​ഹോ​ദ​രി മ​മ​ത​യെ 2015 ഓഗസ്റ്റി​ലാ​ണ്​ വി​വാ​ഹം ചെ​യ്​​ത​ത്.

    അ​ന്യ​ജാ​തി​ക്കാ​ര​നെ വി​വാ​ഹം​ചെ​യ്​​ത​തി​നെ തു​ട​ർ​ന്ന്​ മ​മ​ത​യു​ടെ അ​മ്മ ഭ​ഗ്​​വാ​നി ദേ​വി​യും പി​താ​വ്​ ജീ​വ​ൻ റാം ​ചൗ​ധ​രി​യും മു​കേ​ഷ്​ ചൗ​ധ​രി​യും ഗൂ​ഢാ​ലോ​ച​ന ന​ട​ത്തി 2017 മേ​യി​ൽ​ കൊ​ല​പ്പെ​ടു​ത്തു​ക​യാ​യി​രു​ന്നു എ​ന്നാ​ണ്​ കേ​സ്. ഇ​ത്​ സാ​ധാ​ര​ണ കേ​സ​ല്ലെ​ന്നും ദു​ര​ഭി​മാ​ന​ക്കൊ​ല​യാ​ണെ​ന്നും മ​മ​ത​ക്കു​വേ​ണ്ടി ഹാ​ജ​രാ​യ അ​ഡ്വ. ഇ​ന്ദി​ര ജ​യ്​​സി​ങ്​ വാ​ദി​ച്ചു.

    Also Read- ലോക്ക്ഡൗണ്‍ ലംഘനത്തിന്റെ പേരിൽ പിഴ ചുമത്തിയത് ചോദ്യം ചെയ്തയാള്‍ മോഷണക്കേസില്‍ അറസ്റ്റില്‍

    2017 മെയ് 17-നാണ് അമിത് നായർ ജയ്പുരിലെ വീട്ടിൽവെച്ച് കൊല്ലപ്പെട്ടത്. ആറുമാസം ഗർഭിണിയായിരുന്ന മമതയുടെ മുന്നിൽവെച്ചായിരുന്നു കൊലപാതകം. വ്യത്യസ്ത ജാതിയിൽപ്പെട്ട അമിതുമായുള്ള ദാമ്പത്യത്തെ മമതയുടെ വീട്ടുകാർ നേരത്തെ തന്നെ എതിർത്തിരുന്നു. സംഭവദിവസം മമതയെ സ്വന്തം വീട്ടിലേക്ക് കൂട്ടിക്കൊണ്ടുപോകാനായി മാതാപിതാക്കളായ ജീവൻ റാം ചൗധരിയും ഭാഗ്വാനി ദേവിയും അമിത്തിന്റെ വീട്ടിലെത്തി. ഇവർ മമതയെ ബലംപ്രയോഗിച്ച് കൊണ്ടുപോകാൻ ശ്രമിക്കുന്നതിനിടെ ഇവർക്കൊപ്പമെത്തിയ വാടകകൊലയാളിയാണ് അമിത്തിനെ വെടിവെച്ച് കൊലപ്പെടുത്തിയത്.

    അമിത്തിന്റെ കൊലപാതകം തന്റെ മാതാപിതാക്കളും സഹോദരനും ചേർന്ന് ആസൂത്രണം ചെയ്തതാണെന്നായിരുന്നു മമതയുടെ പരാതി. ഇവരെ പ്രതികളാക്കി പൊലീസ് എഫ് ഐ ആറും രജിസ്റ്റർ ചെയ്തു. 2020 ഡിസംബറിൽ രാജസ്ഥാൻ ഹൈക്കോടതി മുകേഷിന് ജാമ്യം അനുവദിച്ചു. ഇതോടെയാണ് ഹൈക്കോടതി വിധിയെ ചോദ്യംചെയ്ത് മമത നായർ സുപ്രീംകോടതിയെ സമീപിച്ചത്. ജാമ്യത്തിലിറങ്ങിയ ശേഷം സഹോദരൻ തന്നെ നേരിട്ടും അല്ലാതെയും ഭീഷണിപ്പെടുത്തുന്നതായി മമത ആരോപിച്ചിരുന്നു. ബന്ധുക്കൾ മുഖേനയും പ്രതി ഭീഷണിപ്പെടുത്താൻ ശ്രമിച്ചതായും ഇവർ പറഞ്ഞിരുന്നു. പിന്നാലെ സുപ്രീംകോടതി മുകേഷ് ചൗധരിയുടെ ജാമ്യം റദ്ദാക്കി.

    Also Read- കളി കാര്യമായി; ചുവന്ന മുണ്ട് വീശി ട്രെയിന്‍ നിര്‍ത്തിച്ചു; അഞ്ചു കുട്ടികള്‍ കസ്റ്റഡിയില്‍

    സിവിൽ എൻജിനിയറിങ് ബിരുദധാരിയായ അമിത് നായർ രാജസ്ഥാനിൽ കൺസ്ട്രക്ഷൻ ബിസിനസ് നടത്തിവരികയായിരുന്നു. മമത നിയമബിരുദധാരിയുമാണ്. 2011 ലാണ് മമതയും അമിത്തും വിവാഹിതരായത്. ഈ സമയത്ത് അമിത്തിന്റെ ജാതിസംബന്ധിച്ച് മമതയുടെ മാതാപിതാക്കൾക്ക് അറിവുണ്ടായിരുന്നില്ല. നാലുവർഷങ്ങൾക്ക് ശേഷമാണ് മമത ഇക്കാര്യം മാതാപിതാക്കളോട് വെളിപ്പെടുത്തിയത്. ഇതോടെ മമതയുടെ കുടുംബത്തിന് അമിത്തിനോട് പക തുടങ്ങുകയായിരുന്നു.

    വ്യത്യസ്തജാതിയിൽപ്പെട്ടയാളെ വിവാഹം കഴിച്ചതിനാൽ മകൾക്ക് കുടുംബസ്വത്തിൽ അവകാശമില്ലെന്നും മകളുമായി കൂടുതൽ ബന്ധമില്ലെന്നും മാതാപിതാക്കൾ പ്രഖ്യാപിച്ചു. 2015-ൽ അമിത്തും മമതയും കേരളീയ ആചാരപ്രകാരം വീണ്ടും വിവാഹിതരായി. എന്നാൽ ഇതിനുശേഷവും മമതയുടെ കുടുംബം ദമ്പതിമാരെ ഭീഷണിപ്പെടുത്തുന്നത് തുടരുകയായിരുന്നു. ഒരിക്കൽ മാതാപിതാക്കളുടെ ഭീഷണികാരണം മമത പോലീസിൽ നൽകിയിരുന്നെങ്കിലും ഇവർ ക്ഷമചോദിച്ചതിനാൽ പരാതി പിൻവലിക്കുകയും ചെയ്തു. ഇതിനുപിന്നാലെയാണ് 2017-ൽ അമിത്തിന്റെ കൊലപാതകത്തിൽ കലാശിച്ച സംഭവമുണ്ടായത്.
    Published by:Rajesh V
    First published:
    )}