HOME » NEWS » Film » MOVIES MIDHUN MANUEL THOMAS SAYS NO SECOND PART FOR KOTTAYAM KUNJACHAN

കോട്ടയം കുഞ്ഞച്ചൻ ചതിച്ചാശാനേ; സൂപ്പർഹിറ്റിന് രണ്ടാം ഭാഗം ഇല്ല; കാരണം വ്യക്തമാക്കി മിഥുൻ മാനുവൽ തോമസ്

ആട് സംവിധായകൻ മിഥുൻ മാനുവലാണ് കുഞ്ഞച്ചൻ രണ്ടാം ഭാഗം ഒരുക്കാൻ തയ്യാറായിരുന്നത്. എന്നാല്‍ പ്രേക്ഷകരെ നിരാശരാക്കിയിരിക്കുകയാണ് മിഥുൻ.

News18 Malayalam | news18-malayalam
Updated: January 23, 2020, 1:01 PM IST
കോട്ടയം കുഞ്ഞച്ചൻ ചതിച്ചാശാനേ; സൂപ്പർഹിറ്റിന് രണ്ടാം ഭാഗം ഇല്ല; കാരണം വ്യക്തമാക്കി മിഥുൻ മാനുവൽ തോമസ്
kottayam kunjachan
  • Share this:
വെള്ള ജുബ്ബയും മുണ്ടും ധരിച്ച് കൂളിങ് ഗ്ലാസും വെച്ച് തനി കോട്ടയം അച്ചായനായി മമ്മൂട്ടി കസറിയ ചിത്രമാണ് കോട്ടയം കുഞ്ഞച്ചൻ. മമ്മൂട്ടിയുടെ അഭിനയ ജീവിതത്തിലെ തന്നെ നാഴികക്കല്ലുകളിലൊന്നായി മാറി ചിത്രം. കോട്ടയം ഭാഷ സംസാരിച്ച് മലയാളികളുടെ മനസിൽ ചേക്കേറിയ കുഞ്ഞച്ചനെ മരിക്കുവോളം മലയാളി മറക്കുകയുമില്ല.

അതുകൊണ്ട് തന്നെ കുഞ്ഞന് രണ്ടാം ഭാഗം വരുന്നെന്ന വാർത്തകള്‍ അറിഞ്ഞ് കുറച്ചൊന്നുമല്ല മലയാളികൾ സന്തോഷിച്ചത്. ആട് സംവിധായകൻ മിഥുൻ മാനുവലാണ് കുഞ്ഞച്ചൻ രണ്ടാം ഭാഗം ഒരുക്കാൻ തയ്യാറായിരുന്നത്. എന്നാല്‍ പ്രേക്ഷകരെ നിരാശരാക്കിയിരിക്കുകയാണ് മിഥുൻ. കുഞ്ഞച്ചന് രണ്ടാം ഭാഗം ഉണ്ടാകില്ലെന്ന് വ്യക്തമാക്കിയിരിക്കുകയാണ് മിഥുൻ. ദ ക്യൂവിൽ ഷോ ടൈമിൽ ആണ്  മിഥുൻ ഇക്കാര്യം വ്യക്തമാക്കിയത്.

also read:അച്ഛന്റെയും ചേട്ടന്റെയും വഴിക്കല്ല! വിസ്മയ മോഹൻലാലിന്റേത് വേറിട്ട വഴി

തിരക്കഥ പല തവണ പുതുക്കിപ്പണിതിട്ടും തൃപ്തികരമാവാത്തതിനെ തുടർന്നാണ് ചിത്രം ഉപേക്ഷിക്കുന്നതെന്നാണ് മിഥുൻ വ്യക്തമാക്കിയത്. വര്‍ഷങ്ങള്‍ക്ക് മുന്‍പ് അവതരിപ്പിക്കപ്പെട്ടതും പ്രേക്ഷകര്‍ ഇപ്പോഴും ഇഷ്ടത്തോടെ കാണുകയും ചെയ്യുന്ന ഒരു കഥാപാത്രത്തെ യോജിക്കുന്ന തരത്തിൽ പുനരവതരിപ്പിക്കാനാകില്ലെന്ന് വ്യക്തമായതോടെയാണ് ചിത്രം ഉപേക്ഷിക്കുന്നത്- മിഥുൻ പറയുന്നു.

മറ്റൊരു ചിത്രമായ ടർബോ പീറ്ററും നടക്കാൻ സാധ്യതയില്ലെന്നാണ് മിഥുൻ പറയുന്നത്. ആട് 2 എന്ന ചിത്രത്തിന്റെ വിജയാഘോഷ വേളയിലായിരുന്നു കോട്ടയം കുഞ്ഞച്ചൻ 2 മിഥുൻ പ്രഖ്യാപിച്ചത്.
Youtube Video
First published: January 22, 2020, 7:18 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories