HOME » NEWS » Explained » LEARN ABOUT THE BEST FREE VPN SERVICES OF 2021 GH

Explained: 2021ലെ മികച്ച സൗജന്യ വിപിഎൻ സേവനങ്ങളെക്കുറിച്ച് അറിയാം

ഒരു രൂപ പോലും ചെലവില്ലാതെ ചില വിപിഎന്നുകൾ നിങ്ങൾക്ക് സൌജന്യമായും ഡൌൺലോഡ് ചെയ്യാം. അത്തരത്തിലുള്ള ഏറ്റവും മികച്ച സൌജന്യ VPN സേവനങ്ങൾ ഏതൊക്കെയാണെന്ന് നോക്കാം.

News18 Malayalam | news18-malayalam
Updated: March 3, 2021, 7:07 PM IST
Explained: 2021ലെ മികച്ച സൗജന്യ വിപിഎൻ സേവനങ്ങളെക്കുറിച്ച് അറിയാം
പ്രതീകാത്മക ചിത്രം
  • Share this:
ട്രാക്ക് ചെയ്യപ്പെടുമെന്ന ഭയമില്ലാതെ നിങ്ങൾക്ക് ആവശ്യമുള്ളത് ബ്രൌസ് ചെയ്യാൻ വിപിഎൻ (VPN - Virtual Private Network) നിങ്ങളെ സഹായിക്കുന്നു. ഏറ്റവും മികച്ച സേവനമാണ് നിങ്ങൾ വിപിഎന്നുകളിൽ നിന്ന് പ്രതീക്ഷിക്കുന്നതെങ്കിൽ പണമടച്ചുള്ള വിപിഎന്നുകൾ തന്നെ തിരഞ്ഞെടുക്കുന്നതാണ് നല്ലത്. എന്നാൽ ഒരു രൂപ പോലും ചെലവില്ലാതെ ചില വിപിഎന്നുകൾ നിങ്ങൾക്ക് സൌജന്യമായും ഡൌൺലോഡ് ചെയ്യാം. അത്തരത്തിലുള്ള ഏറ്റവും മികച്ച സൌജന്യ VPN സേവനങ്ങൾ ഏതൊക്കെയാണെന്ന് നോക്കാം.

പ്രോട്ടോൺവിപിഎൻ (Proton VPN Free)

മറ്റ് സൌജന്യ വിപിഎന്നുകളിൽ നിന്ന് പ്രോട്ടോണിനെ വേറിട്ടു നിർത്തുന്നത് പരിധിയില്ലാത്ത ഡാറ്റയാണ്. ഈ വിപിഎൻ ഉപയോഗിക്കുമ്പോൾ നിങ്ങൾ എത്രമാത്രം ഡാറ്റ ഉപയോഗിക്കുന്നുവെന്നതിനെക്കുറിച്ച് ആശങ്കപ്പെടേണ്ടതില്ല. കൂടാതെ, നിങ്ങൾ സൈൻ അപ്പ് ചെയ്യുമ്പോൾ, നിങ്ങളുടെ ക്രെഡിറ്റ് കാർഡ് വിശദാംശങ്ങൾ നൽകാതെ തന്നെ പ്രീമിയം ഉൽപ്പന്നത്തിന്റെ ഏഴ് ദിവസത്തെ ട്രയൽ നിങ്ങൾക്ക് ലഭിക്കും. പ്രോട്ടോൺ വിപിഎന്റെ സൌജന്യ ഓപ്ഷന് എക്സ്ക്ലൂസീവ് റീജിയണൽ നെറ്റ്ഫ്ലിക്സ് ഉള്ളടക്കം ലഭിക്കില്ലെങ്കിലും നെറ്റ്ഫ്ലിക്സ് ഒറിജിനൻസ് കാണാൻ കഴിയും. മാത്രമല്ല യൂട്യൂബും തടസ്സങ്ങളില്ലാതെ കാണാൻ സാധിക്കും.

വിൻഡ്‌സ്ക്രൈബ് (Windscribe)

മികച്ച ഡാറ്റയും സുരക്ഷിതത്വവുമാണ് ഈ വിപിഎന്നിന്റെ പ്രത്യേകത. മികച്ച സ്വകാര്യത വാഗ്ദാനം ചെയ്യുന്ന വിപിഎൻ പ്രതിമാസം 10 GB വരെ സൌജന്യ ഡാറ്റ വാഗ്ദാനം ചെയ്യുന്നുണ്ട്. വിൻഡ്‌സ്ക്രൈബിന്റെ പ്രീമിയം സേവനം വളരെ മികച്ചതാണ്. നിങ്ങൾ സൈൻ അപ്പ് ചെയ്യുമ്പോൾ ഒരു വിവരവും കൈമാറാതെ തന്നെ പ്രതിമാസം 2 ജിബി അല്ലെങ്കിൽ ഒരു ഇമെയിൽ വിലാസം നൽകിയാൽ 10 ജിബി വരെ ഡാറ്റ നിങ്ങൾക്ക് ലഭിക്കും. വിൻഡ്‌സ്ക്രൈബിന്റെ സൌജന്യ വിപിഎൻ വഴി നിങ്ങൾക്ക് നെറ്റ്ഫ്ലിക്സ് ഉപയോഗിക്കാൻ കഴിയും.

ഹോട്ട്സ്പോട്ട് ഷീൽഡ് ഫ്രീ വിപിഎൻ (Hotspot Shield Free VPN)

ഹോട്ട്‌സ്‌പോട്ട് ഷീൽഡിന്റെ പണമടച്ചുള്ള വിപിഎൻ ഏറ്റവും മികച്ച വിപിഎൻ സേവനങ്ങളിൽ ഒന്നാണ്. അതുകൊണ്ട് തന്നെ സൌജന്യ വിപിഎന്നുകളും മികച്ചതാണ്. വേഗതയുള്ള 500 MB പ്രതിദിന ഡാറ്റാ അലവൻസാണ് ഹോട്ട്സ്പോട്ട് ഷീൽഡ് വാഗ്ദാനം ചെയ്യുന്നത്. ഓൺ‌ലൈനിൽ നിങ്ങളുടെ സ്വകാര്യത സംരക്ഷിക്കുന്നതിന് ഇത് തികച്ചും ഉപയോഗപ്രദമാണ്.

ടണൽ ബിയർ ഫ്രീ വിപിഎൻ (TunnelBear Free VPN)

സുരക്ഷാ ഭീമനായ മക്അഫിയുടെ (McAfee) ഉടമസ്ഥതയിലുള്ള വിപിഎൻ ആണ് ടണൽബിയർ. വളരെ ലളിതമായ ഒരു ആപ്ലിക്കേഷനാണിത്. സൈൻ അപ്പ് ചെയ്യുന്നതിന് നിങ്ങൾ‌ക്ക് വളരെയധികം വ്യക്തിഗത വിവരങ്ങൾ‌ നൽ‌കേണ്ടതില്ല. ഒരു ഇ-മെയിൽ‌ വിലാസം മാത്രം നൽകിയാൽ മതി. ഇത് വി‌പി‌എന്റെ സുരക്ഷയിലുള്ള ഉപഭോക്താക്കളുടെ ആത്മവിശ്വാസം വർദ്ധിപ്പിക്കുന്നു.

Also Read- മൊബൈൽ ഫോണുകളിലെ കേമന്മാർ; ലോകത്ത് ഏറ്റവുമധികം വിറ്റഴിക്കപ്പെടുന്ന പത്ത് സ്മാർട്ട്‌ഫോണുകൾ

സ്പീഡിഫൈ (Speedify)

50 രാജ്യങ്ങളിലായി ആയിരത്തിലധികം സെർവറുകളിലുടനീളം മികച്ച കണക്ഷൻ വാഗ്ദാനം ചെയ്യുന്ന ഒരു വിപിഎൻ ആണ് സ്പീഡിഫൈ. പേര് സൂചിപ്പിക്കുന്നത് പോലെ വളരെ വേഗത്തിലുള്ള സേവനമാണ് സ്പീഡിഫൈ വാഗ്ദാനം ചെയ്യുന്നത്. നിങ്ങളുടെ കണക്ഷൻ സമയത്തിലുടനീളം വേഗത പരമാവധി ഉറപ്പാക്കാനായി സോഫ്റ്റ്‌വെയറിന്റെ ടർബോ-ബൂസ്റ്റിംഗ് സാങ്കേതികവിദ്യയ്‌ക്ക് കഴിയും. കൂടാതെ പൂർണ്ണമായും എൻ‌ക്രിപ്റ്റ് ചെയ്ത സുരക്ഷാ സംവിധാനാണ് സ്പീഡിഫൈയുടേത്.
Published by: Anuraj GR
First published: March 3, 2021, 7:07 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories