Salman Khan| സൽമാൻ ഖാനും പിതാവിനും വധഭീഷണി; സുരക്ഷ ശക്തമാക്കി മഹാരാഷ്ട്ര സർക്കാർ

ബോളിവുഡ് സൂപ്പർസ്റ്റാർ സൽമാൻ ഖാനും (Salman Khan)പിതാവ് സലിം ഖാനും വധഭീഷണി(threat letter)ലഭിച്ചതിനു പിന്നാലെ സുരക്ഷ ശക്തമാക്കി മഹാരാഷ്ട്ര സർക്കാർ. ഇന്നലെയാണ് സൽമാൻ ഖാനും പിതാവിനും അജ്ഞാത വധഭീഷണി കത്ത് ലഭിച്ചത്. സംഭവത്തിൽ ബാന്ദ്ര പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

ഇന്നലെ രാവിലെയാണ് സൽമാൻ ഖാന്റെ പിതാവ് സലിം ഖാന് അജ്ഞാതനായ ആൾ ഭീഷണികത്ത് നൽകിയത്. സലിംഖാന്റെ പതിവ് പ്രഭാസ സവാരിക്കിടെയായിരുന്നു സംഭവം. ബാന്ദ്രയിലെ ബസ് സ്റ്റാൻഡ് പ്രൊമനേഡിലാണ് സലിം ഖാൻ സുരക്ഷാ അകമ്പടിയോടെ പ്രഭാത സവാരിക്ക് എത്താറ്. നടത്തത്തിനു ശേഷം ബസ് സ്റ്റാന്റിലെ ബെഞ്ചിൽ അദ്ദേഹം ഇരിക്കുമ്പോൾ ഒരാൾ അടുത്തെത്തി കത്ത് നൽകുകയായിരുന്നു. സൽമാൻ ഖാനേയും സലിം ഖാനേയും വധിക്കുമെന്നാണ് കത്തിലെ ഭീഷണി.

Maharashtra Home Department strengthens actor Salman Khan's security after a threat letter was sent to him and his father Salim Khan yesterday, June 5.

(file pic) pic.twitter.com/lwFpDh0rpj

— ANI (@ANI) June 6, 2022

വധഭീഷണി ലഭിച്ചതിനെ തുടർന്ന് സിബിഐ സംഘം ഇന്ന് സൽമാന്റെ വസതിയിലെത്തിയെന്നും എഎൻഐ റിപ്പോർട്ട് ചെയ്യുന്നു. പഞ്ചാബി ​ഗായകൻ സിദ്ധു മൂസ് വാലെയെ കൊലപ്പെടുത്തിയതു പോലെ സൽമാനേയും പിതാവിനേയും കൊല്ലുമെന്നാണ് കത്തിലുണ്ടായിരുന്നതെന്ന് പോലീസ് ഉദ്യോ​ഗസ്ഥർ പറഞ്ഞു.

Mumbai | A Crime Branch team leaves from the residence of actor Salman Khan

Salman Khan & his father Salim Khan received a threat letter, yesterday. Bandra Police has filed an FIR against an unidentified person & further probe is underway. The actor's security has been increased pic.twitter.com/kvgyTGfeV1

— ANI (@ANI) June 6, 2022

ഇക്കഴിഞ്ഞ മെയ് 29 നാണ് പഞ്ചാബി ഗായകൻ സിദ്ധു മൂസ് വാലയെ അജ്ഞാതർ വെടിവച്ചു കൊന്നത്. അദ്ദേഹത്തിന്റെ പിതാവ് നോക്കിനിൽക്കേയായിരുന്നു ആക്രമണം നടന്നത്.