Chiyaan Vikram | പഴയ സിനിമയിലെ പാട്ട് പാടുന്ന ചിയാൻ വിക്രം; വീഡിയോ വൈറൽ

ഈ വർഷത്തെ സൂപ്പർ ഹിറ്റുകളായ കോബ്ര, പൊന്നിയിൻ സെൽവൻ 1 എന്നീ രണ്ട് വലിയ സിനിമകൾ  നടൻ ചിയാൻ വിക്രമിന്റെ പേരിലാണ്. കോബ്രയ്ക്ക് പ്രേക്ഷകരിൽ നിന്നും നിരൂപകരിൽ നിന്നും സമ്മിശ്ര പ്രതികരണം ലഭിച്ചപ്പോൾ, പൊന്നിയിൻ സെൽവൻ ബോക്‌സ് ഓഫീസിൽ വൻ വിജയമാണ് നേടിയത്. ഒടിടി റിലീസായ മഹാനിൽ താരം ഇക്കൊല്ലം ആദ്യമായി മകൻ ധ്രുവ് വിക്രമിനൊപ്പം അഭിനയിച്ചു.

ഡബ്ബിംഗ് ആർട്ടിസ്റ്റായി തന്റെ കരിയർ ആരംഭിച്ച വിക്രം തമിഴ് സിനിമയിലെ മുൻനിര നടന്മാരിൽ ഒരാളായി ഉയർന്നു. അടുത്തിടെ, ഒരു ആരാധകൻ താരത്തെ അദ്ദേഹത്തിന്റെ പഴയകാല ഓർമകളിലൂടെ കൈപിടിച്ച് നടത്തി. വിക്രം തന്റെ 2013ലെ ചിത്രമായ ഡേവിഡിന്റെ പ്രൊമോഷൻ സമയത്തുള്ള ഒരു പഴയ വീഡിയോ പങ്കിട്ടു. ക്ലിപ്പിൽ, ഒരു പ്രൊമോഷണൽ ഇവന്റിനിടെ വിക്രം ഡേവിഡിലെ മരിയപിതാച്ചേ എന്ന ഗാനം ആലപിക്കുന്നത് കാണാം.

#ChiyaanVikram singing #Mariapitache song during the time of #David movie promotion 2013. @chiyaan 😍❤️
His fitness level ! 🔥#Thanganalaan #DhruvaNatchathiram@Kalaiazhagan15 @sooriaruna @chiyaanCVF @mugeshsharmaa @proyuvraaj pic.twitter.com/B7neCTylXg

— Shiva 7 (@Shiivaa4) December 26, 2022

അദ്ദേഹത്തോടൊപ്പം സിനിമയിൽ അഭിനയിച്ച നീൽ നിതിൻ മുകേഷ്, വിനയ് വിർമാനി എന്നിവരും വീഡിയോയിലുണ്ട്. പാട്ടിലെ ഏതാനും വരികൾ പാടാൻ ഇരുവരും വിക്രമിനെ പ്രേരിപ്പിക്കുകയും വിക്രം നിർബന്ധിതനാവുകയുമാണ്. പിന്നീട് മറ്റ് രണ്ടുപേരും അദ്ദേഹത്തോടൊപ്പം ചേരുന്നു. ഡിസംബർ 26 ന് ഒരു ട്വിറ്റർ ഉപയോക്താവ് ഈ ക്ലിപ്പ് ട്വിറ്ററിൽ പങ്കിട്ടു. തമിഴിൽ എഴുതിയ അടിക്കുറിപ്പോടെ വിക്രം അടുത്തിടെ വീഡിയോ റീട്വീറ്റ് ചെയ്തു.

மலரும் நினைவுகளுக்கு நன்றி! 💛 https://t.co/VeZcA4asOb

— Vikram (@chiyaan) December 27, 2022

രാവണന് പുറമെ വിക്രം അഭിനയിച്ച രണ്ട് ഹിന്ദി ചിത്രങ്ങളിൽ ഒന്നാണ് ഡേവിഡ്. നടൻ വിനയ് വിർമയ്ക്ക് പകരം ജീവയെ ഉൾപ്പെടുത്തി ചിത്രത്തിന്റെ ഒരു ഭാഗം തമിഴിലും റീഷൂട്ട് ചെയ്തു. സമൂഹത്തിലെ മൂന്ന് വ്യത്യസ്ത തലങ്ങളിൽ നിന്നും ഡേവിഡ് എന്ന പേരുള്ള മൂന്ന് വ്യത്യസ്ത മനുഷ്യരും അവരുടെ പാതകൾ എങ്ങനെ പരസ്പരം ബന്ധപ്പെട്ടിരിക്കുന്നു എന്നതിന്റെയും കഥയാണ് സിനിമ പറയുന്നത്. ഇതിന് സമ്മിശ്ര അവലോകനങ്ങൾ ലഭിക്കുകയും ബോക്‌സ് ഓഫീസിൽ നഷ്‌ടം നേരിടാത്ത പ്രകടനം കാഴ്ചവയ്ക്കുകയും ചെയ്‌തു.

Summary: There is an old video available of actor Chiyaan Vikram singing a song from one of his earlier films. The actor retweeted it after one of his admirers had shared it and added a Tamil comment. The video also features his co-stars