COVID 19: മോഹൻലാലിന്‍റെ സംശയങ്ങൾക്ക് മറുപടിയുമായി ഡോക്ടർ

ആശങ്ക പരത്തി കോവിഡ് 19 വ്യാപിക്കുന്നതിനിടെ ബോധവത്കരണത്തിൽ ഭാഗമായി നടൻ മോഹൻലാലും. വൈറസ് ബാധയുമായി ബന്ധപ്പെട്ട് സാധാരണക്കാർക്കുണ്ടാകുന്ന സംശയങ്ങൾ മോഹൻലാൽ ചോദ്യമായി അവതരിപ്പിക്കുന്ന വീഡിയോയാണ് സ്വന്തം ഫേസ്ബുക്ക് പേജിലൂടെ ഷെയർ ചെയ്തിരിക്കുന്നത്. വൈറസിനെ എങ്ങനെ ഫലപ്രദമായി പ്രതിരോധിക്കാം, അതിന് എന്തൊക്കെയാണ് പാലിക്കേണ്ട കാര്യങ്ങൾ തുടങ്ങി മോഹൻലാൽ ഉന്നയിക്കുന്ന സംശയങ്ങൾക്ക് മറുപടിയുമായി എറണാകുളം മെഡിക്കൽ കോളേജിലെ കൊറോണ കൺട്രോൾ നോഡൽ ഓഫീസറും ശ്വാസകോശരോഗ വിഭാഗം മേധാവിയുമായ ഡോ. ഫത്താഹുദ്ദീൻ എത്തുന്നു.

കൊറോണ ആശങ്കയോട് നോ പറയൂ, മുൻകരുതലിനോട് യെസ് പറയൂ എന്ന ടാഗ് ലൈനോട് കൂടിയാണ് മോഹൻലാൽ നേതൃത്വം നൽകുന്ന വിശ്വശാന്തി ഫൌണ്ടേഷനാണ് വീഡിയോ പുറത്തിറക്കിയിരിക്കുന്നത്.
You may also like:ആശങ്കയല്ല കരുതലാണ് വേണ്ടത്; ശ്രദ്ധിക്കേണ്ടത് ഇവർ [PHOTO]കോണ്‍ഗ്രസ്സ് കിഴവന്മാരുടെ ഗ്രൂപ്പു കളിയില്‍; മുസ്ലീം ലീഗ് പോഷക സംഘടനാ നേതാവ് [NEWS]പൊലീസുകാരനെ പിടികിട്ടാപ്പുള്ളി കുത്തിപ്പരിക്കേൽപ്പിച്ചു; മറ്റൊരാൾക്ക് വയറിനു കുത്തേറ്റു [NEWS]
കൊറോണ വൈറസ് പടരുന്നതെങ്ങനെ, എടുക്കേണ്ട മുൻകരുതലുകൾ? ശരീരത്തിൽനിന്ന് പൂർണമായി ഇല്ലാതാക്കാനാകുമോ? കൊറോണയ്ക്ക് മരുന്ന് ഉണ്ടാകുമോ തുടങ്ങി നിരവധി ചോദ്യങ്ങളാണ് മോഹൻലാൽ ഉന്നയിക്കുന്നത്. ഈ ചോദ്യങ്ങൾക്കെല്ലാം വ്യക്തമായ മറുപടി ഡോക്ടർ നൽകുന്നുണ്ട്. മോഹൻലാലിന്‍റെ ഫേസ്ബുക്ക് പേജിൽ ഷെയർ ചെയ്ത വീഡിയോ ഇതിനോടകം ലക്ഷകണക്കിന് ആളുകൾ കണ്ടുകഴിഞ്ഞു.

വീഡിയോ കാണാം...