• HOME
  • »
  • NEWS
  • »
  • crime
  • »
  • ഭർത്താവിന്‍റെ പീഡനം ഫേസ്ബുക്കിൽ വിവരിച്ച വീട്ടമ്മയ്ക്ക് സഹായവുമായി വനിതാകമ്മീഷൻ; കർശനനടപടിയെടുക്കുമെന്ന് ഉറപ്പ്

ഭർത്താവിന്‍റെ പീഡനം ഫേസ്ബുക്കിൽ വിവരിച്ച വീട്ടമ്മയ്ക്ക് സഹായവുമായി വനിതാകമ്മീഷൻ; കർശനനടപടിയെടുക്കുമെന്ന് ഉറപ്പ്

കഴിഞ്ഞ ദിവസം മദ്യപിച്ചെത്തിയ ഭര്‍ത്താവ് കല്ലിനിടിച്ച് തലപൊട്ടിച്ചതായും മൂക്കിലൂടെ രക്തം വന്നതായും വീട്ടമ്മ പരാതിപ്പെട്ടിരുന്നു.

പ്രതീകാത്മക ചിത്രം

പ്രതീകാത്മക ചിത്രം

  • Share this:
കൊച്ചി: ഭര്‍ത്താവിന്റെ പീഡനം എഫ് ബി ലൈവിലൂടെ വിവരിച്ച വീട്ടമ്മയില്‍ നിന്നും വനിതാ കമ്മീഷന്‍ മൊഴിയെടുത്തു. വീട്ടമ്മയ്ക്ക് എല്ലാ നിയമസഹായവും വാഗ്ദ്ധാനം ചെയ്തതായി കമ്മീഷനംഗം അഡ്വ ഷിജി ശിവജി അറിയിച്ചു. പെരുമ്പാവൂര്‍ കുറുംപ്പംപടിയിലെ ഭര്‍ത്തൃവീട്ടിലെ പീഡനത്തെക്കുറിച്ചാണ്
വീട്ടമ്മ എഫ് ബി ലൈവില്‍ വിവരിച്ചത്. തുടര്‍ന്ന് നിയമ സഹായം അഭ്യര്‍ത്ഥിച്ചും വീട്ടമ്മ ലൈവിലെത്തി. പൊലീസ് അന്വേഷണം കാര്യക്ഷമമല്ലെന്നുംവീട്ടമ്മ കുറ്റപ്പെടുത്തിയിരുന്നു. തുടര്‍ന്നാണ് കമ്മീഷനംഗം അഡ്വ ഷിജി ശിവജി നേര്യമംഗലത്തെ വീട്ടിലെത്തി മൊഴിയെടുത്തത്.

പൊലീസിനോട് റിപ്പോര്‍ട്ട് തേടിയതായും എസ് പിയുടെ റിപ്പോര്‍ട്ട്
ലഭിച്ച ശേഷം തുടര്‍ നടപടികള്‍ സ്വീകരിക്കുമെന്നും കമ്മീഷനംഗം അറിയിച്ചു. വീട്ടമ്മയെ ഉപദ്രവിച്ച ഭര്‍ത്തൃവീട്ടുകാര്‍ക്കെതിരെയും കേസെടുക്കണമെന്നും കമ്മീഷനംഗം ആവശ്യപ്പെട്ടു. വീട്ടമ്മയ്ക്ക് എല്ലാ നിയമ സഹായങ്ങള്‍ വാഗ്ദാനം ചെയ്തതായും കമ്മീഷന്‍ അറിയിച്ചു. ഭര്‍ത്താവിന്റെയും വീട്ടുകാരുടെയും നിരന്തരമായ മര്‍ദ്ദനത്തെക്കുറിച്ചായിരുന്നു വീട്ടമ്മയുടെ പരാതി.
TRENDING:Unlock 1.0| ശ​ബ​രി​മ​ല ന​ട ജൂ​ണ്‍ 14 ന് തുറക്കും; ​ഒരേസ​മ​യം 50 പേ​ര്‍​ക്ക് ദ​ര്‍​ശ​നം [NEWS]Dawood Ibrahim | കോവിഡ് ബാധിച്ച് അധോലോക നായകൻ ദാവൂദ് ഇബ്രാഹിം മരിച്ചതായി അഭ്യൂഹം [NEWS]ഇനി പഠിക്കാൻ നമിതക്ക് പുരപ്പുറത്തു കയറേണ്ട; വീട്ടിനുള്ളിൽ 4G സേവനമൊരുക്കി ജിയോ [NEWS]
കഴിഞ്ഞ ദിവസം മദ്യപിച്ചെത്തിയ ഭര്‍ത്താവ് കല്ലിനിടിച്ച് തലപൊട്ടിച്ചതായും മൂക്കിലൂടെ രക്തം വന്നതായും വീട്ടമ്മ പരാതിപ്പെട്ടിരുന്നു. കുറുംപ്പംപടി പൊലീസ് സ്റ്റേഷനിലെത്തി പരാതി നല്‍കിയിട്ടും അന്വേഷണം കാര്യമായി ഉണ്ടായില്ലെന്നുമാണ് പരാതി. എന്നാല്‍ ഭര്‍ത്താവിനെ അറസ്റ്റുചെയ്തതായി പൊലീസ് അറിയിച്ചു. കോടതിയില്‍ ഹാജരാക്കിയ ഇയാള്‍ക്ക് ജാമ്യം ലഭിച്ചു.
First published: