നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • film
    • »
    • Kurup Releasing Date| ദുൽഖറിന്റെ 'കുറുപ്പ്' ഉടൻ; തരംഗമായി ടീസർ

    Kurup Releasing Date| ദുൽഖറിന്റെ 'കുറുപ്പ്' ഉടൻ; തരംഗമായി ടീസർ

    സിനിമാ പ്രേമികളിൽ ആവേശം നിറച്ച് എത്തിയ ടീസറിൽ അമ്പരപ്പിക്കുന്ന മാറ്റത്തിലാണ് ദുൽഖർ സൽമാൻ പ്രത്യക്ഷപ്പെട്ടത്. ഷൈൻ ടോം ചാക്കോയും ഇന്ദജിത്തും സണ്ണി വെയ്നും ചിത്രത്തിൽ സുപ്രധാന വേഷങ്ങൾ അവതരിപ്പിക്കുന്നുണ്ട്. ടീസർ പ്രേക്ഷകർക്ക് സമ്മാനിച്ചിട്ടുള്ളത് വലിയ പ്രതീക്ഷയാണ്. 2

    Kurup Movie

    Kurup Movie

    • Share this:
      ഏറെ നാൾ നീണ്ട കാത്തിരിപ്പുകൾക്ക് വിരാമമിട്ടെത്തിയ ദുൽഖർ സൽമാൻ നായകനാകുന്ന കുറുപ്പിന്റെ ടീസർ ഇരുകൈയും നീട്ടി സ്വീകരിച്ച് ആരാധകർ. ദക്ഷിണേന്ത്യൻ ഭാഷകളിൽ പുറത്തിറക്കിയ ചിത്രത്തിൻ്റെ ടീസറുകൾ വലിയ ശ്രദ്ധ നേടിയിരിക്കുകയാണ് ഇപ്പോൾ. ഇന്ത്യ മുഴുവൻ തേടുന്ന പിടികിട്ടാപ്പുള്ളി കുറുപ്പിൻ്റെ ജീവിത കഥ പറയുന്ന ചിത്രമായ കുറുപ്പിൻ്റെ ടീസർ പാൻ ഇന്ത്യ ലെവലിൽ ശ്രദ്ധ നേടിയിരിക്കുകയാണ്.

      ഓൺലൈൻ പ്ലാറ്റ്‌ഫോമിൽ റിലീസ് ചെയ്യുവാനായി ചിത്രത്തിന് റെക്കോർഡ് തുകയുടെ ഓഫർ ലഭിച്ചിരുന്നെങ്കിലും തീയേറ്ററുകൾ പഴയപടി തുറന്ന് പ്രവർത്തനം ആരംഭിച്ചതോടെ ചിത്രം തീയേറ്റർ റിലീസിനായി തീരുമാനിക്കുകയായിരുന്നു. ചിത്രം മെയ് മാസം പുറത്തിറങ്ങുമെന്നാണ് ഇപ്പോൾ ലഭിക്കുന്ന സൂചന.

      കേരളത്തിന്‍റെ കുപ്രസിദ്ധനായ പിടികിട്ടാപ്പുള്ളി സുകുമാരക്കുറുപ്പിന്‍റെ ജീവിതം പറയുന്ന കുറുപ്പിൻ്റെ റിലീസിനായി കാത്തിരിക്കുകയാണ് ആരാധകരും. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് കുറുപ്പ് ടീസർ പുറത്ത് വിട്ടിട്ടുള്ളത്. ദുൽഖറിന്റെ കരിയറിലെ തന്നെ ഏറ്റവും ചെലവേറിയ ചിത്രത്തിന്റെ ടീസറിനെ പ്രകീർത്തിച്ച് ദേശീയ മാധ്യമങ്ങളും നിരൂപകരുമെല്ലാം തന്നെ സോഷ്യൽ മീഡിയയിൽ മുന്നോട്ട് വന്നിട്ടുണ്ട്. മലയാളികളെ പോലെ തന്നെ ഇന്ത്യയൊട്ടാകെ ഇപ്പോൾ കുറുപ്പിനായുള്ള കാത്തിരിപ്പിലാണ്.

      Also Read- ബ്രാൻഡ് ന്യൂ ലംബോർഗിനി സ്വന്തമാക്കി പ്രഭാസ്; വില കേട്ട് അമ്പരന്ന് ആരാധകർ

      സിനിമാ പ്രേമികളിൽ ആവേശം നിറച്ച് എത്തിയ ടീസറിൽ അമ്പരപ്പിക്കുന്ന മാറ്റത്തിലാണ് ദുൽഖർ സൽമാൻ പ്രത്യക്ഷപ്പെട്ടത്. ഷൈൻ ടോം ചാക്കോയും ഇന്ദജിത്തും സണ്ണി വെയ്നും ചിത്രത്തിൽ സുപ്രധാന വേഷങ്ങൾ അവതരിപ്പിക്കുന്നുണ്ട്. ടീസർ പ്രേക്ഷകർക്ക് സമ്മാനിച്ചിട്ടുള്ളത് വലിയ പ്രതീക്ഷയാണ്. 2012ൽ ശ്രീനാഥ് രാജേന്ദ്രൻ ഒരുക്കിയ സെക്കന്‍ഡ് ഷോ എന്ന ചിത്രത്തിലൂടെ തുടക്കം കുറിച്ച ദുല്‍ഖര്‍ സൽമാൻ അതു കഴിഞ്ഞ് 8 വര്‍ഷങ്ങൾക്കിപ്പുറം ശ്രീനാഥ് രാജേന്ദ്രനൊപ്പം വീണ്ടും ഒന്നിക്കുന്ന ചിത്രമാണ് കുറുപ്പ്.

      ദുൽഖറിന്റെ കരിയറിലെ തന്നെ ഏറ്റവും വലിയ ബഡ്ജറ്റിൽ ഒരുങ്ങുന്ന ചിത്രമാണ് ഇത്. 35 കോടി മുടക്കുമുതലിലാണ് ചിത്രം ഒരുങ്ങിയിരിക്കുന്നത്. ദുൽഖർ സൽമാന്റെ ഉടമസ്ഥതയിലുള്ള വേഫറെർ ഫിലിംസും എം സ്റ്റാർ എന്റർടൈൻമെൻറ്സും ചേർന്നാണ് ചിത്രം നിർമ്മിച്ചിരിക്കുന്നത്.

      Also Read- Adoor Bhasi | നായകനൊപ്പം നിൽക്കുന്ന കഥാപാത്രമായി; ഹാസ്യത്തിന്റെ അവിഭാജ്യഘടകമായ അടൂർ ഭാസി

      കേരളം, അഹമ്മദാബാദ്, ബോംബെ, ദുബായ്, മാംഗ്ളൂർ, മൈസൂർ എന്നിവിടങ്ങളിലായി ആറു മാസം നീണ്ടുനിന്ന ചിത്രീകരണത്തോടെയാണ് കുറുപ്പ് പൂർത്തിയാക്കിയത്. 105 ദിവസങ്ങൾ പൂർണമായും ഷൂട്ടിങ്ങിനായി ചിലവഴിച്ചതായും അണിയറപ്രവർത്തകർ വ്യക്തമാക്കിയിരുന്നു. ചിത്രത്തിന്റെ ഡബ്ബിങെല്ലാം പൂർത്തിയായി. ജിതിൻ കെ ജോസ് കഥ ഒരുക്കിയിരിക്കുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേൽ സായൂജ് നായരും കെ എസ് അരവിന്ദും ചേർന്നാണ്.



      നിമിഷ് രവി ഛായാഗ്രഹണവും സുഷിൻ ശ്യാം സംഗീത സംവിധാനവും നിർവഹിക്കുന്നു. ക്രീയേറ്റീവ് ഡയറക്ടറായി വിനി വിശ്വ ലാലും കുറുപ്പിന് പിന്നിലുണ്ട്. കമ്മാരസംഭവത്തിലൂടെ മികച്ച പ്രൊഡക്ഷൻ ഡിസൈനുള്ള ദേശീയ അവാർഡ് കരസ്ഥമാക്കിയ ബംഗ്ലാനാണ് ചിത്രത്തിന്റെ പ്രൊഡക്ഷൻ ഡിസൈനർ. മറ്റൊരു ദേശീയ അവാർഡ് ജേതാവായ വിവേക് ഹർഷനാണ് എഡിറ്റിംഗ് നിർവഹിക്കുന്നത്. മൂത്തോൻ എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ശോഭിത ധുലിപാലയാണ് ചിത്രത്തിലെ നായിക.

      ഇവരെ കൂടാതെ ഇന്ദ്രജിത് സുകുമാരൻ, സണ്ണി വെയ്ൻ, ഷൈൻ ടോം ചാക്കോ, വിജയരാഘവൻ, പി ബാലചന്ദ്രൻ, സുരഭി ലക്ഷ്മി, ശിവജിത് പദ്മനാഭൻ തുടങ്ങിയവരും ചിത്രത്തിൽ അഭിനയിക്കുന്നുണ്ട്. ചീഫ് അസ്സോസിയേറ്റ് ഡയറക്ടർ - പ്രവീൺ ചന്ദ്രൻ, സൗണ്ട് ഡിസൈൻ - വിഘ്‌നേഷ് കിഷൻ രജീഷ്, മേക്കപ്പ് - റോനെക്സ് സേവ്യർ, കോസ്റ്റ്യൂംസ് - പ്രവീൺ വർമ്മ, പ്രൊഡക്ഷൻ കൺട്രോളർ - ദീപക് പരമേശ്വരൻ, പി ആർ ഒ - ആതിര ദിൽജിത്ത്. സ്റ്റിൽസ് - ഷുഹൈബ് SBK, പോസ്റ്റർ ഡിസൈൻ - ആനന്ദ് രാജേന്ദ്രൻ.
      Published by:Rajesh V
      First published:
      )}