HOME » NEWS » Film » MOVIES HERE COMES THE MOTION POSTER FROM AJAY DEVGN MOVIE RRR

Happy Birthday Ajay Devgn | RRR ചിത്രത്തിലെ അജയ് ദേവ്ഗണിന്റെ മോഷൻ പോസ്റ്റർ ഇതാ

Here comes the motion poster from Ajay Devgn movie RRR | ഇന്ന് അജയ് ദേവ്ഗണിന്റെ പിറന്നാളാണ്. സസ്പെൻസ് നിറഞ്ഞ ആ ലുക്ക് പുറത്ത്

News18 Malayalam | news18-malayalam
Updated: April 2, 2021, 1:15 PM IST
Happy Birthday Ajay Devgn | RRR ചിത്രത്തിലെ അജയ് ദേവ്ഗണിന്റെ മോഷൻ പോസ്റ്റർ ഇതാ
അജയ് ദേവ്ഗൺ RRR
  • Share this:
ഏതാണ്ട് ഒരുമിനിട്ടു നീളമുള്ള ഈ മോഷൻ പോസ്റ്റർ കാണേണ്ടതാണ്. അതിന്റെ അവസാനം നടൻ അജയ് ദേവ്ഗണിന്റെ പുതിയ സിനിമയിലെ ആ ലുക്ക് നിങ്ങൾക്ക് കാണാം. എസ്.എസ്. രാജമൗലി സംവിധാനം ചെയ്യുന്ന RRR സിനിമയിലെ അജയ് ദേവ്ഗണിന്റെ ലുക്കാണ് പുറത്തു വന്നിരിക്കുന്നത്. തോക്കിന്മുനകളുടെ മുൻപിൽ മരണത്തെ പേടിക്കാതെയുള്ള നിൽപ്പാണ് ഇദ്ദേഹം. ഇന്ന് അജയ് ദേവ്ഗണിന്റെ പിറന്നാളാണ്.

ജൂനിയര്‍ എന്‍.ടി.ആറും, രാം ചരണുമാണ് ചിത്രത്തില്‍ പ്രധാന വേഷങ്ങളില്‍ എത്തുന്നത്. ജൂനിയര്‍ എന്‍.ടി.ആര്‍. കൊമരു ഭീം ആയും രാം ചരണ്‍ അല്ലൂരി സീതരാമ രാജുവായിട്ടുമാണ് ചിത്രത്തില്‍ എത്തുന്നത്.

ചരിത്രവും ഫിക്ഷനും കൂട്ടിചേര്‍ത്താണ് ചിത്രം ഒരുക്കുന്നത്. രുധിരം, രൗദ്രം, രണം എന്നാണ് RRR എന്ന പേര് കൊണ്ട് ഉദ്ദേശിക്കുന്നത്. കോവിഡ് പ്രതിസന്ധികള്‍ക്ക് ശേഷം ഒക്ടോബര്‍ ആദ്യവാരത്തോടെയാണ് ചിത്രത്തിന്റെ ഷൂട്ടിംഗ് പുനഃരാരംഭിച്ചത്.

കൊമരു ഭീം, അല്ലൂരി സീതരാമ രാജു തുടങ്ങിയ സ്വാതന്ത്ര്യ സമര സേനാനികളുടെ സാങ്കല്‍പ്പിക കഥയാണ് ചിത്രം. തെന്നിന്ത്യയില്‍ നിന്നും ബോളിവുഡില്‍ നിന്നുമുള്ള വന്‍ താരനിരയാണ് ഈ ചിത്രത്തില്‍ അണിനിരക്കുന്നത്.

450 കോടി മുതല്‍മുടക്കില്‍ ഒരുങ്ങുന്ന ചിത്രത്തില്‍ അജയ് ദേവ്ഗണ്‍, ഒലിവിയ മോറിസ്, സമുദ്രക്കനി, അലിസണ്‍ ഡൂഡി, റേ സ്റ്റീവന്‍സണ്‍ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.

Youtube Video


ഡി.വി.വി. ദാനയ്യയാണ് ചിത്രത്തിന്റെ നിര്‍മ്മാതാവ്. കെ.കെ. സെന്തില്‍കുമാര്‍ ഛായാഗ്രഹണം നിര്‍വഹിക്കുന്നു. സംഗീതം: എം.എം. കീരവാണി. പി.ആര്‍.ഒ ആതിര ദില്‍ജിത്.

2021 ജനുവരി 8ന് ചിത്രം റിലീസ് ചെയ്യാനാണ് ആദ്യം ഉദ്ദേശിച്ചിരുന്നത്. 10 ഭാഷകളിലാകും ചിത്രം റിലീസിനെത്തുക. എന്നാല്‍ നിലവിലെ സാഹചര്യത്തില്‍ റിലീസ് തീയതി പ്രഖ്യാപിച്ചിട്ടില്ല. 2021ല്‍ തന്നെ സിനിമ റിലീസ് ചെയ്യാന്‍ കഴിയുമെന്ന പ്രതീക്ഷയിലാണ് അണിയറപ്രവര്‍ത്തകര്‍.

കോവിഡ് പ്രതിസന്ധിയും ഷൂട്ടിംഗ് മുടക്കവും

2020 ഒക്ടോബറിൽ ആറ് മാസത്തെ ഇടവേളയ്ക്ക് ശേഷം RRR ഷൂട്ടിംഗ് പുനഃരാരംഭിച്ചു. കോവിഡ് പ്രതിസന്ധിയെത്തുടർന്ന് മാർച്ച് മാസം ഷൂട്ടിംഗ് നിർത്തിവയ്‌ക്കേണ്ട സാഹചര്യമുണ്ടായി. ഒക്ടോബർ അഞ്ചിനാണ് ഷൂട്ടിംഗ് വീണ്ടും തുടങ്ങിയത്.

2020 ജൂലൈ മാസത്തിൽ രാജമൗലിക്കും കുടുംബത്തിനും കോവിഡ് ബാധയേറ്റിരുന്നു. ട്വിറ്ററിലൂടെ രാജമൗലി തന്നെയാണ് ഇക്കാര്യം അറിയിച്ചത്.

"ഇടവേളയൽപ്പം നീണ്ടു പോയി. പക്ഷെ അതെല്ലാം സിനിമയെ മെച്ചമാക്കാൻ ഉപകരിച്ചു എന്നാണ് ഞാൻ വിശ്വസിക്കുന്നത്. എവിടെ മുടങ്ങിയോ, അവിടെ നിന്നും ആരംഭിക്കാൻ ഞങ്ങളുടെ മുഴുവൻ ക്രൂവും സ്ഥലത്തെത്തിയിട്ടുണ്ട്. പ്രേക്ഷകർക്ക് മുൻപിൽ സിനിമയെത്തിക്കാൻ ഞങ്ങൾ കാത്തിരിക്കുകയാണ്. പിന്തുണച്ച എല്ലാവർക്കും നന്ദി," ഷൂട്ടിംഗ് ആരംഭിച്ചു കൊണ്ട് രാജമൗലി പറഞ്ഞതിങ്ങനെ. ഷൂട്ടിംഗ് ആരംഭിച്ചതിന്റെ മേക്കിങ് വീഡിയോയും സംഘം പുറത്തുവിട്ടിരുന്നു.

Summary: Look of Ajay Devgn in S S Rajamouli directing movie RRR is out. The motion poster is released on his birthday
Published by: user_57
First published: April 2, 2021, 1:15 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories