• HOME
  • »
  • NEWS
  • »
  • film
  • »
  • Thankam Movie| വരില്ല... വരില്ല നീ; 'തങ്കം' നാളെ എത്തും; തിയേറ്ററിലേക്ക് സ്വാഗതം ചെയ്ത് വിനീത് ശ്രീനിവാസൻ

Thankam Movie| വരില്ല... വരില്ല നീ; 'തങ്കം' നാളെ എത്തും; തിയേറ്ററിലേക്ക് സ്വാഗതം ചെയ്ത് വിനീത് ശ്രീനിവാസൻ

ചിത്രം കാണുന്നതിനായി പ്രേക്ഷകരെ നടൻ വിനീത് ശ്രീനിവാസൻ സ്വാഗതം ചെയ്യുന്ന വീഡിയോ സോഷ്യൽ മീഡിയയിൽ ഭാവന സ്റ്റുഡിയോസ് പങ്കുവെച്ചു

  • Share this:

    കൊച്ചി: വിനീത് ശ്രീനിവാസൻ ബിജുമേനോൻ എന്നിവരെ നായകരാക്കി ഭാവന സ്റ്റുഡിയോസിന്റെ ബാനറിൽ സഹിൻ അരഫാത്ത് സംവിധാനം ചെയ്യുന്ന തങ്കം നാളെ തിയേറ്ററുകളിലേക്ക്. ചിത്രം കാണുന്നതിനായി പ്രേക്ഷകരെ നടൻ വിനീത് ശ്രീനിവാസൻ സ്വാഗതം ചെയ്യുന്ന വീഡിയോ സോഷ്യൽ മീഡിയയിൽ ഭാവന സ്റ്റുഡിയോസ് പങ്കുവെച്ചു.

    വിനീതിന്റെ ഹിറ്റ് ആൽബമായ കോഫി അറ്റ് എം ജി റോഡിലെ വരില്ല… വരില്ല നീ എന്ന സംഭാഷണത്തോടെയാണ് വീഡിയോ അവസാനിക്കുന്നത്. ജോജിക്കു ശേഷം ശ്യാം പുഷ്‌കരന്‍ തിരക്കഥയൊരുക്കുന്ന ചിത്രത്തില്‍ ബിജു മേനോന്‍ വിനീത് ശ്രീനിവാസന്‍, അപര്‍ണ്ണ ബാലമുരളി ഗിരീഷ് കുല്‍ക്കര്‍ണി എന്നിവരാണ് പ്രധാന വേഷങ്ങളില്‍ എത്തുന്നത്.

    വിനീത് തട്ടില്‍, ശ്രീകാന്ത് മുരളി, കൊച്ചു പ്രേമന്‍ തുടങ്ങിയവരും നിരവധി മറാത്തി, ഹിന്ദി, തമിഴ് അഭിനേതാക്കളും പ്രധാനകഥാപാത്രങ്ങളാവുന്നുണ്ട്.

    ദംഗല്‍, അഗ്ലി തുടങ്ങിയ ശ്രദ്ധേയങ്ങളായ ബോളിവുഡ് ചിത്രങ്ങളിലൂടെ മലയാളി പ്രേക്ഷകര്‍ക്കും സുപരിചിതനായ മറാത്തി നടനും തിരക്കഥാകൃത്തുമായ ഗിരീഷ് കുല്‍ക്കര്‍ണി ആദ്യമായി മലയാളം സിനിമയിലേക്ക് എത്തുന്നുവെന്ന പ്രത്യേകതയും ചിത്രത്തിനുണ്ട്.

    Also Read- Pathaan | ഷാരൂഖ് ഖാന്‍ തകര്‍ത്തു; പത്താന് ഗംഭീര റിപ്പോര്‍ട്ട് ; ആദ്യം ഷോ കണ്ടത് ന്യൂസിലാന്‍ഡിലെ പ്രേക്ഷകര്‍

    ഗൗതം ശങ്കറാണ് ചിത്രത്തിന്റെ ക്യാമറ നിര്‍വ്വഹിച്ചിരിക്കുന്നത്. ബിജി ബാലാണ് സംഗീതം, എഡിറ്റിങ് കിരണ്‍ ദാസും കലാ സംവിധാനം ഗോകുല്‍ ദാസും നിര്‍വ്വഹിച്ച ചിത്രത്തില്‍ സൗണ്ട് ഡിസൈന്‍ ഗണേഷ് മാരാരും മേക്കപ്പ് റോണക്‌സ് സേവ്യറുമാണ്.

    ആക്ഷന്‍ സുപ്രീം സുന്ദര്‍, ജോളി ബാസ്റ്റിന്‍, കോസ്‌റ്യൂം ഡിസൈന്‍ മഷര്‍ ഹംസ, പ്രൊഡക്ഷന്‍ കണ്‍ട്രോളര്‍ ബിനു മണമ്പൂര്‍, സൗണ്ട് മിക്‌സിങ് തപസ് നായിക്ക്, കോ പ്രൊഡ്യൂസേഴ്സ് രാജന്‍ തോമസ് ഉണ്ണിമായ പ്രസാദ്, വി.എഫ്.എക്‌സ് – എഗ് വൈറ്റ് വി.എഫ്.എക്‌സ്, ഡി.ഐ – കളര്‍ പ്ലാനറ്റ് സ്റ്റുഡിയോസ്, എക്‌സിക്യൂട്ടീവ് പ്രൊഡ്യൂസേഴ്സ് ബെന്നി കട്ടപ്പന ജോസ് വിജയ്, കോ ഡയറക്ടര്‍ പ്രിനീഷ് പ്രഭാകരന്‍. പി.ആര്‍.ഒ ആതിര ദില്‍ജിത്ത്. ഭാവന റിലീസാണ് ചിത്രം തിയേറ്ററുകളില്‍ എത്തിക്കുന്നത്.

    Published by:Rajesh V
    First published: