• HOME
  • »
  • NEWS
  • »
  • film
  • »
  • പുഞ്ചിരി തഞ്ചി കൊഞ്ചിക്കൊ... ജിയാ ജലേ ഗാനത്തിലെ മലയാളം വരികൾ ഉണ്ടായതിങ്ങനെ

പുഞ്ചിരി തഞ്ചി കൊഞ്ചിക്കൊ... ജിയാ ജലേ ഗാനത്തിലെ മലയാളം വരികൾ ഉണ്ടായതിങ്ങനെ

How the Malayalam verses got into Hindi song Jiya Jale | അന്ന് എ.ആർ.റഹ്മാൻ എന്ത് ചെയ്‌തു?

  • Share this:
    കേരളത്തിൽ നിന്നും ഉത്തരേന്ത്യൻ സംസ്ഥാനങ്ങളിലേക്ക് പോകുന്ന മലയാളികൾ പലപ്പോഴും കേൾക്കാറുള്ള ചോദ്യം ഇതാണ്. ദിൽ സെയിലെ ജിയാ ജലേ... ഗാനത്തിലെ മലയാളം വരികളുടെ അർഥം. പലരും കുഴങ്ങാറുണ്ട്. അല്ലെങ്കിൽ അറിയും വിധം പറഞ്ഞു മനസ്സിലാക്കും. എന്നാൽ ആ മലയാളം വരികൾ ഹിന്ദി ഗാനതിനുള്ളിൽ കടന്നത് എങ്ങനെ എന്ന് ഗാനരചയിതാവ് ഗുൽസാർ ഒരു പുസ്തകത്തിൽ വിവരിക്കുന്നു. എഴുത്തുകാരിയും വിവർത്തകയും ചലച്ചിത്ര പ്രവർത്തകയുമായ നസ്രീൻ മുന്നി കബീർ രചിച്ച പുസ്തകമാണിത്.

    ഒറ്റ സെഷൻ കൊണ്ടാണ് ലത മങ്കേഷ്‌കർ ഈ ഗാനം പാടി തീർത്തത്. എന്നിട്ടും ഫൈനൽ വേർഷൻ ശരിയായില്ല. സംഗീത സംവിധായകനായ എ.ആർ. റഹ്മാൻ പിന്നെയും 10 ദിവസം ആ ഗാനത്തിന് മേൽ ചിലവഴിച്ചു. ഇങ്ങനെ സമയം എടുത്തു ഇൻസ്ട്രുമെന്റഷൻ ചെയ്യുക എന്നത് റഹ്മാന്റെ സ്ഥിരം ശൈലിയാണ്.



    ഗുൽസാർ മുംബൈക്ക് പോയി. അപ്പോഴാണ് അന്തരങ്ങൾക്ക് മദ്ധ്യേ കൂട്ടിച്ചേർത്ത വരികളുടെ കാര്യം റഹ്‌മാൻ വിളിച്ചു പറയുന്നത്. റഹ്മാൻ ഫീമെയിൽ കോറസ് മലയാളത്തിൽ റെക്കോർഡ് ചെയ്ത് അതിന്റെ ഉള്ളിൽ ചേർത്തിട്ടുണ്ടായിരുന്നു. അത് ഹിന്ദിയിലേക്ക് തർജ്ജമ ചെയ്യാൻ നേരെ ഗുൽസാർ സാഹിബിനടുത്തേക്ക് കൊണ്ട് വരികയായിരുന്നു.

    എന്നാൽ ഫോണിൽ ആ വരികൾ കേട്ട ഗുൽസാറിന് അതിഷ്ടപ്പെട്ടു. "അത് വളരെ മനോഹരമായിരുന്നു. കോറസ് മലയാളത്തിൽ തന്നെ നിലനിർത്താൻ ഞാൻ നിർദ്ദേശിച്ചു. ശബ്ദങ്ങളുടെ മൊത്തത്തിലെ ആവിർഭാവമാണ് ഉണ്ടാവേണ്ടത്. മലയാളത്തിനും അതിന്റെ നാടൻപാട്ട് ശൈലികളും ഈണങ്ങളുമുണ്ട്. ലതാജിയും ആ കോറസും ചേർന്നപ്പോൾ ഭംഗിയായി മാറി," ഗുൽസാർ പറയുന്നു.

    മണിരത്നം സംവിധാനം ചെയ്ത ചിത്രമാണ് 'ദിൽ സെ'.

    First published: