നടൻ ജയസൂര്യയ്ക്ക് ഷൂട്ടിംഗിനിടെ പരിക്ക്

കൊച്ചി: നടന്‍ ജയസൂര്യയ്ക്ക് ഷൂട്ടിംഗിനിടെ പരിക്കേറ്റു. ആക്ഷൻ രംഗം ചിത്രീകരിക്കുന്നതിനിടെ തലയ്ക്ക് പരിക്കേറ്റ ജയസൂര്യയെ കൊച്ചിയിലെ സ്വകാര്യആശുപത്രിയില്‍ പ്രവേശിപ്പിച്ചു. വിജയ് ബാബു നിർമിക്കുന്ന തൃശൂര്‍പൂരം എന്ന സിനിമയുടെ എറണാകുളത്തെ ലൊക്കേഷനില്‍ വച്ചാണ് പരിക്കേറ്റത്. ആക്ഷന്‍ രംഗം ചിത്രീകരിക്കുന്നതിനിടെ ജയസൂര്യ തെറിച്ചുവീഴുകയായിരുന്നു.

Also Read- Brother's Day movie review: ഈ ക്രൈം ത്രില്ലർ പൊളിച്ചു ബ്രോ!

മുൻപ് മുൻ ഇന്ത്യൻ ഫുട്ബോൾ നായകൻ വി പി സത്യന്റെ ജീവിതകഥ പറഞ്ഞ ക്യാപ്റ്റൻ സിനിമയുടെ ചിത്രീകരണത്തിനിടെയും ജയസൂര്യക്ക് പരിക്കേറ്റിരുന്നു. അന്ന്  ഫുട്ബോൾ മത്സരം ചിത്രീകരിക്കുന്നതിനിടെ വലതുകാലിന് പരിക്കേൽക്കുകയായിരുന്നു.