• HOME
  • »
  • NEWS
  • »
  • film
  • »
  • Jeethu Joseph | വീണ്ടുമൊരു ത്രില്ലറുമായി ജീത്തു ജോസഫ്; 'കൂമൻ' ആരംഭിച്ചു

Jeethu Joseph | വീണ്ടുമൊരു ത്രില്ലറുമായി ജീത്തു ജോസഫ്; 'കൂമൻ' ആരംഭിച്ചു

കേരള-തമിഴ്നാട് അതിർത്തി ഗ്രാമത്തിൻ്റെ പശ്ചാത്തലത്തിലൂടെ ഒരു ത്രില്ലർ മൂവിയാണ് 'കൂമൻ'

'കൂമൻ'

'കൂമൻ'

  • Share this:
    മലയാള സിനിമക്ക് നിരവധി ഹിറ്റ് ചിത്രങ്ങൾ നൽകിയ ജീത്തു ജോസഫ് (Jeethu Joseph) സംവിധാനം ചെയ്യുന്ന പുതിയ ചിത്രമാണ് 'കൂമൻ' (Kooman). അനന്യ ഫിലിംസിൻ്റെ ബാനറിൽ ആൽവിൻ ആൻ്റണി നിർമ്മിക്കുന്ന ഈ ചിത്രത്തിന് ഫെബ്രുവരി 24 വ്യാഴാഴ്ച്ച പാലക്കാട്ടെ പോത്തുണ്ടി ശിവക്ഷേത്ര സനിധിയിൽ വച്ച് ലളിതമായ ചടങ്ങോടെ തുടക്കമിട്ടു. ആസിഫ് അലിയാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നത്.

    ജീത്തു ജോസഫ് ആദ്യഭദ്രദീപം തെളിയിച്ചതോടെയാണ് തുടക്കമിട്ടത്. തുടർന്ന് ആൽവിൻ ആൻ്റണി, തിരക്കഥാകൃത്ത് കെ.ആർ. കൃഷ്ണകുമാർ സതീഷ്ക്കുറുപ്പ്, ലിൻഡ ജീത്തു, എയ്ഞ്ചലീനാ മേരി ആൻ്റണി, മനു പന്മനാഭൻ, നൗഷാദ് ആലത്തൂർ, കെ.എ.എം. ജലീൽ എന്നിവർ ചേർന്ന് ഈ ചടങ്ങ് പൂർത്തീകരിച്ചു.

    ലിന്റാ ജീത്തു സ്വിച്ചോൺ കർമ്മം നിർവ്വഹിച്ചു. ഏയ്ഞ്ചലീനാ മേരി ആൻ്റണി ഫസ്റ്റ് ക്ലാപ്പും നൽകി.

    കേരള-തമിഴ്നാട് അതിർത്തി ഗ്രാമത്തിൻ്റെ പശ്ചാത്തലത്തിലൂടെ ഒരു ത്രില്ലർ മൂവിയാണ് ജീത്തു ജോസഫ് ഈ ചിത്രത്തിലൂടെ അവതരിപ്പിക്കുന്നത്.








    View this post on Instagram






    A post shared by Jeethu Joseph (@jeethu4ever)






    രൺജി പണിക്കർ, ബാബുരാജ്, മേഘനാഥൻ, ബൈജു സന്തോഷ്, ജാഫർ ഇടുക്കി, നന്ദു, അഭിരാം രാധാകൃഷ്ണൻ, പ്രശാന്ത് മുരളി (ജാനെ മൻഫെയിം) ദീപക് പറമ്പോൾ, ജയിംസ് ഏല്യാ പരസ്പരം പ്രദീപ്, രാജേഷ് പറവൂർ, ജയൻ ചേർത്തല, ആദം അയൂബ്, ഹന്നാറെജി കോശി, ശ്രിയാ നാഥ്, പൗളി വൽസൻ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.

    കെ.ആർ. കൃഷ്ണകുമാറിൻ്റേതാണ് തിരക്കഥ. വിനയക് ശശികുമാറിൻ്റെ വരികൾക്ക് വിഷ്ണു ശ്യാം ഈണം പകർന്നിരിക്കുന്നു. സതീഷ്ക്കുറുപ്പ് ഛായാഗ്രഹണവും വി.എസ്. വിനായക് എഡിറ്റിംഗും നിർവ്വഹിക്കുന്നു.

    കലാ സംവിധാനം - രാജീവ് കോവിലകം, മേക്കപ്പ് - രതീഷ് വിജയൻ, കോസ്റ്റും - ഡിസൈൻ - ലിന്റ ജീത്തു, കോ ഡയറക്ടർ - അർഫാസ് അയൂബ്, അസ്സോസ്സിയേറ്റ് ഡയറക്‌ടേർസ് - സോണി ജി. സോളമൻ, ഭാസ്ക്കരൻ, പ്രൊഡക്ഷൻ എക്സിക്യൂട്ടീവ് - ലിബിൻ വർഗീസ്, പ്രൊഡക്ഷൻ മാനേജർ - രാഹുൽ കെ., പ്രൊഡക്ഷൻ കൺട്രോളർ- പ്രണവ് മോഹൻ, പ്രൊജക്റ്റ് ഡിസൈനർ - ഡിക്സൻ പൊടുത്താസ്, എക്സിക്യൂട്ടീവ് പ്രൊഡ്യൂസേർസ് - മനു പന്മനാഭൻ, എയ്ഞ്ചലീനാ ആൻ്റണി, ജയചന്ദ്രൻ കല്ലാടത്ത്, പി.ആർ.ഒ. - വാഴൂർ ജോസ്, ഫോട്ടോ - ബന്നറ്റ് എം. വർഗീസ്.

    കൊല്ലങ്കോട്, നെന്മാറ, പൊള്ളാച്ചി, മറയൂർ എന്നിവിടങ്ങളിലായി ഈ ചിത്രത്തിൻ്റെ ചിത്രീകരണം പൂർത്തിയാകും.

    Summary: Jeethu Joseph is back with another thriller featuring Asif Ali in the lead. Titled Kooman, the film started rolling in Palakkad the other day. The plot is set against the backdrop of Kerala - Tamilnadu border
    Published by:user_57
    First published: