• HOME
  • »
  • NEWS
  • »
  • film
  • »
  • Mamukkoya | വർഷങ്ങൾക്ക് ശേഷം മാമുക്കോയ 'ഗഫൂർക്ക' ആവുന്നു; 'ഗഫൂർക്കാ ദോസ്ത്' ചിത്രീകരണമാരംഭിച്ചു

Mamukkoya | വർഷങ്ങൾക്ക് ശേഷം മാമുക്കോയ 'ഗഫൂർക്ക' ആവുന്നു; 'ഗഫൂർക്കാ ദോസ്ത്' ചിത്രീകരണമാരംഭിച്ചു

ഇത്തവണ 'ഗഫൂർ കാ ദോസ്ത്' ആയിട്ടല്ല 'ഗഫൂർക്ക' ആയിട്ടാണ് മാമുക്കോയ എത്തുന്നത്

  • Share this:
    'നാടോടിക്കാറ്റ്' എന്ന ചിത്രത്തിലൂടെ പ്രേക്ഷക ഹൃദയത്തിലിടം നേടിയ മാമുക്കോയയുടെ 'ഗഫൂർ കാ ദോസ്ത്' എന്ന കഥാപാത്രം വീണ്ടുമെത്തുന്നു. ഒരിടവേളക്ക് ശേഷം ഈ അവിസ്മരണീയ കഥാപാത്രം വീണ്ടുമെത്തുമ്പോൾ പ്രേക്ഷകർ ആവേശത്തിലാണ്. ഇത്തവണ 'ഗഫൂർ കാ ദോസ്ത്' ആയിട്ടല്ല 'ഗഫൂർക്ക' ആയിട്ടാണ് മാമുക്കോയ എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിട്ടുണ്ട്. പുതിയ രൂപത്തിലും ഭാവത്തിലുമുള്ള മാമുക്കോയയുടെ ഹൈടെക് ഗഫൂർക്കാ ദോസ്ത്തിനെ പോസ്റ്ററിൽ കാണാം. ചിത്രത്തിന്റെ ഷൂട്ടിംങ്ങ് ആരംഭിച്ചു. പോസ്റ്റർ കണ്ട പ്രേക്ഷകർ 'ഗഫൂർ കാ ദോസ്ത്'ന്റെ രണ്ടാംവരവിനായുള്ള കാത്തിരിപ്പിലാണ്.

    'എ സ്ക്വയർ ഫിലിംസിന്റെ' ബാനറിൽ സ്നേഹ്ജിത്ത് സംവിധാനം ചെയ്യുന്ന ചിത്രത്തിൽ മാമുക്കോയ, സുധീർ കരമന, സുധീർ പറവൂർ, സാജൻ പള്ളുരുത്തി, മെറീന മൈക്കിൾ, കലാഭവൻ ഹനീഫ്, ഉല്ലാസ് പന്തളം, ചെമ്പിൽ അശോകൻ, ഷാജു അടിമാലി എന്നിവരാണ് പ്രധാന വേഷത്തിലെത്തുന്നത്. ഹാദാദ് നിർമ്മിക്കുന്ന ചിത്രത്തിന് തോമസ് തോപ്പിൽക്കുടിയാണ് തിരക്കഥ ഒരുക്കിയിരിക്കുന്നത്.

    ഛായാ​ഗ്രഹണം: ബിനു എസ്. നായർ. ചിത്രസംയോജനം: സനൽ അനിരുദ്ധൻ. സം​ഗീതം: യൂനുസിയോ. ഗാനരചന: സന്തോഷ് വർമ്മ, ഷിജു അഞ്ചുമാന. സ്റ്റിൽസ്: ശ്രീനി മഞ്ചേരി. ഡിസൈൻ: മനു ഡാവിൻസി. ആർട്ട്: ജോജു ആന്റണി. വസ്ത്രാലങ്കാരം: ഷാജി കൂനമ്മാവ്. മേയ്ക്കപ്പ്: ജയരാമൻ. പ്രൊഡക്ഷൻ കൺട്രോളർ: രാജേഷ് കളമശ്ശേരി. പ്രൊഡക്ഷൻ ഡിസൈൻ: ജോസ് വാരാപ്പുഴ. കോറിയോ​ഗ്രഫി: രേഖ മാസ്റ്റർ. ചീഫ് അസോസിയേറ്റ്: വിമൽ മോഹനൻ. അസോസിയേറ്റ് ഡയറക്ടർ: ഷിജു കാർത്തിക. പി.ആർ.ഒ.: മഞ്ചു ​ഗോപിനാഥ്.

    Also read: Rudhiram | കന്നഡ സിനിമയെ പിടിച്ചുകുലുക്കിയ ഷെട്ടി ഗാങ് മലയാളത്തിൽ; അപർണ ബാലമുരളി നായികയാവുന്ന 'രുധിരം'

    കന്നഡ സിനിമാരംഗം പിടിച്ചുകുലുക്കിയ ഷെട്ടി ഗാങ് തലവന്‍ മലയാളത്തിലേക്ക്. അഭിനയിക്കാന്‍ അപര്‍ണ ബാലമുരളിയും (Aparna Balamurali).

    നവാഗതനായ ജിഷോ ലോണ്‍ ആന്റണി സംവിധാനം ചെയ്യുന്ന 'രുധിരം' എന്ന ചിത്രത്തിലൂടെയാണ് രാജ് ബി. ഷെട്ടി മലയാളത്തിൽ അരങ്ങേറ്റം കുറിക്കുന്നത്. 'രുധിരം' എന്ന ചിത്രത്തിന്റെ ടൈറ്റില്‍ പോസ്റ്റർ റിലീസായി.

    പ്രമേയത്തിലും പെര്‍ഫോമന്‍സിലും മേക്കിങ്ങിലും വ്യത്യസ്ത പുലര്‍ത്തുന്ന ചിത്രങ്ങളിലൂടെ കന്നഡയില്‍ തരംഗം തീര്‍ത്ത രാജ് ബി. ഷെട്ടി മലയാളത്തിൽ എത്തുമ്പോൾ ഒപ്പം ചിത്രത്തില്‍ പ്രധാന വേഷത്തിലെത്തുന്നത് ദേശീയ അവാര്‍ഡ് ജേതാവായ അപര്‍ണ ബാലമുരളിയാണ്.

    ഒണ്ടു മോട്ടേയ കഥേ, ഗരുഡ ഗമന ഋഷഭ വാഹന എന്നീ ചിത്രങ്ങളിലൂടെ സംവിധായകനായും മികച്ച അഭിനേതാവായും പ്രേക്ഷകമനം കവര്‍ന്ന താരമാണ് രാജ് ബി. ഷെട്ടി.

    സാന്‍ഡല്‍വുഡില്‍ നവതരംഗം തീര്‍ക്കുന്നവരായാണ് റിഷഭ് ഷെട്ടി, രക്ഷത് ഷെട്ടി, രാജ് ബി. ഷെട്ടി എന്നിവര്‍ അറിയപ്പെടുന്നത്. ഈ ഷെട്ടി ഗ്യാങ്ങിലെ പ്രധാനിയാണ് രാജ് ബി. ഷെട്ടി.

    റൈസിങ് സണ്‍ സ്റ്റുഡിയോസിന്റെ ബാനറില്‍ വി.എസ്. ലാലൻ നിർമ്മിക്കുന്ന 'രുധിരം' മലയാളം, കന്നഡ, തമിഴ്, തെലുങ്ക് എന്നീ ഭാഷകളിലായി അവതരിപ്പിക്കുന്നു.
    Published by:user_57
    First published: