• HOME
  • »
  • NEWS
  • »
  • film
  • »
  • നടിയെ അക്രമിച്ച കേസിൽ സത്യത്തിനൊപ്പമാണ് എക്കാലവും നിന്നത്; കുഞ്ചാക്കോ ബോബൻ

നടിയെ അക്രമിച്ച കേസിൽ സത്യത്തിനൊപ്പമാണ് എക്കാലവും നിന്നത്; കുഞ്ചാക്കോ ബോബൻ

സത്യം എന്തായാലും പുറത്ത് വരുക തന്നെ ചെയ്യുമെന്നും അതിന് വേണ്ടിയാണ് കാത്തിരിക്കുന്നതെന്നും കുഞ്ചാക്കോ ബോബൻ

  • Last Updated :
  • Share this:
    നടിയെ ആക്രമിച്ച കേസിൽ എല്ലാ കാലത്തും സത്യത്തിനൊപ്പമാണ് നിന്നതെന്ന് കുഞ്ചാക്കോ ബോബൻ. . ന്നാ താൻ പോയി കേസ് കൊട് എന്ന സിനിമയുമായി ബന്ധപ്പെട്ട് തിരുവനന്തപുരം പ്രസ് ക്ലബ് സംഘടിപ്പിച്ച മീറ്റ് ദി പ്രസ് പരിപാടിയിലായിരുന്നു നടന്‍റെ പ്രതികരണം. അതിജീവിതയ്ക്ക് ഒപ്പം എന്നതിനേക്കാൾ, എല്ലാക്കാലത്തും സത്യത്തിന് ഒപ്പം നിൽക്കുക എന്നതായിരുന്നു താൻ സ്വീകരിച്ച നിലപാടെന്ന് കുഞ്ചാക്കോ ബോബൻ വ്യക്തമാക്കി.

    സത്യം ആരുടെ കൂടെയാണോ അവർ വിജയിക്കുമെന്നും താരം കൂട്ടിച്ചേർത്തു. സത്യം എന്തായാലും പുറത്ത് വരുക തന്നെ ചെയ്യുമെന്നും അതിന് വേണ്ടിയാണ് കാത്തിരിക്കുന്നതെന്നും കുഞ്ചാക്കോ ബോബൻ പറഞ്ഞു.

    Also Read-Actress Assault Case | നടിയെ ആക്രമിച്ച കേസ്: ജഡ്ജിയെ മാറ്റണമെന്ന അതിജീവിതയുടെ ആവശ്യം ഹൈക്കോടതി തള്ളി

    എസ്.ടി.കെ. ഫ്രെയിംസിൻ്റെ ബാനറിൽ നിർമ്മാതാവ്‌ സന്തോഷ് ടി. കുരുവിള നിർമ്മാണവും, കുഞ്ചാക്കോ ബോബൻ പ്രൊഡക്ഷൻസ്, ഉദയ പിക്ചേഴ്സ് എന്നീ ബാനറുകളുടെ കീഴിൽ കുഞ്ചാക്കോ ബോബൻ സഹനിർമ്മാണം നിർവ്വഹിക്കുന്ന 'ന്നാ താൻ കേസ് കൊട്' ഹാസ്യപശ്ചാത്തലത്തിലാണ് അവതരിപ്പിക്കുന്നത്.

    ആൻഡ്രോയ്ഡ് കുഞ്ഞപ്പൻ' എന്ന ജനപ്രിയ ചിത്രത്തിൻ്റെ സംവിധായകൻ രതീഷ് ബാലകൃഷ്ണൻ പൊതുവാളാണ്‌ ചിത്രത്തിന്റെ രചനയും സംവിധാനവും നിർവഹിക്കുന്നത്. ഷെറിൻ റേച്ചൽ സന്തോഷ് ആണ് ചിത്രത്തിൻ്റെ മറ്റൊരു സഹ നിർമ്മാതാവ്.

    Also Read-Nna Thaan Case Kodu | ദേവദൂതർ പാടി... ഒരു കോടി നേടി; ചാക്കോച്ചന്റെ ഡാൻസ് സൂപ്പർ ഹിറ്റ്

    കുഞ്ചാക്കോ ബോബനാണ് ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത്. സൂപ്പർ ഡീലക്സ്, വിക്രം എന്നീ ചിത്രങ്ങളിലൂടെ‌ പ്രശസ്തയായ തമിഴ് നടി ഗായത്രി ശങ്കർ അഭിനയിക്കുന്ന അദ്യ മലയാള ചലച്ചിത്രം കൂടിയാണ്‌ ഇത്. ബേസിൽ ജോസഫ്, ഉണ്ണിമായ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.
    Published by:Jayesh Krishnan
    First published: