നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • explained
    • »
    • Zydus Cadila | സൈഡസ് കാഡിലയുടെ കോവിഡ് വാക്സിന് 1900 രൂപ; വില കുറയ്ക്കണമെന്ന് കേന്ദ്രം

    Zydus Cadila | സൈഡസ് കാഡിലയുടെ കോവിഡ് വാക്സിന് 1900 രൂപ; വില കുറയ്ക്കണമെന്ന് കേന്ദ്രം

    സൂചിയില്ലാത്ത സിറിഞ്ച്(ഗണ്ണും ആപ്ലിക്കേറ്ററും) ഉപയോഗിച്ചാണ് സൈഡസ് കാഡില വാക്സിൻ എടുക്കുന്നത്. ഓരോ വ്യക്തിക്കും 6 ഷോട്ടുകൾ: 2 ഷോട്ടുകൾ 3 ഡോസുകൾ വീതമാണ് എടുക്കുന്നത്.

    vaccine

    vaccine

    • Share this:
      രുഞ്ചുൻ ശർമ്മ

      ഗുണനിലവാര പരിശോധനയിൽ വിജയിച്ച സൈഡസ് കാഡിലയുടെ സൈകോവ്-ഡി കോവിഡ് വാക്സിൻ ഒരു ഡോസിന് വില 1900 രൂപ. ഈ നിരക്ക് കുറയ്ക്കണമെന്ന് കേന്ദ്ര സർക്കാർ സൈഡസ് കാഡിലയോട് ആവശ്യപ്പെട്ടിട്ടുണ്ട്. ഹിമാചൽ പ്രദേശിലെ കസൗലിയിലെ സെൻട്രൽ ഡ്രഗ്സ് ലബോറട്ടറിയിൽ സൈഡസ് കാഡിലയുടെ ഏകദേശം 1.5 ലക്ഷം ഡോസ് ZyCoV-D വാക്സിനാണ് ഗുണനിലവാര പരിശോധനയിൽ വിജയിച്ചത്.

      സൈകോവ്-ഡി വാക്സിൻ അതിന്‍റെ നിർമ്മാണ ചെലവ് കാരണമാണ് വിലകൂട്ടേണ്ടി വരുന്നതെന്ന് നിർമ്മാതാക്കൾ വിശദീകരിച്ചു. വാക്സിന് ഒരു ഡോസിന് 1800 മുതൽ 1,900 വരെയാണ് നിർമ്മാതാക്കൾ വില നിശ്ചയിച്ചിരിക്കുന്നത്. എന്നാൽ ഇത്രയും ഉയർന്ന വില അംഗീകരിക്കാനാകില്ലെന്ന നിലപാടിലാണ് കേന്ദ്ര സർക്കാർ. വില കുറയ്ക്കണമെന്ന് സൈഡസ് കാഡിലയോട് സർക്കാർ ആവശ്യപ്പെട്ടു.

      സൈകോവ്-ഡി ഡിഎൻഎ അടിസ്ഥാനമാക്കിയുള്ളതും സിറിഞ്ചും സൂചിയും ഉപയോഗിക്കാത്തതുമായആദ്യത്തെ വാക്സിൻ ആയതിനാൽ, മറ്റ് വാക്സിനുകളുമായി താരതമ്യപ്പെടുത്തുമ്പോൾ അതിന്റെ വില പരിധി കൂടുതലായിരിക്കും. അതേസമയം സൈഡസ് കാഡില വാക്സിന്‍റെ വില കുറയുമെന്ന സൂചനയാണ് സർക്കാർ വൃത്തങ്ങൾ സൂചിപ്പിക്കുന്നത്. അടുത്ത ആഴ്ചയോടെ വിപണിയിൽ എത്തുന്ന വാക്സിന് വില കുറവായിരിക്കുമെന്ന് സർക്കാർ വൃത്തങ്ങൾ സൂചിപ്പിക്കുന്നു.

      അതേസമയം, സിറിഞ്ച് രഹിതമായതിനാൽ സൈഡസ് കാഡില വാക്സിൻ കുത്തിവയ്പ്പിനായി പ്രത്യേക ആപ്ലിക്കേറ്റർ ഉപയോഗിക്കുന്നതിന് ആരോഗ്യ പ്രവർത്തകർക്ക് നിർമ്മാതാക്കൾ പരിശീലനം നൽകുന്നത് ആരംഭിച്ചിട്ടുണ്ട്. ഈ ആപ്ലിക്കേറ്ററിന് ഏകദേശം 35000 രൂപയാണ് വില. ഇതുകൊണ്ട് കൂടിയാണ് വാക്സിന് വില കൂടുന്നതെന്ന് നിർമ്മാതാക്കൾ അറിയിച്ചു.

      കുട്ടികൾക്കുള്ള വാക്സിൻ

      ZyCov-D- യുടെ ആദ്യ ഒരു കോടി ഡോസുകൾ ഒക്ടോബർ ആദ്യം ലഭ്യമാകാൻ സാധ്യതയുണ്ട്. 12-18 വയസ്സിനിടയിലുള്ള കുട്ടികൾക്ക് ഇന്ത്യയിൽ ആദ്യമായി ഈ വാക്സിൻ നൽകും. നാഷണൽ ടെക്നിക്കൽ അഡ്വൈസറി ഗ്രൂപ്പ് ഓൺ ഇമ്മ്യൂണൈസേഷൻ അനുസരിച്ച്, കോവിഡ് വർക്കിംഗ് ഗ്രൂപ്പ് കുട്ടികൾക്കായി കുത്തിവയ്പ്പുകൾ ആരംഭിക്കുന്നതിനോട് അനുകൂലമാണെന്നും കൗമാരക്കാരിൽ കോമോർബിഡിറ്റികളുടെയും ഗുണഭോക്താക്കളുടെ മുൻഗണനയുടെയും വിശദാംശങ്ങൾ ഉടൻ പുറത്തുവിടുമെന്നും സർക്കാർ വൃത്തങ്ങൾ അറിയിച്ചു.

      ഓരോ വ്യക്തിക്കും 6 ഷോട്ടുകൾ: 2 ഷോട്ടുകൾ 3 ഡോസുകൾ

      സൈകോവ്-ഡി വാക്സിൻറെ മൂന്ന് ഡോസുകൾ ഒന്നാമത്തെയും ഇരുപത്തിയെട്ടാമത്തെയും അമ്പത്തിയാറാമത്തെയും ദിവസങ്ങളിലാണ് നൽകുന്നത്. മൂന്ന് ഡോസുകളിൽ ഓരോന്നും ഓരോ കൈയിലും വലത്തും ഇടത്തും രണ്ട് ഷോട്ടുകളായി നൽകും; ഒരു വ്യക്തിക്ക് ZyCov-D പൂർണ്ണമായി പ്രതിരോധ കുത്തിവയ്പ്പ് ലഭിക്കണമെങ്കിൽ ഒരാൾക്ക് ആറ് കുത്തിവയ്പ്പുകൾ എടുക്കണം.

      കോവിഷീൽഡ്, കോവാക്സിൻ തുടങ്ങിയ പരമ്പരാഗത വാക്സിനുകളിൽ നിന്ന് വ്യത്യസ്തമായി, 0.5 മില്ലി വലുപ്പമുള്ള സിറിഞ്ചുകൾ ഉപയോഗിച്ച്, സൈകോവ് ഡി ഒരു സൂചി രഹിത സംവിധാനത്തിലാണ് വരുന്നത്.

      ഒരു ആപ്ലിക്കേറ്ററോ ജെറ്റ് ഇൻജക്ടറോ ഉപയോഗിച്ചാണ് ഈ വാക്സിൻ കുത്തിവെക്കുന്നത്. ദ്രാവക രൂപത്തിലുള്ള മരുന്ന് കൈയിലെ പേശിയിലെ ഒരു ഇടുങ്ങിയ ഭാഗത്തേക്ക് അമർത്തുന്നു, അത് പിന്നീട് ചർമ്മത്തിലേക്ക് ആഗിരണം ചെയ്യപ്പെടുകയാണ് ചെയ്യുന്നത്. കുത്തിവെയ്പ്പിന്‍റെ ഫലപ്രാപ്തി 66% ആണെന്ന് കണ്ടെത്തിയിട്ടുണ്ട്, എന്നാൽ മറ്റ് പ്രതിരോധ കുത്തിവയ്പ്പുകളിൽ നിന്ന് വ്യത്യസ്തമായി, സൈകോവ്-ഡി- യുടെ പൂർണ്ണമായ ഫലപ്രാപ്തിയിൽ പ്രവർത്തിക്കാൻ മൂന്ന് ഡോസുകൾ ആവശ്യമാണ്.

      കുത്തിവെക്കുന്ന ആപ്ലിക്കേറ്റർ

      സൂചി രഹിത ഇൻജക്ടറിന് രണ്ട് ഘടകങ്ങളുണ്ട്, ഒരു ആപ്ലിക്കേറ്ററും ഒരു ഗണ്ണും. ഗണ്ണിന് 30,000 രൂപയും ആപ്ലിക്കേറ്ററിന് 90 രൂപയുമാണ് വില.

      ഓരോ ഗണ്ണും 20,000 ഡോസുകൾ നൽകാൻ ഉപയോഗിക്കും. ഇതിനർത്ഥം ഓരോ വാക്സിൻ ഡോസിലും രണ്ട് ഷോട്ടുകൾ അടങ്ങിയിരിക്കുന്നതിനാൽ ഒരു ഗൺ 10,000 പേർക്ക് ഉപയോഗിക്കാൻ കഴിയും എന്നാണ്. ഗണ്ണിന് ആപ്ലിക്കേറ്ററും വീണ്ടും ഉപയോഗിക്കാം.

      പരമ്പരാഗത വാക്സിൻ എടുക്കാൻ ഉപയോഗിക്കുന്ന, പുനരുപയോഗിക്കാനാവാത്ത സിറിഞ്ചിന്റെ വില 2 രൂപ മുതൽ 3.5 രൂപ വരെയാണ്. സൈഡസ് കാഡില വാക്‌സിനിന്റെ കാര്യത്തിൽ, ചെലവ് ന്യായമായി നിലനിൽക്കുന്ന രീതിയിൽ വിതരണം ചെയ്യണം. ഇതാണ് വിലനിർണ്ണയ ചർച്ചകൾ നീണ്ടുപോകാൻ കാരണം, ”ഒരു മുതിർന്ന സർക്കാർ ഉദ്യോഗസ്ഥൻ CNN-News18നോട് പറഞ്ഞു. സൈഡസ് കാഡില വാക്സിൻ രാജ്യവ്യാപകമായി കുത്തിവയ്പ്പ് ഡ്രൈവിൽ ഉടൻ അവതരിപ്പിക്കാനാകുമെന്നാണ് സർക്കാർ കരുതുന്നത്.
      Published by:Anuraj GR
      First published:
      )}