ദുൽഖർ സൽമാൻ പാടിയ 'മൊഞ്ചത്തി പെണ്ണേ ഉണ്ണിമായേ...' യൂട്യൂബിൽ ട്രെൻഡിംഗ്

ദുൽഖർ സൽമാൻ നിർമ്മാതാവാകുന്ന മണിയറയിലെ അശോകനിലെ ദുൽഖറും ഗ്രിഗറിയും ചേർന്നാലപിച്ച 'ഉണ്ണിമായ' ഗാനം യൂട്യൂബിൽ ട്രെൻഡിംഗ്.

Also read: Dulquer Salmaan | ദുൽഖറിനെ അടുക്കളയിൽ കയറ്റി കുഞ്ചാക്കോ ബോബനും നസ്രിയയും

നവാഗതനായ ഷംസു സായ്ബാ സംവിധാനം നിർവഹിക്കുന്ന ചിത്രത്തിൽ ഗ്രിഗറിയും അനുപമ പരമേശ്വരനുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. സംഗീത സംവിധാനം നിർവഹിച്ചിരിക്കുന്നത് ശ്രീഹരി കെ. നായർ. ഷിയാസ് അമ്മദ്കോയയുടേതാണ് രസകരമായ വരികൾ. ദുൽഖറിന്റെ പിറന്നാൾ ദിനത്തിലാണ് ഗാനം പുറത്തിറങ്ങിയത്.



സിനിമയുടെ പ്രധാന മേഖലകളെല്ലാം കൈകാര്യം ചെയ്യുന്നത് പുതുമുഖങ്ങളാണ്. മഗേഷ് ബോജിയുടെ കഥയെ ആസ്പദമാക്കി വിനീത് കൃഷ്ണനാണ് തിരക്കഥാ രചന. ക്യാമറ കൈകാര്യം ചെയ്തിരിക്കുന്ന സജാദ് കാക്കുവും സംഗീത സംവിധായകൻ ശ്രീഹരി കെ.നായരും പുതുമുഖങ്ങളാണ്.