അടൂരിന്റെ 'സ്വയംവര' ത്തിന് 'അമ്പതാ'ഘോഷിക്കാൻ പത്തനംതിട്ടയിലെ പഞ്ചായത്തുകൾ 5000 രൂപ വീതം നൽകാൻ ഉത്തരവ്

പത്തനംതിട്ട∙ അടൂർ ഗോപാലകൃഷ്ണൻ സംവിധാനം ചെയ്ത ‘സ്വയംവരം’ സിനിമയുടെ അൻപതാം വാർഷികം ആഘോഷിക്കാൻ ജില്ലയിലെ പഞ്ചായത്തുകൾ 5000 രൂപ വരെ വീതം തനതു ഫണ്ടിൽ നിന്നു നൽകാൻ തദ്ദേശ സ്വയംഭരണ വകുപ്പ് ഉത്തരവ്. 53 പഞ്ചായത്തുകളാണ് ജില്ലയിലുള്ളത്.  വാർഷികാഘോഷ സമിതി കൺവീനറുടെ അപേക്ഷ പരിഗണിച്ചാണു സർക്കാർ നടപടിയെന്നും ഉത്തരവിൽ പറയുന്നു.

Also read- ‘ജാതി എങ്ങനെയാണ് പ്രവർത്തിക്കുന്നതെന്ന് പുറംലോകത്തിന് മനസിലാക്കി കൊടുത്തതിന് നന്ദി’; അടൂരിനോട് വിദ്യാർത്ഥികൾ

സ്വയംവരത്തിന്റെ അൻപതാം വാർഷികം വിപുലമായി ആഘോഷിക്കാൻ സർക്കാർ നേരത്തേ തീരുമാനിച്ചിരുന്നു. ഇതിനായി സംഘാടക സമിതിയെയും രൂപീകരിച്ചിരുന്നു. സംഘാടക സമിതിയാണ് സർക്കാരിനോടു പണപ്പിരിവിന് അനുമതി തേടിയത്. ഇതിനു അനുമതി നൽകിക്കൊണ്ടാണ് തദ്ദേശ വകുപ്പിന്റെ ഉത്തരവ്.

Also read- Major Ravi | ‘മിസ്റ്റർ അടൂർ മോഹൻലാലിനേക്കുറിച്ച് ഗുണ്ടാ പ്രയോഗം നടത്താൻ നിങ്ങൾക്ക് ആരാണ് അധികാരം നല്‍കിയത്? മേജർ രവി

തനതു ഫണ്ടിൽ നിന്നു പണം നൽകണമെങ്കിൽ പഞ്ചായത്ത് കമ്മിറ്റി ചർച്ച ചെയ്ത് അനുമതി നൽകണമെന്നതിനാൽ എത്ര പഞ്ചായത്തുകൾ പണം നൽകാൻ മുന്നോട്ടു വരുമെന്നു  വ്യക്തമല്ല. സ്വയംവരം സിനിമയുടെ 50–ാം വാർഷികാഘോഷ പരിപാടി അടൂരിലാണു നടക്കുക. ശുചിത്വ മിഷൻ കോൺക്ലേവിന് 25,000 രൂപ വരെ വരെ പഞ്ചായത്തുകൾ നൽകണമെന്ന ഉത്തരവിനു തൊട്ടുപിന്നാലെയാണു സിനിമയുടെ വാർഷികത്തിനും പണം നൽകണമെന്ന് നൽകണമെന്ന് ആവശ്യപ്പെട്ടിരിക്കുന്നത്.