ക്ഷേത്ര ഭാരവാഹികളുമായി വഴി തർക്കം; ശബ്ദ സന്ദേശമയച്ച് വീട്ടമ്മ ജീവനൊടുക്കി

തിരുവനന്തപുരത്ത് വഴി തർക്കത്തെ തുടർന്ന് വീട്ടമ്മ ജീവനൊടുക്കി. ഉള്ളൂരിലാണ് സംഭവം. വഴിയെ സംബന്ധിച്ച് ക്ഷേത്ര ഭാരവാഹികളുമായി തർക്കം നിലനിൽക്കുകയായിരുന്നു. ഉള്ളൂർ സ്വദേശി വിജയകുമാരിയെ തൂങ്ങിയ നിലയിൽ കണ്ടെത്തുകയായിരുന്നു.

Also read: ചിട്ടി പൊട്ടി; ഭർത്താവ് ഉപേക്ഷിച്ചു; പൂജയെന്ന പേരിൽ സ്ത്രീകളെ കൊന്ന് കവർച്ച നടത്തിയ സീരിയൽ കില്ലറായ സ്ത്രീ

കഴിഞ്ഞ ദിവസമായിരുന്നു സംഭവം. ജീവനൊടുക്കുന്നതുമായി ബന്ധപ്പെട്ട് മൊബൈൽ ഫോണിൽ ഓഡിയോ റെക്കോർഡ് ചെയ്തിരുന്നു. പൊലീസിനു വേണ്ടിയായിരുന്നു ഓഡിയോ സന്ദേശം. മൊബൈൽ ഫോണിൽ നിന്ന് ഓഡിയോ സന്ദേശം പോലീസ് വീണ്ടെടുത്തു. വഴിതർക്കം സംബന്ധിച്ച് മെഡിക്കൽ കോളേജ് പോലീസ് അന്വേഷണം ആരംഭിച്ചു.