• HOME
  • »
  • NEWS
  • »
  • crime
  • »
  • പ്രണയം നടിച്ച് വിവാഹം കഴിച്ച് ഭർത്താവിന്റെ പണവും ആഭരണവുമായി മുങ്ങിയ യുവതി പിടിയിൽ

പ്രണയം നടിച്ച് വിവാഹം കഴിച്ച് ഭർത്താവിന്റെ പണവും ആഭരണവുമായി മുങ്ങിയ യുവതി പിടിയിൽ

32 സിം കാർഡുകളുള്ള അഭിനയ പ്രണയം നടിച്ച് വിവാഹം കഴിച്ച് നേരത്തെ നാലുപേരെ കബളിപ്പിച്ചിട്ടുണ്ടെന്ന് പൊലീസ് പറഞ്ഞു.

  • Share this:

    ചെന്നൈ: പ്രണയം നടിച്ച് വിവാഹം കഴിച്ചശേഷം ഭർത്താവിന്റെ പണവും ആഭരണവുമായി കടന്നുകളഞ്ഞ യുവതി പൊലീസ് പിടിയിൽ. മധുര സ്വദേശി അഭിനയ(28) ആണ് അറസ്റ്റിലായത്. താംബര രംഗനാഥപുരത്തെ നടരാജന്റെ പണവും ആഭരണവുമാണ് കവർന്നത്. 17 പവൻ ആഭരണവും 20,000 രൂപയും പട്ടുസാരികളുമായാണ് അഭിനയ കടന്നു കളഞ്ഞത്.

    ഭക്ഷണവിതരണ സ്ഥാപനത്തിലെ ജോലിക്കാരനായ നടരാജൻ ഏതാനും മാസം മുമ്പാണ് മുടിച്ചൂർ ബേക്കറിയിൽ ജോലിചെയ്യുന്ന അഭിനയയെ പരിചയപ്പെടുന്നത്. ഓഗസ്റ്റിൽ വിവാഹിതരായി. എന്നാൽ ഒക്ടോബർ‌ 19നാണ് അഭിനയയെ കാണാതാവുകയായിരുന്നു. തുടർന്ന് നടരാജൻ പൊലീസില്‍ പരാതി നല്‍കുകയായിരുന്നു.

    Also Read-ബൈക്കിൽ വന്ന് പോത്തിനെ കൊടുക്കുമോ എന്ന് ചോദിച്ച് വീട്ടമ്മയുടെ മാല പൊട്ടിച്ച കൊല്ലം സ്വദേശി കട്ടപ്പനയിൽ അറസ്റ്റിൽ

    പൊലീസ് നടത്തിയ അന്വേഷണത്തിൽ പഴയ മഹാബലിപുരത്തെ ഹോസ്റ്റലിൽ അഭിനയ താമസിക്കുന്നതായി വിവരം ലഭിച്ചു. തുടർന്ന് സ്ഥലത്തെത്തി പൊലീസ് അഭിനയയെ കസ്റ്റഡിയില്‍‌ എടുക്കുകയായിരുന്നു. പ്രണയം നടിച്ച് വിവാഹം കഴിച്ച് അഭിനയ നേരത്തെ നാലുപേരെ ഇതേരീതിയിൽ കബളിപ്പിച്ചിട്ടുണ്ടെന്ന് പൊലീസ് പറഞ്ഞു.

    അഭിനയയ്ക്ക് മധുരയിൽ ഭർത്താവും എട്ടു വയസ്സുള്ള മകനുമുണ്ടെന്ന് അന്വേഷണത്തിൽ കണ്ടെത്തി. 2011ൽ മന്നാർഗുഡി സ്വദേശിയെ വിവാഹം കഴിച്ച അഭിനയ പത്തുദിവസത്തിന് ശേഷം വേർപിരിഞ്ഞു. പിന്നീട് മധുര സ്വദേശിയെ രണ്ടാം വിവാഹം കഴിച്ചു. ഇതിലാണ് എട്ടു വയസ്സുള്ള കുട്ടിയുള്ളത്.

    Also Read-ആദ്യ കുപ്പി തീര്‍ന്നു; രണ്ടാം കുപ്പിയ്ക്ക് തര്‍ക്കം; 2 പേര്‍ക്ക് വെട്ടേറ്റത് ബെവ്കോയിലെ സംഘര്‍ഷത്തിനിടെ

    എന്നാൽ കോളമ്പാക്കത്തുള്ള മറ്റൊരു യുവാവിനെ അഭിനയ വീണ്ടും കല്യാണം കഴിച്ചു. പത്തുദിവസത്തിന് ശേഷം അതും ഉപേക്ഷിച്ചു. തുടർന്നാണ് നടരാജനെ വിവാഹം കഴിച്ചത്. രിചയപ്പെടുന്ന യുവാക്കളെ വിവാഹം കഴിച്ച് പണവും ആഭരണവും തട്ടുകയാണ് അഭിനയയുടെ മുഖ്യ ജോലിയെന്ന് പൊലീസ് പറഞ്ഞു. 32 സിം കാർഡുകളുണ്ട് അഭിനയയ്ക്ക്.

    Published by:Jayesh Krishnan
    First published: