• HOME
  • »
  • NEWS
  • »
  • film
  • »
  • Prathibha Tutorials | ഒരു ട്യൂട്ടോറിയൽ കോളേജിന്റെ കഥപറയുന്ന 'പ്രതിഭാ ട്യൂട്ടോറിയൽസ്' ചിത്രീകരണം പൂർത്തിയായി

Prathibha Tutorials | ഒരു ട്യൂട്ടോറിയൽ കോളേജിന്റെ കഥപറയുന്ന 'പ്രതിഭാ ട്യൂട്ടോറിയൽസ്' ചിത്രീകരണം പൂർത്തിയായി

ചിത്രീകരണം കോഴിക്കോട്ടെ കോടഞ്ചേരിയിലും പരിസരങ്ങളിലുമായി പൂർത്തിയായി

പ്രതിഭാ ട്യൂട്ടോറിയൽസ്

പ്രതിഭാ ട്യൂട്ടോറിയൽസ്

  • Share this:
    അഭിലാഷ് രാഘവൻ സംവിധാനം ചെയ്യുന്ന 'പ്രതിഭാ ട്യൂട്ടോറിയൽസ്' (Prathibha Tutorials) എന്ന ചിത്രത്തിൻ്റെ ചിത്രീകരണം കോഴിക്കോട്ടെ കോടഞ്ചേരിയിലും പരിസരങ്ങളിലുമായി പൂർത്തിയായി. ഗുഡ് ഡേ മൂവീസ് ആൻറ് അനാമിക മൂവീസിൻ്റെ ബാനറിൽ എം. ശ്രീലാൽ പ്രകാശനും ജോയി അനാമികയും ചേർന്നാണ് ഈ ചിത്രം നിർമ്മിക്കുന്നത്.

    ഓരോ സ്ഥാപനങ്ങളും തങ്ങളുടെ സ്ഥാപനങ്ങളുടെ വളർച്ചക്കായി വ്യത്യസ്ഥമായ പരസ്യ തന്ത്രങ്ങളും നടപടികളുമാണ് ഉപയോഗിക്കുന്നത്. അങ്ങനെ തികച്ചും വ്യത്യസ്ഥമായ ചില തന്ത്രങ്ങളിലൂടെ തങ്ങളുടെ ട്യൂട്ടോറിയൽ കോളജിൻ്റെ പ്രവർത്തനം സുഗമമാക്കാൻ ശ്രമിക്കുന്ന സ്ഥാപന ഉടമകളുടേയും അവിടുത്തെ വിദ്യാർത്ഥികളുടേയും കഥ പറയുന്ന ചിത്രമാണ് പ്രതിഭാ ട്യൂട്ടോറിയൽസ്. ഈ സംഭവങ്ങൾ പൂർണ്ണമായും നർമ്മമുഹൂർത്തങ്ങളിലൂടെയാണ് അവതരിപ്പിക്കുന്നത്.

    സുധീഷും നിർമ്മൽ പാലാഴിയുമാണ് ട്യൂട്ടോറിയൽ കോളജ് ഉടമകളെ അവതരിപ്പിക്കുന്നത്. ജോണി ആൻ്റണി, സാജു നവോദയ (പാഷാണം ഷാജി), അൽത്താഫ് സലിം, ശിവജി ഗുരുവായൂർ, ജാഫർ ഇടുക്കി, വിജയകൃഷ്ണൻ, (ഹൃദയം ഫെയിം) ജയകൃഷ്ണൻ, എൽദോ രാജു (ഓപ്പറേഷൻ ജാവ ഫെയിം) രാമകൃഷ്ണൻ (Rlv), മണികണ്ഠൻ രമേഷ് കാപ്പാട്, ശിവദാസ് മട്ടന്നൂർ, ഹരീഷ് പണിക്കർ, ദേവരാജൻ, പ്രദീപ് ബാലൻ, അഞ്ജനാ അപ്പുക്കുട്ടൻ, ടീനാ സുനിൽ, പ്രീതി രാജേന്ദ്രൻ, മഹിതാ കൃഷ്ണ, മനീഷാ മോഹൻ, ജ്യോതി കൃഷ്ണ ആലപ്പുഴ, രാജി പൂജപ്പുര എന്നിവർക്കൊപ്പം 'പാടാത്ത പൈങ്കിളി' എന്ന ജനപ്രിയ പരമ്പരകളിലൂടെ ശ്രദ്ധനേടിയ സൂരജ്സനും പ്രധാന വേഷമണിയുന്ന ഇവർക്കൊപ്പം നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു.

    മനു മഞ്ജിത്ത്, ഹരി നാരായണൻ, ഹരിതാ ബാബു എന്നിവരുടെ ഗാനങ്ങൾക്ക് കൈലാസ് മേനോൻ ഈണം പകർന്നിരിക്കുന്നു. രാഹുൽ സി. വിമല ഛായാഗ്രാണവും റെജിൻ കെ.ആർ. എഡിറ്റിംഗും നിർവ്വഹിക്കുന്നു. കലാസംവിധാനം -മുരളി ബേപ്പൂർ. മേക്കപ്പ്- രാജൻ മാസ്ക്ക്, കോസ്റ്റ്യും - ഡിസൈൻ- ചന്ദ്രൻ ചെറുവണ്ണൂർ, ചീഫ് അസ്സോസ്സിയേറ്റ് ഡയറക്ടർ- ജയേന്ദ്ര ശർമ്മ, പ്രൊഡക്ഷൻ എക്സിക്യൂട്ടീവ് -നിഷാന്ത് പന്നിയങ്കര, പ്രൊഡക്ഷൻ കൺട്രോളർ- നിജിൽ ദിവാകർ, പി.ആർ.ഒ.- വാഴൂർ ജോസ്, സ്റ്റിൽസ്- ലിയോ കുഞ്ഞപ്പൻ.

    Summary: Shooting of Malayalam movie Prathibha Tutorials wrapped after its last schedule got over in Kozhikode. Sudheesh and Nirmal Palazhi play lead roles in the movie centered around the happenings of a private tutorial college. As per makers, the movie puts forward the tricks and trades of those who run these centres to attract students. The film has given emphasis to lace those moments with funny elements
    Published by:user_57
    First published: