• HOME
  • »
  • NEWS
  • »
  • crime
  • »
  • ഭാര്യ വീണ്ടും ഒളിച്ചോടി; ഭർത്താവ് കാമുകന്റെ അച്ഛനെ വെട്ടിക്കൊന്നു

ഭാര്യ വീണ്ടും ഒളിച്ചോടി; ഭർത്താവ് കാമുകന്റെ അച്ഛനെ വെട്ടിക്കൊന്നു

കൊല്ലപ്പെട്ട മംഗേറാമിന്റെ മകനും പ്രതിയായ സുനിലിന്റെ ഭാര്യയും ദിവസങ്ങൾക്ക് മുമ്പ് ഒളിച്ചോടിയിരുന്നു

  • Share this:

    ഗാസിയാബാദ്: ഭാര്യ ഒളിച്ചോടിയ പ്രതികാരത്തില്‍ ഭാര്യയുടെ കാമുകന്റെ പിതാവിനെ വെട്ടിക്കൊന്നു യുവാവ്. ഉത്തർപ്രദേശിലെ ഗാസിയാബാദിലാണ് സംഭവം. മംഗേറാ(60)മിനെയാണ് സമീപവാസിയായ സുനില്‍ (27) വെട്ടിക്കൊലപ്പെടുത്തിയത്. കൊല്ലപ്പെട്ട മംഗേറാമിന്റെ മകനും പ്രതിയായ സുനിലിന്റെ ഭാര്യയും ദിവസങ്ങൾക്ക് മുമ്പ് ഒളിച്ചോടിയിരുന്നു.

    Also read- ഫേസ്ബുക്ക് സുഹൃത്ത് ‘വിലകൂടിയ’ സമ്മാനം അയച്ചു; കൈപ്പറ്റാന്‍ യുവതി നല്‍കിയത് 10 ലക്ഷം രൂപ

    ഇതിനു പിന്നാലെയാണ് സുനിൽ മംഗേറാമിനെ കൊലപ്പെടുത്തിയതെന്ന് പോലീസ് പറഞ്ഞു. വെള്ളിയാഴ്ച രാവിലെയാണ് മംഗേറാമിനെ കൊല്ലപ്പെട്ട നിലയില്‍ കണ്ടെത്തിയത്. പുതപ്പിനുള്ളില്‍ ചോരയില്‍ കുളിച്ച് കിടക്കുന്ന നിലയിലായിരുന്നു മൃതദേഹം. പ്രതിയായ സുനിലിനെ വെള്ളിയാഴ്ച വൈകിട്ടോടെയാണ് പോലീസ് കസ്റ്റഡിയിലെടുത്തത്.

    Also read- ഇന്ത്യയിലെ സർക്കാർ മേഖലയെ ലക്ഷ്യമാക്കിയുള്ള സൈബർ ആക്രമണം 2022 പകുതിയോടെ വർദ്ധിച്ചതായി റിപ്പോർട്ട്

    ചോദ്യംചെയ്യലില്‍ ഇയാള്‍ കുറ്റംസമ്മതിച്ചു. പുലർച്ചെ ഒരുമണിയോടെ കോടാലിയുമായെത്തിയാണ് കൃത്യം നടത്തിയതെന്നും പ്രതി മൊഴി നല്കി. സുനിലിന്റെ ഭാര്യയായ 26-കാരിയും മംഗേറാമിന്റെ മകനായ 25-കാരനും ദിവസങ്ങൾക്ക് മുമ്പാണ് നാട്ടിൽ നിന്ന് ഒളിച്ചോടിയത്. ഒരുമാസം മുമ്പും സുനിലിന്റെ ഭാര്യ കാമുകനൊപ്പം നാടുവിട്ടിരുന്നു. എന്നാല്‍ രണ്ടുദിവസങ്ങൾക്ക് ശേഷം തിരിച്ചെത്തിയെന്നും പോലീസ് പറഞ്ഞു.

    Published by:Vishnupriya S
    First published: