സ്മാർട്ട് ഫോണുമായി മരക്കാർ, അരികിൽ ആനന്ദനും; വൈറലായി മോഹൻലാലിന്റേയും അർജ്ജുന്റെയും ഫോട്ടോ

മരക്കാർ അറബിക്കടലിന്റെ സിംഹം സിനിമയുടെ സെറ്റിലെ രസകരമായ ലൊക്കേഷൻ ചിത്രം സോഷ്യൽ മീഡിയയിൽ വൈറലാവുന്നു. സ്മാർട്ട് ഫോണുമായി കഥാപാത്രത്തിന്റെ ലുക്കിൽ ഇരിക്കുന്ന മോഹൻലാലും തൊട്ടരികിൽ തന്നെ മറ്റൊരു കഥാപാത്രമായ അർജുൻ സർജയുമാണ് ഫോട്ടോയിൽ. ആനന്ദൻ എന്നാണ് അർജുൻ സർജയുടെ കഥാപാത്രത്തിന്റെ പേര്.

5000 സ്ക്രീനുകളിൽ, അഞ്ചു ഭാഷകളിലായി, 2020 മാർച്ച് 26ന് മലയാള സിനിമയുടെ ബ്രഹ്‌മാണ്ഡ ചിത്രമായ മരയ്ക്കാർ അറബിക്കടലിന്റെ സിംഹം തിയേറ്ററിലെത്തും.

ഇന്ത്യൻ സിനിമയും മലയാള സിനിമയും ഒരുപോലെ ഉറ്റുനോക്കുന്ന ഒരു ചിത്രമാണ് മരയ്ക്കാർ- അറബിക്കടലിന്റെ സിംഹം. ആദ്യമായി സംവിധായകൻ ഫാസിൽ ഒരു പ്രധാന കഥാപാത്രമാകുന്നുവെന്ന പ്രത്യേകതയുണ്ട് ഈ പ്രിയദർശൻ ചിത്രത്തിന്. കുട്ട്യാലി മരയ്ക്കാർ എന്ന കഥാപാത്രമാണ് ഫാസിലിന്.

വൻ താരനിര തന്നെയുണ്ട് ചിത്രത്തിൽ. മോഹൻലാലിൻറെ കുട്ടിക്കാലം മകൻ പ്രണവ് മോഹൻലാൽ അവതരിപ്പിക്കും. നടൻ മുകേഷ് തൻ്റെ അഭിനയ ജീവിതത്തിലെ ചരിത്ര പ്രാധാന്യമുള്ള ആദ്യ വേഷം കൈകാര്യം ചെയ്യുന്നു. സിദ്ദിഖ്, നെടുമുടി വേണു എന്നിവരും പ്രധാന വേഷങ്ങളിലെത്തുന്നു.

സുപ്രധാന നായികാ വേഷങ്ങളിൽ കീർത്തി സുരേഷ്, കല്യാണി പ്രിയദർശൻ, മഞ്ജു വാര്യർ തുടങ്ങിയവരാണ്. ആശിർവാദ് സിനിമാസിന്റെ ബാനറിൽ ആൻ്റണി പെരുമ്പാവൂരാണ് നിർമ്മാണം. ഹൈദരാബാദിലെ റാമോജി ഫിലിം സിറ്റിയായിരുന്നു പ്രധാന ലൊക്കേഷൻ.

View this post on Instagram

#Marakkar location click ! 😍😊 @mohanlal @akarjunofficial #MarakkarArabikadalinteSimham #Laletan #Mohanlal #Arjun

A post shared by Mohanlal Media Club (@mohanlalmediaclub) on Feb 12, 2020 at 8:23pm PST