നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • film
    • »
    • മമ്മൂട്ടി ചിത്രം വൺ നെറ്റ്ഫ്ലിക്സിൽ

    മമ്മൂട്ടി ചിത്രം വൺ നെറ്റ്ഫ്ലിക്സിൽ

    പ്രീസ്റ്റിനു ശേഷം മമ്മൂട്ടിയുടേതായി ഒടിടിയിൽ റിലീസിനെത്തുന്ന ചിത്രം കൂടിയാണ് വൺ.

    One movie

    One movie

    • Share this:
      മമ്മൂട്ടി നായകനായ ചിത്രം വൺ ഒടിടി റിലീസിന്. മമ്മൂട്ടിയെ നായകനാക്കി സന്തോഷ് വിശ്വനാഥൻ സംവിധാനം ചെയ്ത വൺ നെറ്റ്ഫ്ലിക്സിൽ റീലീസ് ചെയ്തു. മാർച്ച് 26 നായിരുന്നു വൺ തിയേറ്ററുകളിൽ റിലീസ് ചെയ്തത്. കടയ്ക്കൽ ചന്ദ്രൻ എന്ന  മുഖ്യമന്ത്രി കഥാപാത്രമായാണ് മമ്മൂട്ടി എത്തിയത്.

      പ്രീസ്റ്റിനു ശേഷം മമ്മൂട്ടിയുടേതായി ഒടിടിയിൽ റിലീസിനെത്തുന്ന ചിത്രം കൂടിയാണ് വൺ. ആമസോൺ പ്രൈമിലായിരുന്നു പ്രീസ്റ്റ് എത്തിയത്. കഴിഞ്ഞ കോവിഡ് പ്രതിസന്ധിക്ക് ശേഷം തിയേറ്ററുകൾ തുറന്നപ്പോൾ പുറത്തിറങ്ങിയ ചിത്രങ്ങൾ പ്രേക്ഷകർ ഇരു കൈയ്യും നീട്ടി സ്വീകരിച്ചിരുന്നു.

      നവാഗതനായ ജോഫിൻ ടി. ചാക്കോ സംവിധാനം ചെയ്യുന്ന ചിത്രമാണ് ദി പ്രീസ്റ്റ്. പേര് സൂചിപ്പിക്കുന്നതുപോലെ ചിത്രത്തിലെ ടൈറ്റില്‍ കഥാപാത്രമായ പുരോഹിതനെയാണ് മമ്മൂട്ടി അവതരിപ്പിച്ചത്.


      ബോബി സഞ്ജയ് തിരക്കഥയൊരുക്കിയ വണ്ണിൽ  രഞ്ജിത്ത് ശങ്കർ, ജോജു ജോർജ്, ശങ്കർ രാമകൃഷ്ണൻ, സലീം കുമാർ, ഗായത്രി അരുൺ, മുരളി ഗോപി, ബാലചന്ദ്ര മേനോൻ, മാമുക്കോയ, ശ്യാമപ്രസാദ്, അലൻസിയർ, സുരേഷ് കൃഷ്ണ  എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്. ഗോപി സുന്ദര്‍ സംഗീത സംവിധാനം ചെയ്ത ചിത്രത്തിന്റെ ഛായാഗ്രഹണം വൈദി സോമസുന്ദരമാണ് നിര്‍വഹിച്ചത്.

      വൺ ചിത്രീകരണത്തിനിടെ മമ്മൂട്ടി മുഖ്യമന്ത്രി പിണറായി വിജയനെ സന്ദർശിച്ചത് വലിയ വാർത്തയായിരുന്നു. മമ്മൂട്ടിക്കൊപ്പമുള്ള ചിത്രം പിണറായി പങ്കു വെച്ചിരുന്നു.
      Published by:Naseeba TC
      First published: