നടിയെ ആക്രമിച്ച കേസ്: പാസ്പോർട്ട് വിട്ട് നൽകണമെന്ന് ദിലീപിന്റെ അപേക്ഷ

നടിയെ ആക്രമിച്ച കേസിൽ ജാമ്യത്തിൽ കഴിയുന്ന നടൻ ദിലീപ് പാസ്പോട്ട് വിട്ട് നൽകണമെന്നാവശ്യപ്പെട്ട് വിചാരണക്കോടതിയിൽ അപേക്ഷ നൽകി. ജാക്ക് & ഡാനിയേൽ സിനിമയുടെ പ്രമോഷനായി വിദേശത്ത് പോകാൻ പാസ്പോർട്ട് നൽകണമെന്നാണ് ആവശ്യം. ജാമ്യ വ്യവസ്ഥയുടെ ഭാഗമായാണ് ദിലീപിന്റെ പാസ്പോർട്ട് കോടതിയിൽ സമർപ്പിച്ചിരിക്കുന്നത്. ദിലീപിന്റെ ആവശ്യത്തെ പ്രോസിക്യൂഷൻ കോടതിയിൽ എതിർത്തു. നേരത്തെ സമാന ആവശ്യത്തിൽ കോടതി ഇളവ് അനുവദിച്ചിരുന്നു.