നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • film
    • »
    • IFFI Goa | ഗോവ ചലച്ചിത്രമേളയ്ക്ക് നവംബറിൽ തിരിതെളിയും; ഇക്കുറി ഒ.ടി.ടി. പ്ലാറ്റ്‌ഫോമുകളും രംഗത്ത്

    IFFI Goa | ഗോവ ചലച്ചിത്രമേളയ്ക്ക് നവംബറിൽ തിരിതെളിയും; ഇക്കുറി ഒ.ടി.ടി. പ്ലാറ്റ്‌ഫോമുകളും രംഗത്ത്

    IFFI

    IFFI

    • Share this:
      പ്രേക്ഷകരുടെ കാഴ്ചശീലങ്ങളിലെ മാറ്റം അംഗീകരിച്ച്, ഗോവയിൽ നടക്കാനിരിക്കുന്ന 52-ാമത് ഇന്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ (IFFI) അഞ്ച് പ്രധാന സ്ട്രീമിംഗ് പ്ലാറ്റ്‌ഫോമുകളായ നെറ്ഫ്ലിക്സ്, ആമസോൺ പ്രൈം, സീ5, വൂട്ട്, സോണി ലിവ് എന്നിവയ്ക്കും ഇടം നൽകും.

      ചലച്ചിത്രമേള 2021 നവംബർ 20 മുതൽ 28 വരെ ഗോവയിൽ നടത്താനാണ് പദ്ധതിയിട്ടിരിക്കുന്നത്.

      ലോകത്തിലെ ഏറ്റവും സ്വാധീനമുള്ള സംവിധായകരിൽ ഒരാളായ അമേരിക്കൻ ചലച്ചിത്ര നിർമ്മാതാവ് മാർട്ടിൻ സ്‌കോർസെസിയും നിരൂപക പ്രശംസ നേടിയ ഹംഗേറിയൻ സംവിധായകൻ ഇസ്റ്റ്‌വാൻ സാബോയും ഫെസ്റ്റിവലിൽ സത്യജിത് റേ ലൈഫ് ടൈം അച്ചീവ്‌മെന്റ് അവാർഡ് നൽകി ആദരിക്കും.

      അവാർഡ് സ്വീകരിക്കാൻ രണ്ട് സംവിധായകരേയും ക്ഷണിച്ചിട്ടുണ്ടെന്നും എന്നാൽ ഇതുവരെ അവരിൽ നിന്ന് ഒരു സ്ഥിരീകരണവും ലഭിച്ചിട്ടില്ലെന്നും വാർത്താവിതരണ പ്രക്ഷേപണ മന്ത്രാലയത്തിന്റെ വക്താവ് അറിയിച്ചു.

      മൊത്തം 22 വിദേശ അതിഥികൾ പങ്കെടുക്കുമെന്ന് സ്ഥിരീകരിച്ചു. ആദ്യമായാണ് ഒടിടി (ഓവർ ദി ടോപ്പ്) പ്ലാറ്റ്ഫോമുകൾ ഐഎഫ്എഫ്ഐയിൽ പങ്കെടുക്കുന്നത്.

      “പാൻഡെമിക് സമയത്ത് സിനിമാ തിയേറ്ററുകൾ അടച്ചുപൂട്ടിയപ്പോൾ, സിനിമാ പ്രവർത്തകർ OTT പ്ലാറ്റ്‌ഫോമുകളിലേക്ക് മാറി. ഈ മാറ്റം ഉൾക്കൊള്ളാനും ശരിയായ ദിശയിൽ ചുവടുവെക്കാനും ഞങ്ങൾ തീരുമാനിച്ചു. പ്രത്യേകിച്ച് ഒടിടി പ്ലാറ്റ്ഫോമുകൾക്കായി നിർമ്മിച്ച സിനിമകൾ ഫെസ്റ്റിവലിൽ പ്രദർശിപ്പിക്കും, ”വാർത്താവിതരണ പ്രക്ഷേപണ മന്ത്രി അനുരാഗ് ഠാക്കൂർ പറഞ്ഞു.



      OTT 'തൊഴിലവസരങ്ങളിൽ മുൻനിരയിലുള്ള മേഖലയായി' ഉയർന്നുവരികയാണെന്ന് ഠാക്കൂർ പറഞ്ഞു. ഒടിടി പ്ലാറ്റ്ഫോമുകൾ നേരിടുന്ന ഏത് വെല്ലുവിളികളെയും നേരിടാൻ സർക്കാർ തയ്യാറാണെന്ന് അദ്ദേഹം പറഞ്ഞു. “ഇന്ത്യ കഥകളുടെ നാടാണ്; നമ്മുടെ കഥകൾ ലോകത്തിന്റെ ഭാവനയെ സ്വാധീനിച്ചിട്ടുണ്ട്. ഇന്ത്യയുടെ വൈവിധ്യമാർന്ന കഥകൾ നമ്മെ 'കഥകളുടെ ഉപഭൂഖണ്ഡം' ആക്കുന്നു," അദ്ദേഹം അഭിപ്രായപ്പെട്ടു.

      'ദി കിംഗ് ഓഫ് ഓൾ ദി വേൾഡ്' എന്ന സ്പാനിഷ് സിനിമയാണ് ഉദ്ഘാടന ചിത്രം. ബിഗ് സ്ക്രീനിൽ സാങ്കൽപ്പിക ബ്രിട്ടീഷ് രഹസ്യ ഏജന്റ് ജെയിംസ് ബോണ്ടിനെ അവതരിപ്പിച്ച ആദ്യ നടൻ ഷോൺ കോണറിക്ക് ഫെസ്റ്റിവൽ പ്രത്യേക സ്മരണാഞ്ജലി അർപ്പിക്കും.

      ബ്രിക്‌സ് ഫിലിം ഫെസ്റ്റിവൽ ഐഎഫ്‌എഫ്‌ഐയ്‌ക്കൊപ്പം പ്രദർശിപ്പിക്കുമെന്നും ഠാക്കൂർ പ്രഖ്യാപിച്ചു.

      ഫെസ്റ്റിവൽ കാലിഡോസ്കോപ്പ്, വേൾഡ് പനോരമ വിഭാഗങ്ങളിൽ 30 ഓളം സിനിമകൾ പ്രദർശിപ്പിക്കുന്നതിന് ഷോർട്ട് ലിസ്റ്റ് ചെയ്തിട്ടുണ്ട്.

      ഇറാനിയൻ ചലച്ചിത്ര നിർമ്മാതാവ് രക്‌ഷൻ ബനീതെമാദാണ് അന്താരാഷ്ട്ര മത്സര വിഭാഗത്തിലേക്കുള്ള ജൂറി അധ്യക്ഷൻ. മേളയുടെ ചരിത്രത്തിലാദ്യമായി 75 യുവ ചലച്ചിത്ര പ്രവർത്തകർക്ക് വിദഗ്ധരിൽ നിന്ന് മാസ്റ്റർക്ലാസ് ലഭിക്കും.

      Summary: The 52nd edition of International Film Festival of India (IFFI) is scheduled to be held in Goa from November 20 to 28. This time around five OTT key players, Netflix, Amazon Prime, Zee5, Voot and SonyLIV, will be featured 
      Published by:user_57
      First published:
      )}