നടിയെ അക്രമിച്ച കേസ്: കൂടുതൽ ഡിജിറ്റൽ തെളിവുകൾ വേണമെന്ന ദിലീപിന്റെ ആവശ്യം കോടതി തള്ളി

നടിയെ ആക്രമിച്ച കേസിൽ കൂടുതൽ ഡിജിറ്റൽ തെളിവുകളുടെ പകർപ്പ് നൽകണമെന്ന ദിലീപിന്റെ ആവശ്യം കോടതി അനുവദിച്ചില്ല. ആവശ്യമെങ്കിൽ ദൃശ്യങ്ങൾ വിദഗ്ധനെക്കൊണ്ട് പരിശോധിപ്പിക്കാമെന്നും കോടതി പറഞ്ഞു.

ദൃശ്യങ്ങളുടെ പകർപ്പ് ദിലീപിന് നൽകാനാവില്ല എന്ന് നേരത്തെ തന്നെ വിധി വന്നിരുന്നു. എന്നാൽ കേസിന്റെ ഭാഗമായി അവ കാണാൻ അനുവാദമുണ്ട്.

കേസിൽ ജാമ്യത്തിലിറങ്ങി ഒളിവിൽ പോയ പ്രതിയെ പിടികൂടി കോടതിയിൽ ഹാജരാക്കി. ഒമ്പതാം പ്രതി സനിൽകുമാറിനെയാണ് ഹാജരാക്കിയത്. റിമാന്റിലുള്ള മറ്റ് പ്രതികളേയും കോടതിയിൽ ഹാജ് രാക്കി. മാർട്ടിൻ വിജേഷ്, പ്രദീപ് എന്നിവരുടെ ജാമ്യാപേക്ഷ കോടതി തള്ളി.