• News
  • World Cup 2019
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

മോഹൻലാലിന് പിന്തുണയുമായി എം.എ നിഷാദ്

News18 Malayalam
Updated: July 23, 2018, 11:34 PM IST
മോഹൻലാലിന് പിന്തുണയുമായി എം.എ നിഷാദ്
News18 Malayalam
Updated: July 23, 2018, 11:34 PM IST
തിരുവനന്തപുരം: ചലച്ചിത്ര പുരസ്ക്കാര വിവാദവുമായി ബന്ധപ്പെട്ട് നടൻ മോഹൻലാലിന് പിന്തുണയുമായി സംവിധായകൻ എം.എ നിഷാദ്. മോഹൻലാലിനോട് എന്തിനാണ് അയിത്തമെന്നാണ് ഫേസ്ബുക്ക് പോസ്റ്റിലൂടെ എം.എ നിഷാദ് ചോദിക്കുന്നത്. സർക്കാറിന്റ്റെ പരിപാടിയിൽ മോഹൻലാലിനെ ക്ഷണിച്ചാൽ ആരുടെ ധാർമ്മികതയാണ് ചോർന്ന് പോകുന്നത്. അത് കൊണ്ട് ആരുടെ പ്രാധാന്യമാണ് കുറയുന്നത്. പുരസ്കാര ജേതാക്കളുടേതോ? കഷ്ടം എന്നല്ലാതെ എന്ത് പറയാൻ. പുരസ്കാരം അടച്ചിട്ട മുറിയിലേക്ക് മാറ്റണമെന്നാണോ വാദമെന്നും നിഷാദ് ചോദിക്കുന്നു.

എം.എ നിഷാദിന്‍റെ പോസ്റ്റിന്‍റെ പൂർണരൂപം

മോഹൻലാലിനോട് എന്തിന് അയിത്തം ?

ഈ വർഷത്തെ ചലച്ചിത്ര പുരസ്കാര വിതരണത്തോടനുബന്ധിച്ച്,പുതിയ ഒരു വിവാദത്തിന് ഭൂമി മലയാളം സാക്ഷിയാകുന്നു..മോഹൻലാലിനെ അവാർഡ് ദാന ചടങ്ങിന് മുഖ്യാഥിതിയായി സർക്കാർ ക്ഷണിച്ചൂ എന്നതാണ് പുതിയ വിവാദം...സത്യം പറയാമല്ലോ,അതിലെ തെറ്റ് എന്താണെന്ന് എത്ര ആലോചിച്ചിട്ടും എനിക്ക് മനസ്സിലാകുന്നില്ല..മോഹൻലാൽ,ഒരു കുറ്റവാളിയോ,തീവ്രവാദിയോ അല്ല..പിന്നെന്തിന് അയിത്തം...മോഹൻലാൽ,അമ്മ എന്ന സംഘടനയുടെ പ്രസിഡന്റ്റ് ആയത് ഇന്നലെയാണ് (അതാണ് വിഷയമെന്കിൽ..അമ്മ ജനറൽ സെക്രട്ടറി ശ്രീമാൻ ഇടവേള ബാബു വിനെ അല്ലല്ലോ ക്ഷണിച്ചത്..അങ്ങനെയാണെന്കിൽ അതൊരു വിഷയമാക്കാം)...മലയാളിയുടെ മനസ്സിൽ നടനകലയിലൂടെ ചിരപ്രതിഷ്ഠ നേടിയ നടനാണ് അദ്ദേഹം..സർക്കാറിന്റ്റെ പരിപാടിയിൽ മോഹൻലാലിനെ ക്ഷണിച്ചാൽ ആരുടെ ധാർമ്മികതയാണ് ചോർന്ന് പോകുന്നത്..അത് കൊണ്ട് ആരുടെ പ്രാധാന്യമാണ് കുറയുന്നത്..പുരസ്കാര ജേതാക്കളുടേതോ ? കഷ്ടം എന്നല്ലാതെ എന്ത് പറയാൻ...പംരസ്കാരം അടച്ചിട്ട മുറിയിലേക്ക് മാറ്റണമെന്നാണോ വാദം ?...
ഇതൊരംതരം വരട്ട് വാദമാണ്..മോഹൻലാലിന്റ്റെ പ്രസ്താവനയിൽ അപാകതകളുണ്ടായിട്ടുണ്ടെന്കിൽ,അത് പരിശോധിക്കുകയോ,ആശയപരമായി ചർച്ചചെയ്യുകയോ ചെയ്യുന്നതിന് പകരം,ലാൽ എന്ന നടനെ പൊതു സമൂഹത്തിൽ നിന്നങ്ങ് തുടച്ച് നീക്കാം എന്നാരെന്കിലും കരുതുന്നുണ്ടെന്കിൽ അക്കൂട്ടരോട് സഹതാപം മാത്രം...മോഹൻലാലിനെ ഇത് വരെ ചടങ്ങിന്റ്റെ കാര്യം ബന്ധപ്പെട്ടവർ അറിയിച്ചിട്ടില്ല എന്നാണ് മനസ്സിലാക്കാൻ കഴിഞ്ഞത്..അങ്ങനെ ഒരു ആലോചന വന്നു എന്നാണ് അറിയാൻ കഴിഞ്ഞത്...തീരുമാനമാകാത്ത കാര്യത്തിനാണ് ഈ പടപ്പുറപ്പാട്...
എന്തായാലും,ഒരം പുരസ്കാര ജേതാവ് എന്ന നിലക്ക് ഞാൻ അത് ഏറ്റു വാങ്ങും..ഇതെന്റ്റെ നിലപാടാണ്..എന്റ്റെ ശരിയും...
NB..രാഷ്ട്രീയ പരമായ വിയോജിപ്പുകൾ എന്റ്റെ അഭിപ്രായങ്ങളെ സ്വാധീനിക്കാറില്ല.
First published: July 23, 2018
കൂടുതൽ കാണുക
Loading...
അടുത്തത് വാര്‍ത്തകള്‍
Loading...