അനിയൻകുഞ്ഞും തന്നാലായത്; ഗായികയായി വീണ്ടും മമ്ത മോഹൻദാസ്

മലയാള ചലച്ചിത്രം 'അനിയൻകുഞ്ഞും തന്നാലായതിന്റെ' ഓഡിയോ പ്രകാശനം മോഹൻലാൽ നിർവഹിച്ചു. രാജീവ് നാഥ് സംവിധാനം ചെയ്യുന്ന ചിത്രമാണിത്. വിനു എബ്രഹാം തിരക്കഥയും സംഭാഷണവും രചിക്കുന്നു . കൊച്ചിയിൽ ആയിരുന്നു ഓഡിയോ ലോഞ്ച്.

ഈ ചിത്രത്തിൽ മൂന്നു ഗാനങ്ങൾ ഉണ്ട്. ഇവയിൽ രണ്ടെണ്ണം കവിയും നാടകകൃത്തുമായ കാവാലം നാരായണ പണിക്കർ രചിച്ചതാണ് എന്ന പ്രത്യേകതയുണ്ട്. മറ്റൊന്ന് ജോയ് തമലവും. എം. ജയചന്ദ്രനും റോണി റാഫേലും സംഗീതം പകർന്ന ഈ പാട്ടുകൾ മമ്ത മോഹൻദാസും വിഷ്ണുരാജും ആലപിച്ചിരിക്കുന്നു.

സലിൽ ശങ്കരൻ നിർമിച്ച ഈ സിനിമയിൽ കിആൻ കിഷോർ, രഞ്ജി പണിക്കർ, ഇന്ദ്രൻസ്, നന്ദു, അഭിരാമി, മാതു, ഗീത, ഭാഗ്യലക്ഷ്മി, നുസറത് ജഹാൻ തുടങ്ങിയവരും ഒരു പറ്റം അമേരിക്കൻ അഭിനേതാക്കളും പ്രധാന വേഷങ്ങളിൽ എത്തുന്നു.