• HOME
  • »
  • NEWS
  • »
  • crime
  • »
  • Murder | മൂന്നാമതും വിവാഹം കഴിച്ച യുവാവിനെ ആദ്യ ഭാര്യയുടെ വീട്ടുകാർ കൊന്നു; അസ്ഥികൂടം കിണറ്റിൽ

Murder | മൂന്നാമതും വിവാഹം കഴിച്ച യുവാവിനെ ആദ്യ ഭാര്യയുടെ വീട്ടുകാർ കൊന്നു; അസ്ഥികൂടം കിണറ്റിൽ

മാര്‍ച്ച്‌ 16 മുതലാണ് ഹൈബുരുവിനെ കാണാതായത്. എന്നാൽ ഇതു സംബന്ധിച്ച് അദ്ദേഹത്തിന്റെ കുടുംബം പൊലീസില്‍ പരാതി നല്‍കിയിരുന്നില്ല. അജ്ഞാതന്‍റെ ഫോൺ സന്ദേശത്തെ തുടർന്ന് പൊലീസ് അന്വേഷണം ആരംഭിക്കുകയായിരുന്നു

Skeleton_Hanging

Skeleton_Hanging

  • Share this:
    റാഞ്ചി: മൂന്നാമതും വിവാഹം കഴിച്ച യുവാവിനെ മുന്‍ ഭാര്യവീട്ടുകാര്‍ കൊലപ്പെടുത്തി. കുറേ കാലമായി കാണാതായ യുവാവിന്‍റെ അസ്ഥികൂടം കിണറ്റിൽനിന്ന് ലഭിച്ചതോടെയാണ് കൊലപാതകത്തിന്‍റെ ചുരുളഴിഞ്ഞത്. ജാര്‍ഖണ്ഡിലെ ഈസ്റ്റ് സിംഗ്ഭും ജില്ലയിലാണ് സംഭവം. ലഡു ഹൈബുരു എന്നയാളുടെ അസ്ഥികൂടമാണ് കണ്ടെത്തിയതെന്ന് ദുമാരിയ പൊലീസ് അറിയിച്ചു.

    മാര്‍ച്ച്‌ 16 മുതലാണ് ഹൈബുരുവിനെ കാണാതായത്. എന്നാൽ ഇതു സംബന്ധിച്ച് അദ്ദേഹത്തിന്റെ കുടുംബം പൊലീസില്‍ പരാതി നല്‍കിയിരുന്നില്ല. അജ്ഞാതന്‍റെ ഫോൺ സന്ദേശത്തെ തുടർന്ന് പൊലീസ് അന്വേഷണം ആരംഭിക്കുകയായിരുന്നു. മൂന്നാം വിവാഹത്തെ ചൊല്ലി മുന്‍വിവാഹത്തിലെ ഭാര്യാസഹോദരനുമായി യുവാവ് വാക്കുതർക്കമുണ്ടായതായി പൊലീസ് കണ്ടെത്തി. ഇതേത്തുടർന്ന് നടത്തിയ അന്വേഷണത്തിലാണ് യുവാവിന്‍റെ മൃതദേഹം കിണറ്റിൽനിന്ന് കണ്ടെത്തിയതെന്ന് സീനിയര്‍ പൊലീസ് സൂപ്രണ്ട് എം. തമിഴ് വണ്ണാന്‍ പറഞ്ഞു.

    തുടക്കത്തില്‍ ലഡു ഹൈബുരുവിന്റെ വീട്ടുകാര്‍ പൊലീസിനോട് മുമ്പ് വഴക്കുണ്ടായ വിവരങ്ങൾ വെളിപ്പെടുത്തിയിരുന്നില്ല. എന്നാൽ അജ്ഞാത സന്ദേശത്തിൽ ഹൈബുരു കൊല്ലപ്പെട്ടെന്ന വിവരമാണ് പൊലീസിന് ലഭിച്ചത്. ഹൈബുരുവിന്റെ വീട്ടില്‍ നിന്ന് ഏകദേശം 10 കിലോമീറ്റര്‍ അകലെ നിന്നാണ് അസ്ഥികൂടം കണ്ടെത്തിയത്. സംഭവത്തെ തുടര്‍ന്ന് ഹൈബുരുവിന്റെ ഭാര്യാസഹോദരനെയും സഹായികളായിരുന്ന മറ്റ് മൂന്ന് പ്രതികളെയും പൊലീസ് അറസ്റ്റ് ചെയ്തിട്ടുണ്ട്. പ്രതികളില്‍ രണ്ട് പേര്‍ പ്രായപൂര്‍ത്തിയാകാത്തവരാണെന്നും അവര്‍ കൂട്ടിച്ചേര്‍ത്തു.

    പെരുമ്പാവൂരില്‍ ആസാം സ്വദേശിനി വെട്ടേറ്റ് മരിച്ച നിലയില്‍; ഭര്‍ത്താവ് ഒളിവില്‍

    പെരുമ്പാവൂര്‍ കണ്ടന്തറയില്‍ ആസാം സ്വദേശിനി വെട്ടേറ്റ് മരിച്ച നിലയില്‍. ഖാലിദ ഖാത്തൂനെ(44) കണ്ടന്തറയിലെ വാടകവീട്ടില്‍ കൊല്ലപ്പെട്ട നിലയില്‍ കണ്ടെത്തിയത്. ഖാലിദ വെട്ടേറ്റ് കിടക്കുന്നത് കണ്ട മകന്‍ നാട്ടുകാരെയും പൊലീസിനെയും വിവരം അറിയിക്കുകയായിരുന്നു. ഇവരുടെ ഭര്‍ത്താവ് ഫക്രുദീന്‍ ഒളിവിലാണ്. ഇയാളാണ് കൊലപാതകത്തിന് പിന്നിലെന്നാണ് പൊലീസിന്റെ സംശയം.

    വെള്ളിയാഴ്ച രാത്രിയാമ് സംഭവം. ഖാലിദ ഫോണ്‍ ചെയ്യുന്നതുമായി ബന്ധപ്പെട്ട് ഇരുവരും തമ്മില്‍ വഴക്കുണ്ടായിരുന്നു. വെള്ളിയാഴ്ച രാത്രിയും ബഹളം കേട്ടിരുന്നതായി സമീപവാസികള്‍ പറഞ്ഞു. മകനെ ഇക്കാര്യം അയല്‍വാസികള്‍ അറിയിച്ചതിനെ തുടര്‍ന്ന് മകന്‍ വീട്ടിലെത്തി പരിശോധിച്ചപ്പോഴാണ് തലയ്ക്ക് വെട്ടേറ്റ് മരിച്ച നിലയില്‍ ഖാലിദയെ കണ്ടെത്തിയത്.

    Also Read-Murder| മദ്യലഹരിയിൽ സുഹൃത്ത് പെട്രോൾ ഒഴിച്ച് തീകൊളുത്തി; ചികിത്സയിലായിരുന്ന കോഴിക്കോട് സ്വദേശി മരിച്ചു

    പ്ലൈവുഡ് ഫാക്ടറി ജീവനക്കാരാണ് ഇവര്‍. പെരുമ്പാവൂര്‍ പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. ഫക്രുദ്ദീനെ കണ്ടെത്തുന്നതിനായി പോലീസ് അന്വേഷണം ആരംഭിച്ചു.
    Published by:Anuraj GR
    First published: