• HOME
  • »
  • NEWS
  • »
  • crime
  • »
  • 'മ' പറഞ്ഞു കളിക്കിടെ ഇടിച്ചതിന്റെ പക 15 വര്‍ഷം; കൊല്ലത്ത് സുഹൃത്തിനെ വീട്ടില്‍ക്കയറി കുത്തിക്കൊന്നതിനു പിന്നിൽ

'മ' പറഞ്ഞു കളിക്കിടെ ഇടിച്ചതിന്റെ പക 15 വര്‍ഷം; കൊല്ലത്ത് സുഹൃത്തിനെ വീട്ടില്‍ക്കയറി കുത്തിക്കൊന്നതിനു പിന്നിൽ

വിവാഹം കഴിഞ്ഞ് കുട്ടികള്‍ ഉണ്ടാകാത്തതിന് കാരണവും 15 വർഷം മുൻപ് കൊല്ലപ്പെട്ട സന്തോഷ് ഇടിച്ചതുകൊണ്ടാണെന്ന് പ്രതി പ്രകാശ് വിശ്വസിച്ചിരുന്നു.

കൊല്ലപ്പെട്ട സന്തോഷ്, അറസ്റ്റിലായ പ്രകാശ്(ഇൻസെറ്റിൽ)

കൊല്ലപ്പെട്ട സന്തോഷ്, അറസ്റ്റിലായ പ്രകാശ്(ഇൻസെറ്റിൽ)

  • Share this:

    കൊല്ലം: സുഹൃത്തിനെ വീട്ടിൽക്കയറി കുത്തിക്കൊലപ്പെടുത്തിയതിന് പിന്നില്‍ 15 വർഷം മുൻപുണ്ടായ പകയെന്ന് കണ്ടെത്തൽ. ഞായറാഴ്ചയാണ് കണ്ണനല്ലൂര്‍ ചേരീക്കോണം സ്വദേശി സന്തോഷി(41)നെ ചന്ദനത്തോപ്പില്‍ വാടകയ്ക്കു താമസിക്കുന്ന പ്രകാശ് കുത്തിക്കൊലപ്പെടുത്തിയത്. അക്രമം തടയാന്‍ ശ്രമിച്ച സന്തോഷിന്റെ ബന്ധുവായ പതിനേഴുകാരനും കുത്തേറ്റിരുന്നു.

    സുഹൃത്തുക്കളായിരിക്കെ ഇരുവരും ‘മ’ അക്ഷരം പറഞ്ഞാല്‍ ഇടിക്കാമെന്ന കളി കളിച്ചു. സംസാരത്തിനിടെ ‘മ’ ഉച്ചരിച്ച തന്നെ സന്തോഷ് നട്ടെല്ലിനിടിച്ചെന്നാണ് പ്രകാശ് പറയുന്നത്. ഇതിന് ശേഷമുണ്ടായ ആരോഗ്യപ്രശ്നങ്ങളെല്ലാം കാരണം ഈ ഇടിയാണെന്ന് പ്രകാശ് കരുതി. വിവാഹം കഴിഞ്ഞ് കുട്ടികള്‍ ഉണ്ടാകാത്തതിനും ഈ ഇടിയാണ് കാരണമെന്ന് പ്രകാശ് വിശ്വസിച്ചു.

    Also Read-കൊല്ലത്ത് യുവാവിനെ വീട്ടിൽ കയറി കുത്തിക്കൊന്നു; അയൽവാസി കസ്റ്റഡിയിൽ

    രണ്ടുവര്‍ഷംമുമ്പ് ഭാര്യ മരിച്ചതിനെ തുടര്‍ന്നുണ്ടായ ഒറ്റപ്പെടലില്‍ ഇയാളുടെ വൈരാഗ്യം ഇരട്ടിച്ചു. ഒരുവര്‍ഷമായി സന്തോഷിനെ കൊലപ്പെടുത്താൻ കത്തി വാങ്ങി അവസരം കാത്തിരിക്കുകയായിരുന്നെന്ന് പൊലീസ് പറഞ്ഞു. ഞായറാഴ്ച രാവിലെ ഇവര്‍ നേരില്‍ക്കണ്ടു സംസാരിച്ചിരുന്നു. വീട്ടില്‍ സന്തോഷ് ഒറ്റയ്ക്കാണെന്ന് മനസ്സിലാക്കി. ഉച്ചമയക്കത്തിലായിരുന്ന സന്തോഷിനെ വീട്ടില്‍ക്കയറി കുത്തി കൊലപ്പെടുത്തുകയായിരുന്നു.

    23 കുത്തുകളാണ് സന്തോഷിന്റെ ദേഹത്തുണ്ടായിരുന്നത്. അതില്‍ മാരകമായ മൂന്നു കുത്തുകളാണ് മരണകാരണമായത്. ആന്തരികാവയവങ്ങള്‍ പുറത്തുവന്ന സന്തോഷിനെ നാട്ടുകാര്‍ ആശുപത്രിയില്‍ എത്തിച്ചങ്കിലും രക്ഷിക്കാനായില്ല. രക്ഷപ്പെടുന്നതിന് മുന്നെ പിടികൂടിയ പ്രതിയെ പൊലീസ് കൊട്ടാരക്കര കോടതിയില്‍ ഹാജരാക്കിയ റിമാന്‍ഡ് ചെയ്തു.

    Published by:Jayesh Krishnan
    First published: